ظلمني حبك

ــــــــــــــــــــــــــــــــــــــــــــــــــــــــــــــــــــــــــــــــــــــــــــــ

الحلقة الثانية من قصة (ظلمتني بحبك لها ) بقلم: مي علاء
……..**…………………………………………………………………………………………………
مرام بفرحة: انت مش موافق لية؟
فهد بفرحة: اخيرا اتكلمتي معايا يا مرام
مرام بحزن:انا زعلانة منك … انت لية عاي تزعلني و تزعل ماما سعاد … اسمع كلامها يا فهد
فهد: ازاي اسمع كلامها ازاي …. هي عايزاني اتجوز و ابدأ حياتي من جديد … من غيريك
مرام بحنان: وفيها اية يا فهد …. انا عايزاك تبدأ حياتك من جديد …
فهد: انتي عارفة انك كنتي بالنسبالي اية
مرام: عارفة واللهي … بس لازم تكمل حياتك يا حبيبي …. وافق ع طلب ماما سعاد
فهد: انتي عارفة طلبت مني اية؟
مرام بإبتسامةسمحة: اة عارفة … انك تتجوز … وعد
فهد: ازاي عرفتي؟؟
مرام: انا شايفاك و عارفة كل حاجة عليك
مرام بترجي: قبل ما اروح … عايزاك تشوف حياتك … لو بتحبني بجد … كمل حياتك … ولو مكملتش حياتك بدوني هبقى زعلانة في قبري طول عمري
وبدأت تختفي
فهد: طب استني
مرام: مع السلامة
و استيقظ فهد … نظرحولة وجد ان الصباح قد طل … ولم يتبقى إلا ساعة ع موعد عملة
جلس قليلا ع سريرة … يتذكر الحلم … كان سعيد لأن مرام لأول مرة تحادثة في الحلم .. ولكنة حزين لأنها طلبت منة ان يكمل حياتة بدونها …. فكر في كلامها وقرر…….
…….** استيقظت وعد بنشاط .. خرجت وجدت والدها يقرأ الجرائد
وعد: صبااح الخير يا بابا
موسى: صباح الخير يا بنتي ….
وعد: هروح احضرلك الفطاار
موسى بتمعن : غريبة … مالك النهارضة مشرقة اووي كدة؟؟
وعد و الإبتسامة ع وجهها: مش عارفة … بس حاسة ان النهارضة في حاجة هتحصل تخليني مبسووطة
موسى: يارب دايما
وعد: طب اروح انا بقى اعمل الفطوور
موسى: ماشي يا بنتي
……** جهز فهد للذهاب إلى العمل …. خرج من غرفتة وجد والدتة حضرت الفطور … وتنتظرة
سعاد: يلى يابني تعالى افطر قبل ما تنزل الشغل
فهد: حاضر
وجلس و بدأ في الأكل … بعد ان انهى طعامة قال لوالدتة
فهد: عايز اقولك ع قرار خدوا
سعاد: اية هو؟؟
فهد بعد صمت قليل: انا قررت اتجوز …
سعاد بسعادة: بجد يا ابني …. انت فرحتني
سعاد: عنيك ع واحدة … و لا
فهد وهو ينهض: اللي انت عايزاة …
سعاد: يعني وعد
فهد: زي ما انتي عايزة … اللي تشوفية …. سلام
وخرج
سعاد :الحمدالله … انا هروح و اكلم موسى عشانها
امسكت الهاتف واتصلت
موسى: السلام عليكم
سعاد: وعليكم السلام …ازيك يا موسى
موسى: الحمدالله … انتي عاملو اية؟؟
سعاد: الحمدالله … كنت عايزة اقولك على حاجة
موسى: اتفضلي
سعاد: امتى انت فاضي … عشان اجي انا و فهد نطلب ايد بنتك
موسى بسعادة: في اي وقت ….
سعاد: ماشي … اخر الأسبوع ينفع؟
موسى: اهلا و سهلا بيكم
سعاد: اتفقنا … مع السلامة
بعد ان اقفل
وعد: مين جيلنا يا بابا؟؟
موسى بسعادة: سعاد و فهد هيجولنا اخر الأسبوع
وعد وقلبها طرقاتة سريعة: لية؟؟
موسى: جايين يطلبوا ايديك ل فهد
وعد واحست انها ستفقد الوعي من الفرحة
وعد بسعاادة: ش قلتلك يا بابا … ان النهارضة في حاجة هتحصل … الحمدالله
موسى: ربنا يسعدك يا بنتي
وعد: انا داخلة اوضي
موسى: ماشي
دخلت غرفتها … جلست ع سريرها واخرجت الصورة من تحت مخدتها … إنها صورة فهد …و نظرت لها بسعادة وهي تتحسس الصورة
وعد: واخيررا … اخيرا يا فهد … هنبقى انا وانت تحت سقف واحد …. بحبك واللهي … وإنشاءالله انت هتحبني … وهستحمل كل حاجة عشانك
وقبلت الصورة و حضنتها
…….** فهد جالس ع مكتبة … وامامة صورة … تجمعة مع مرام … اصبح يحدثها
فهد: يارب تكوني مرتاحة في قبرك يا روحي … يارب متكونيش زعلانة مني … انا عملت اللي قلتيلي علية … ولو جيتيلي وقولتيلي اوقف كل الهبل دة هوقف …. هفضل احبك طول عمري … ومحدش هياخد مكانك في قلبي … حتى لو مراتي اللي هتجوزها ..
…..** مساءا
سعاد: انا قلت ل موسى اننا هنروح نطلب ايد وعد اخر الأسبوع
فهد: زي ما تحبي
سعاد: انا مش حساك مبسوط لية يا ابني؟؟
فهد: عشان تبقى عارفة انا هتجوز وعد عشان مرام طلبت مني … مش عشان اي حاجة تانية
سعاد: هتحبها بعدين صدقني … وعد بتتحب بسرعة
فهد: ميهمنيش … اي نعم ممكن تتحب من الكل بس مش مني … انا في قلبي مرام وبس عشان تبقي عارفة
سعاد: ربنا يهديك … طب تبقى تجهز نفسك
فهد: إنشاءالله … داخل انام
دخل غرفتة استلقى ع سريرة …. وهو ينظر للسأف ويتذكر مرام
….** فلااش بااك
مرام : اقولك حااجة … هتبسطك
فهد وهو ينظر للحاسوب : ها قوولي
مرام بسعادة: انا حااامل
نظر لها فهد بلهفة: بجد؟
مرام : اة بجد … انت هتبقى بابا … و انا ماما
فهد وهو ينهض و يحضنها: واخيراا هيبقى ليا بنووتة شبهك
مرام: هههه لا بلاش تبقى شبهي
فهد: لية إنشاءالله
مرام بدلع: لتحبها اكتر مني
فهد وهو يقبلها من جبينها: لا متخفيش …. انتي مكانتك في قلبي محفووورة ..
مرام وهي تقبلة من وجنتة: وانا بموووت فيك
فهد بمرح : ايوووة بقى
ضحكت مراام
……** بااك
مسح دموعة ….. و نام
واتت مرام لة في الحلم وهي مبستمة لة … ولكنها لم تتحدث معة
……** اتى يوم ذهاب فهد و والدتة ل …. وعد
سعاد: قمر يا حبيبي … قمر
فهد: جهزتي … يلى بينا
سعاد: يلى …. بس فين الورد اللي هندخل بية للناس؟؟
فهد: جبتلهم شوكولاتة
سعاد: لا … هات ورد
فهد: لية؟؟
سعاد: عشاان وعد بتحب الورد اووي
فهد: مش مهم … خلاص انا مش هجيب ورد ليها خاالص يلا بينا … ولا اقعد
سعاد: ربنا يهديك
…..** وصل فهد و والدتة لبيت وعد … رحب بهم موسى وجلسوا وتحدثوا عن امور عدة … واتى وقت تقديم العروس (وعد) الشراب
قدمت ل والدها و لوالدتة …اتت ان تقدم ل فهد
وعد بخفوت و حب: اتفضل
فهد ببرود تام: شكرا
جلست وعد بجانب والدت فهد
فهد : بص يا عمي بدون لف و دوران … انا جاي اطلب ايد بنت حضرتك
موسى: اتشرف بيك يابني اكيد … بس رأي وعد يهمنا برضوا … قولي يا وعد رأيك
وعد خجلانة
سعاد بسعادة: محنا عرفين رأيها يا حج موسى … مش صح يا وعوود
وعد ابتسمت بخجل
نظر فهد لها بسخرية لم يلاحظها احد
موسى: خلاص …موافقين …قرأ الفاتحة
…** وبعد قرائتهم الفاتحة و اتفاق فهد و موسى ع كل شيء
سعاد: نقعد العروسين مع بعض شووية
فهد وهو ينهض: معلش يا معي مطر امشي ورايا شغل مهم
موسى: اتفضل يا ابني
سعاد: يلى بقى … مبرووك
…..** بعد رحيلهم
موسى: مبسوطةيا بنتي؟؟
وعد والسعادة تخرج من عيناها: اكيد يا بابا … انت عارف قد اية بحب فهد … ومن زمان
موسى: يارب يسعدك
وعد: ياارب
….** سعاد: عيب يا فهد اللي عملتوا
فهد ببرود: عملت اية؟؟
سعاد: يعني اقولك تقعد انت و وعد تتكلموا تتحجج بالشغل
فهد: انا مش فاضي للكلام دة … يلى بقى هوصلك واروح شغلي
سعاد: ربنا يهديك
….
الحلقة الثالثة من قصة (ظلمتني بحبك لها) قلم: مي علاء
……….**…………………………………………………………… ………………………
اوصل فهد والدته سعاد للمنزل ثم اتجه لمقر عمله
…** وعد تتحدث مع صديقتها المقربة( اسراء)
اسراء: مبروووك يا وعووودة … بجد فرحتلك
وعد بسعادة: الله يبارك فيكي … انا مبسووطة اوووي
اسراء: يارب دايما
وعد: صحيح اخبارك اية مع جوزك علي
اسراء: متخانقين
وعد: لية بس ربنا يهديكم
اسراء بإنفعال: هو اللي بيبدأ معايا
وعد: خلاص خلاص اهدي عشان البيبي اللي في بطنك
اسراء: اسراء هو مش مراعي اني حامل
وعد: معلشي يا اسراء … خليكي مسامحة … وانتي بتحبية سامحية
اسراء: واللهي بحبوا …. فكك مني دلوقتي انتي بتكلميني عشان مبسوطة وانا بقلك مشاكلي
وعد: عادي يا اسراء يا قلبي … المهم هحتاجك معايا … تقدري؟؟
اسراء: اقدر طبعا …. بس إمتى؟؟
وعد: إحنا هنعمل كتب الكتاب و الفرح مع بعض … وهنعمل خطوبة ع الضيق
اسراء: انا معاكي يا حبيبتي طبعا مش هسيبيك ف اهم ايام ف حياتك
وعد: بنا يخليكي ليا
……** فهد دخل مكتبة … نظر لصورة مرام وحدثها
فهد: مبسوطة دلوقتي؟؟ … اهو قريت الفاتحة و الفرح بعد شهر … انا بعمل كل دة عشانك على فكرة …. متنسيش اني بحبك … ومش هتقدر تاخد مكانك … خليكي متأكدةقاطع حديثة دخول زميلة في العمل(اشرف)
اشرف: فهد خد الورق دة و ودية للمدير يوقعوا
فهد: لية انا؟؟… ودية انت
اشرف: اصل المدير دلوقتي متعصب … ولو دخلتوا هيفش عصبيتوا عليا … بس انت مش هيعمل معاك كدة
فهد بتنهد: حاضر يا سيدي … عد الجماايل
اشرف بمزاح: اتنيل …. هو انا بشوف جماايل منك
فهد: ماااشي مش راايح ودي الورق انت
اشرف: ههه انت صدقت … يلى روح بقى
فهد: مااشي … بس عشان قلبي ابيض
…..** دخلت سعاد غرفة فهد … مررت ناظريها ف انحاء الغرفة … وبدأت تحدث صورة مرام المعلقة ع الحائط
سعاد: سامحيني يا بنتي …. انا واللهي بحبك … بس مقدرش اشوف عمر ابني بيضيع … اتمنى متكونيش زعلانة مني … بس دة لمصلحتوا وانتي اكيد لو مكاني كنتي عملتي كدة
……** مساءا
عاد فهد للمنزل وهو مرهق … غيرملابسة وخرج ليأكل مع والدتة
سعاد: انا هنقل لبيتي يابني
فهد بعد ان بلع الطعام الذي في فمة: لية يا ماما ؟؟
سعاد: عادي يابني … اصل في عروسة جديدة هتيجي … يعني مينفعش ابقى معاكم
فهد: لا هتفضلي … ولو عندها مانع نفضي
سعاد: يابني افهمني …. انا بيتي قصادك علطول … يعني يعتبرمع بعض … بس الفترة الأولى عشان تبقى انت و مراتك مع بعض
فهد:………..
سعاد: صح … إحنا لازم نغير اوضك … يعني نجيب فرش جديد … نشيل الضور اللي موجودة فية عشان العروسة الجديدة
فهد بحدة: مش هنغير حاجة في الأوضة … لو مش عاجبها طززونهض من ع الطعام وهو غاضب
سعاد بحسرة : وراكي مشواار طويل يا وعد عشان توصلي لقلبة … ربنا يعينك
…..** عند وعد
وعد جالسة ع سريرها … تنظر لصورتة التي معها … وتفكر في مستقبلها مع فهد … وعد بسعادة: انا هجيب 5 ولاد و هسميهم فهد … عشان بحبك و كل ما تروح الشغل او تبعد عني يبقى هما مكانك … بس اكيد هحبك انت اكتر … اخخخ لو تعرف قد اية بحبك … انا استنيتك كتيير … وممكن استناك تاني … و هتحبني زي ما بحبك … انا متأكدة انك عمرك ما هتجرحني ابدا وهتخليني مبسوطة … وهتبقى سندي … وعمرك ما تخليني اعيط بليل … اخخخخ واللهي بحبكوقبلت الصورة وحضنتها …. ونامت
…..** بينما فهد في غرفة …. يسير يمنا و يسار بغضب وهو بنظر لصورة مرام وهو غاضب
فهد: يرضيكي كدة …. ماما تبقى عايزة تغير كل حاجة عشان اللي هتجوزها … تغير الفرش …. تشيل الصور … تغير كل حاجة … وكأنها بتمسح ذكرياتي معاكي ..بس انا مش هسمح بكدة … اللي هتجوزها هتيجي و مش هغيرحاجة… حتى صورك مش هشيلها… ها
و اخذ صورتها من ع الطاولة و نام وهو حاضن الصورة … صورة مرام
….** قبل موعد الفرح ب خمس ايام
**….وعد: يا اسرااء انا متووترة اووس و مبسوووطة اوووي
اسراء: ههه يا بنتي ارحميني … كل يووم تقوليلي الكلام دة … اهدي … ريلااكس يا حبيبتي
وعد: طب مش هننزل بقى نشتري فستان الفرح
اسراء: امال فين فهد
وعد بمبرر لة: وراة شغل مهم … يلى بقى
اسراء: ماشي
وعد وهي تتذكر حديثها مع سعاد
…** فلااش بااك
سعاد: ها هتروحي تجيبي الفستان امتى؟؟
وعد: مش عارفة
سعاد: خلاص هخلي فهد يروح معاكي
وعد بسعادة: بجد …. يعني مش حتعبوا
سعاد: تعب اية يا بنتي انتي هتبقي مراتوا
وعد بخجل: شكرا يا طنط
سعاد: خليكي معايا دقيقة
سعاد ل فهد و وعد تسمع الحوار: جهز نفسك بكرة او بعد بكرة تروح مع وعد تساعدها في انها تختار الفستان
فهد: ببرود … مش هروح في حتة … تروح لوحدها
وضعت سعاد يدها ع السماعات لتمنع وعد من سماع الحديث … ولكن وعد كانت تسمع تكملة الحديث
سعاد: يعني اية؟؟
فهد: يعني مليش دعوة تروح تجيبوا لوحدها … انا مش فاضيلها
سعاد بحدة: امال فاضي لمين؟؟
فهد: فاضي ل مرام …. ذكرى وفاتها بكرة
سعاد: طب روح مع وعد بعد بكرة
فهد بحدة: مش هروح مع الزفتة في حتة … انا ميهمنيش غير مرام … تروح وعد لوحدها مش هتمووت يعني
وترن سعاد وخرج
سعاد: معلشي يا وعد اتأخرت عليكي
وعد وهي تحاول ان تجعل صوتها طبيعي: لا عادي يا طنط اصلا كنت بجيب مية فسبت التليفون
سعاد: طب معلشي فهد وراة شغل كتيرو مهم
وعد مقاطعة: انا كنت عايزة اقول لحضرتك اني هروح مع صحبتي … فملهوش لزوم
سعاد: ماشي يا بنتي
وعد: مضطرة اقفل بابا عايزني
سعاد:ماشي يا حبيبتي
وعد: مع السلامة
….** باااك
….** فهد في المقابر … امام قبر مرامفهد وهو يضع الورد ع قبرها: وحشتيني اووي يا مرام … تعرفي انا محتاجك قد اية
فهد: دية تاني سنة تمر بدونك …. تاني سنة كنت بموت فيها ببطئ … بتمنى انك ترجعيلي يا مرام … كل يوم بتمنى اصحى الاقيكي جمبي … مش متخيل ان دلوقتي هصحى والاقي واحدة تانية مكانك … مش متخيل ان هتبقى واحدة في البيت غيريك … بس انتي هتفضلي صاحبة البيت … وهتفضلي في قلبي … انا فهد ل مرام … ومش هبقى لغيريك
…..** بعد بحث طوويل ع فستان يعجب وعد … اخيرا اختارت واحدا و جربتة و اشترتة وهي في قمة السعاادة
اسرااء: واخيرااا اختارتي فستان … حرام عليكي تعبتيني
وعد:هههه اعمل اية انتي عارفة زوقي
اسراء: عارفاة ياختي … يلى بقى عشان خلاص مش قادرة
وعد: ماشي يلا بينا انا كمان تعبت
….** مساءاعاد فهد المنزل وهو متعب … دخل غرفتة … صدم …. وتحولت ملامحة للغضب
خرج لوالدته بعصبية
فهد بعصبية: مين شال صور مرام؟؟
سعاد: انا يابني … فرحك مش ناقصلوا غير اربع ايام … مراتك تيجي تلاقي صور مرام …
فهد بحدة: دي كانت اوضة مرام قبل ما تكون اوضة الهانم اللي حتيجي ..
سعاد: مينفعش يا ابني اللي…
قاطعها بحزم: صورة مرام هترجع يا ماما … الفرش ماشي هسامح فية … بس صورت مرام هتفضل مكانها
… وتركها و دخل غرفتة وعلق صورة مرام مرة آخرى ع الحائط و وضع الصورة الأخرى ع الطاولة
سعاد من المطبخ: ربنا يهديك ياابني
…..** قبل افرح بيوم
سعاد: برضوا مش عايز تشيل الصور …. يابني كدة انت هتجرح وعد اووي
فهد: ماما لوسمحت … انا مش عايز اتكلم
سعاد: ماشي … انا دلوقتي رايحة شقتي و نقلت كل حاجة فيها …
فهد: برضوا مش عايزة تقعدي معانا
سعاد: انتوا هتبقوا لسى عرايس … ربنا يتتملك ع خير يابني
فهد: طب نامي النهارضة
سعاد:حاضر
…..**مساءا
اسراء: يا علي بقى مترخمش
علي بمرح: هرخم حتعملي اية
اسراء: حضر,بك و هعمل ابني يضر.بك
علي: هيبقى ولد … لالا انا عايز بنت
اسراء: لية إنشاءالله
علي: عشان تبقى شبهك يا جميل انت
اسراء: اللي يجيبوا ربنا حلوو
علي: صح ….
اسراء: بكرة هبقى طول اليوم مع وعد عشان الفرح
علي: ماشي … بس خلي بالك من نفسك
اسراء: حاضر ……
…..** يوم الفرح
….**