طلقتها
الفصل السابع. ..
فتحت فريده الرسالة التي ارسلت لتيمور وجدت اسم المرسل دنيا ومحتوى الرساله ….وحشتيني اوى يا حبيبي …..شعرت فريده بغضه فى حلقها والغيره تنهش قلبها هل يخونها وفى شهر العسل كيف يجرؤ على ذلك ومنذ قليل كنا لا لن اسمح له بذلك كانت فريده تغلى من الغضب عندما دخل تيمور مبتسما….
تيمور..فيرى يله اجهزى الجماعه تحت مستنينك يا حبيبتي. ..
فريده…حبك برص يا اخى انت ايه معندكش دم …
تيمور باستغراب…فريده انتى سخنه مالك قلبتى تانى ليه…
فريده وهى ترمى له الهاتف …علشان ده…
فتح تيمور الهاتف ونظر لها. ..
تيمور وهو يقترب منها ويحتضنها…فريده حبيبتي انتى اكيد كنتى عارفه انى فى صداقه بينى وبين دنيا وكمان عارفه انى بعدت عنها من زمان صح ولا لا…
فريده..ايوه بس ليه تبعتلك كده…
تبمور وهو يحتضنها …علشان توصل للى انتى بتعمليه دلوقتي اننا نزعل من بعض طيب ليه انت تدى لحد فرصة يعمل شرخ بينا …
فريده…عندك حق انا اسفه وقبلته فى خده ….
تيمور ….لا كده كتير انا هنزل احسن اتهور والجماعه تحت انجزى وحصلينى وطبع قبله طويله على شفتيها ونزل الى الاسفل ….قامت فيرى بالاستحمام وارتدت فستان يصل الى الركبه مليىء بالورود وصففت شعرها ووضعت القليل من المكياج ونزلت لتستقبل عائلتها….
عمر….ايه يا عريس الاخبار …
تيمور …تمام خير بتسال ليه يا رزل…
عمر…. بطمن عليك يمكن تكون محتاج مساعده من اخوك ولا حاجه…
تيمور…لم نفسك وخليك فى حالك….
والد فريده…طول عمره كده دماغه شمال وقليل الادب …
هدى…فعلا يا بابا جوزى ده بتاع بنات ومش بيستر فى حته ابدا ….
عمر…انا طيب حسابنا بعدين يا موزه …
والده فريده….غيب يا ولاد اكبروا بئه هتفضلوا تناقروا فى بعض لحد امتى….
عمر….والله يا امى هجى دى حبيبتي وانتى عارفه انى كيوت وانتم دايما ظلمنى ….
هدى. ..يعينى على البراءه ….
تيمور. ..خلاص خلصنا انتم جايين تباركوا ولا تتريقوا عاى بعض ارحمونى ….
وصلت فريده فى ذلك الوقت ….
عمر….اشطه على القمر ايه ده كل ده ورد طيب مش تسقيه علشان ميموتش…
فريده وهى تسلم عليه….لا خفه لم نفسك احسنلك انا احسن حاجه حصلتلى من الجواز انى ارتحت منك تصدق….
عمر….كده يا فيرى ده انا عمر ماشى يا جميل بكره تحتاجينى وانا اقولك ابدا ابدا …
