ماهيتاب
بالاسم دا
ماهي حضرتك كنت عاوز حاجه
مراد مأخدتيش حساب اللوحه
ماهي لا مش هاخد حسابها اعتبرها هديه سلام
مراد فضل باصصلها بإستغراب وهي ماشيه هديه هو انتي تعرفيني عشان تديهالي هديه ما علينا شكراا
ماهي رجعت الشقه وحاسه بضيق يمكن عشان اول شاب يقولها ماهي من بعدو ولا عشان وحشها صوتو وهو بيقول ماهي
رمت جسمها علي السرير ونفخت في ضيق
مسكت الكارت وقرأت اللي عليه ورمتو علي المكتب طلعت ع السطح وفضلت ترسم بتركيز مش عارفه بترسم اي بس هي عاوزه ترسم حاجه في خيالهاا
طلعت رنا لقتها مركزه في لوحتها مقاطعتهاش فضلت واقفه وراها متابعه رسمتها
بعد فتره استقامت ماهي في قعدتها وفضلت تمعن النظر في اللوحه وسابت فرشتها
رنا بعيداا عن كميه الۏجع الي في الرسمه دي بس هي تحفه
ماهي بتبص وراها وترجع تبص للوحه انتي هنا من بدري
رنا من اول ما بدأتي ترسمي.
ماهي كنت محتاجه اخرج الزهق الي جوايا ف طلعت معايا كداا
رنا بتقرب من الرسمه
تفاصيلها حلوه جداا احلي مافيكي ياماهي انك بتهتمي بالتفاصيل
ماهي شكرا يارناا
صحيح انا بعت كل اللوحات بتاعتي
رنا براڤوو
ماهي وفي واحد طلب مني اخر لوحه رسمتها بتاع القلب
رنا ااه
ماهي قال انو صاحب معرض واقترح عليا انضم ليه
رنا طيب معرفتيش تفاصيل عن المعرض دا
ماهي اخدت كارت
رنا هو فين
ماهي تحت ع المكتب
رنا طب ثانيه واحده ونزلت جابت الكارت وطلعت
وكتبت اسم المعرض وعملت سيرش عنو
وااو يا ماهي المعرض جميل وباين عليه معروف طيب ماتنضمي ليهم
وشاركي بلوحاتك
ماهي هشوف
رنا مالك حساكي دبلانه
ماهي مش عارفه حاسه بكسره خاطر
تعرفي الشاب دا شفتو في الباص وقال اسمو وقولت اسمي وكدا وقالي مااهي حسيت ان قلبي اتحرك
رنا حب اول نظره داا
ماهي يابت لا قلبي اتحرك من الاسم مش منو حسيت ان عبدالرحمن ندالي مكانش في غيرو بيقولي ياماهي الشاب الوحيد والباقي بنات
رنا اممم طيب هتفضلي كدا لحد امتاا كل ما شاب يقولك ماهي هتفتكريه
ماهي ماهو مش سهل انساه في شهر بس هحاول
رنا المهم تعالي ناخد الرسمه دي ونروح المعرض داا ونتفرج ولو عجبك المكان انضمي ليهم
ماهي تماام
في الفتره دي ماهي اتعرفت علي ناس جديده وارقام جديده وشخصيات جديده اتعرفت علي بنات وشباب بسبب انها بقت تشتغل في الرسم وبقا في تعامل كتير مع شخصيات مختلفه وبدأت رناا تملي كل وقت ماهي بأشغال وخروجات ولوحات
تاني يوم
ماهي ورنا اخدو اللوحه وراحو المعرض
المعرض كان ديكوراتو هاديه واللوحات الي فيه قيمه ومرسومه بدقه الجو عجب ماهي جداا وكانت شايفه نفسها صاحبت معرض كبير
