قلوب حائرة ٢١ روز آمين
تحدثت علياء بإنتشاء ٠٠٠٠٠دي ماما ليها يومين مخرجتش من المطبخ بتجهزلكم في الأكل ده !!
أكمل رؤوف بدعابه٠٠٠٠٠ماما عاملالكم وليمه تكفي قبيله بحالها !!!
نظرت لها ثريا وتحدثت بإطراء٠٠٠٠كريمه من بيت كرم يا بسمه وطول عمرك أهل جود يا حبيبتي !!
إبتسمت لها إبتسام وأجابت بترحاب٠٠٠٠٠إنتوا فوق راسنا يا حاجه ثريا ،،دانتوا شرفتونا والله وأسعدتونا بدخلتكم علينا !
ثم وجهت بصرها إلي مليكه وتحدثت ٠٠٠وحشاني أوي يا مليكه ،،عامله أيه يا حبيبتي ؟؟
أجابتها بإبتسامه عذبه٠٠٠٠أنا الحمد لله يا طنط ،،بخير !!
تحدث حسن بعمليه ٠٠٠٠يلا يا عليا وصلي عمتك والبنات لأوضهم فوق علشان يبدلوا هدومهم وأنا و رؤوف وإسلام هنجهز السفره مع ماما !!!
صعدوا بالفعل وبعد مده كان الجميع يجتمع علي سفرة الطعام التي تحمل كل ما لذ وطاب !!!
تحدثت نرمين ناظره إلي رؤوف٠٠٠٠٠خلصت كليتك ولا لسه يا باشمهندس ؟؟
أجابها رؤوف بإبتسامه أخويه٠٠٠٠٠أخر سنه ليا إن شاء الله،،إدعيلي أخلص منها علي خير،، كليه مرهقه وتعبتني بجد !!
أجابهٌ حسن مٌداعباً إياه ٠٠٠٠٠ما تجمد يلا كده،،دا أنت لسه بتقول يا هادي،،أومال لما تخلص وتستلم شغلك هتعمل أيه ؟؟
تحدثت يسرا مٌتسائله٠٠٠٠٠هو إنت تخصص أيه يا رؤوف ؟؟
أجابها بإحترام٠٠٠٠٠هندسة ميكانيكا يا أبله يسرا،،نفس تخصص بابا !!
تحدثت علياء بدعابه وهي تنظر إلي يسرا٠٠٠٠٠الباشا حسبها صح،،دخل نفس مجال بابا علشان يتخرج ويتعين مهندس ميكانيكا في البواخر السياحيه مع بابا ،،
ونظرت له وتحدثت بإتهام مٌصطنع ٠٠٠٠إنسان وصولي وإنتهازي !!!
تعالت ضحكات الجميع بمرح وسعاده !!
تحدث إسلام بمرح ٠٠٠٠٠لا والشهاده لله سيادتك غيره خااالص،،يادوب دخلتي حقوق علشان تمسكي المكتب مع خالك !!!
أشارت لهٌ بأصبعها دفاعاً عن حالها قائله٠٠٠٠لا ما أسمحلكش،،،أنا من صغري وأنا حابه مهنة المحاماه وكان نفسي أخوض التجربة،،وأكون البنت الجريئه إللي بتجيب للبشر حقوقهم من إللي متجبرين عليهم و ظالمينهم ،،
وأكملت بدعابه٠٠٠٠تفرق حضرتك بين واحده بتجيب حقوق المظلوم،،وبين مهندس ما بيهموش غير الماده وبس !!!
تحدث حسن ناظراً لإبنته ذات اللسان المنطلق ٠٠٠قصدك أيه بقا ب مهندس ما يهموش غير الماده دي ؟؟
أجابتهٌ بدبلوماسيه ٠٠٠طبعاً الكلام ده ما ينطبقش علي حضرتك يا باشمهندس،،حضرتك دخلت المجال حباً فيه وبصراحه أضفت للمجال بخبرتك الهايله يا باشا،،
