امير ما كانش بني ادم عادي
جاسر اتقبض عليه في نفس اليوم والبوليس خد كل الورق، والفلوس رجعت بعد إجراءات طويلة، وشركة أمير رجعت أحسن من الأول بكتير وفتح فرع تاني، أمير رجع البيت وهو طاير من الفرحة، داخل يجري يقول لنور خلاص يا نور، حقنا رجع وكرامتنا رجعت، هنبدأ من جديد أنا وانتي، أنا بحبك بجد يا نور، المرة دي بحبك بجد من كل قلبي.
بس نور كانت واقفة في نص الصالة وشنطتها في إيديها، لابسة ومتشيكة وحاطة روج أحمر وعينيها قوية زي الجبل، قالتله مبروك يا أمير، أنا فرحتلك من كل قلبي والله، بس أنا ماشية، أمير اتصدم واتسمر مكانه، قالها ماشية رايحة فين، احنا هنبدأ من جديد، خلاص المشكلة اتحلت، قالتله لا يا أمير، انت مشكلتك اتحلت، بس مشكلتي أنا لسه، انت كسرتني، انت دبحتني كل يوم بكلامك ونظرتك ومعاملتك، أنا كنت بساعدك وانت كنت بتدوس عليا برجليك، أنا حبيتك وانت كرهتني، دلوقتي بعد ما عرفت الحقيقة وبقيت بريئة في نظرك جاي تقولي بحبك، طب وكرامتي اللي اتهانت، طب ووجعي اللي محدش حس بيه، طب الليالي اللي نمت فيها معيطة وموجوعة لوحدي. وفي الأسبوع ده أمير عمل المستحيل اللي محدش يتخيله، كان بيوديها الجامعة الصبح بدري ويستناها لحد ما تخلص ويجيبلها عصير، جاب الست ديما وريتاج يعيشوا معاهم في الشقة عشان نور تحس بالأمان، صالح أمها وباس إيديها قدام الناس كلها، كتب الشقة الجديدة باسم نور في الشهر العقاري، وقف قدام كل صحابه وقرايبه في عزومة كبيرة وقال أنا ظلمت نور ودي ست جدعة وطيبة وبنت أصول وأنا ماستاهلهاش ولا استاهل ضفرها، نور كانت بتشوف كل ده وقلبها بيرق ويدق من تاني، بس عقلها كان بيقولها متضعفيش بسرعة وافتكري الوجع. في هدومه وقالها أنا بحبك يا نور، بحب طيبتك وقلبك وقوتك اللي خلتك تستحملي واحد زيي، أنا من غيرك ولا حاجة ولا أسوى، لو عايزة تطلقي دلوقتي، هطلقك حالا، بس هفضل طول عمري أحبك واستناكي ترجعي، نور دموعها نزلت زي المطر، حضنته جامد قدام كل الناس وقالتله أنا كمان بحبك يا أمير، بس المرة دي هحبك وانا قوية ورافعة راسي، مش وانا مكسورة وخايفة، أنا موافقة نبدأ من جديد، بس بشروطي أنا، أنا مش خدامه يا أمير، أنا شريكة، شريكة في البيت وفي الشركة وفي كل حاجة. أمير شالها ولف بيها على البحر والناس بتسقف وبتزغرط، وقالها انتي شريكتي وستي وتاج راسي وحبيبتي، ومن يومها بقت حكايتهم مثل في المنطقة كلها، حكاية البنت الجدعة اللي اتظلمت ومرضيتش تفضل مكسورة وقامت وقالت لا، والراجل اللي انتقم من نفسه قبل ما ينتقم من غيره واتعلم الدرس، وعاشوا سوا، بس المرة دي حب بجد، حب مفيهوش كسر ولا انتقام، حب فيه احترام وأمان.
