لوجينا بقلم سولييه نصار

سكريبت♥️بقلم سولييه نصار♥️ -أنا مش هتجوز بنت جامعية يا ماما ..ده مستحيل !!! -مؤيد !! قالتها ماما بصدمة بس أنا كنت مصر على قراري …عيوني لمعت وقولت بغضب : -أنتِ عايزاني أتجوز بنت طلعت ودخلت وأكيد صاحبت وارتبطت بحجة أنها بتتعلم في الجامعة …أنا كنت في كلية وعارف المسخرة اللي بتحصل … هزت ماما رأسها وقالت: -أنا مش مصدقة أن تفكيرك بالتخـ لف ده يا مؤيد …مش كل البنات زي ما أنت فاكر…أنا كنت في كلية طب أسنان وكنت محترمة مفيش حد قدر يقول عليا نص كلمة وأنا اللي ربيتك يا أستاذ بصيت لها بضيق وقولت: -مش كل البنات زيك يا أمي ..بنات اليومين دوول مش كويسين الواحدة فيهم تحط مكياج على وشها وتنزل وتتمايص وتتصاحب …أنا عايزة اتجوز قطة مغمضة يا ماما واحدة متكونش طلعت ولا اختلطت ..واحدة محافظة على نفسها …عشان كده المبدأ ده مرفوض …حتى اختي سهيلة مش هخليها تروح كلية كفاية عليها تأخد اعدادية وبعدين اجوزها… -أنت اكيد مجنو ن ..اكيد مجنو ن!!! صرخت أمي في وشي بإ نهيار وبعدين كملت: -أنا مش هخليك تد مر حياة اختك زي ما أبوك د.مر حياتي …أنا انفصلت عنه عشانكم وعشان متتعقدوش دلوقتي جاي تبقى زيه ؟!!ليه يا مؤيد ليه؟!!ليه ضيـ عت تعبي بالشكل ده ليه ؟!! كانت امي مستمرة في الصراخ في وشي ومنهارة مسكت ايديها عشان أهديها واقول: -يا أمي ده الصح …دلوقتي البنات غير زمان بقوا أبجـ.ح من الشباب …وبيعلموا بعض الصيا عة أنا خايف على سهيلة عارفة يعني ايه كلية يا أمي يعني مكان مختلط وتتعامل مع شباب وتهزر معاهم تحت بند زميلي …أنا دخلت وشوفت القر.ف ده بعيني …سهيلة بس تاخد الإعدادية تتجوز ونخلص من الموضوع ده … زقتني أمي وقالت ؛ -بطل جنا ن …انت طلعت زي ابوك …انت زيه يا مؤيد …أنا حاسة اني بشوف جمال قدامي …لا لا … -اهدي يا أمي .. -مش ههدأ الا لما تطلع الوهم ده من دماغك وتجي معايا النهاردة نشوف لوجينا بنت صاحبتي شهد لا أنت ابني ولا اعرفه انت فاهم … نفخت بضيق وقولت : -خلاص يا امي هروح اشوفها وامري لله ……. بالليل … كنت قاعد في بيت صاحبة ماما …كانت بترحب بيا أووي …وانا وصغير كنت بحب الست دي اووي بتعاملني زي عيالها بس لما كبرت عزلت نفسي عن كل الناس حتى مشوفتش لوجينا من زمان اووي…اخر مرة شوفتها تقريبا كان من عشر سنين كليتي ودراستي وشغلي اخدوني من الحياة جامد …كنت ببص لأمي ومتضايق أنها أجـ برتني اجي … فجأة عينيا اتجمدت وانا شايفها خارجة ..لوجينا البنت الصغيرة اللي كنت بلعب معاها دلوقتي اتغيرت وبقت شابة جميلة …لابسة فستان واسع وخمار ووشها في الأرض …كانت مثالية أنها تكون مراتي بس مشكلتها الوحيدة أنها دخلت كلية بسيطة انت هعرف احل المشكلة دي ازاي … قعدت وبصت على الأرض وبعد لحظات أمي وطنط شهد قالوا انه هيقعدوا بعيد شوية عشان نقعد على راحتنا … بلعت ريقي وأنا ببصلها وقولت؛ -بصراحة كده انا رافض موضوع الجوازة دي … بصتلي بصدمة وعيونها دمعت فكملت: -والسبب انك بتدرسي في كلية وانا شايف ان اي بنت دخلت كلية مبتكونش كويسة يعني من فين اضمن انك مرتبطتيش ولا مشيتي مع حد أو هزرتي مع زمايلك …لو عايزاني فعلا اتجوزك يبقي تسيبي الكلية وتقعدي في البيت وميكونش ليكي لا فيس ولا واتس وهديكي تليفون صغير تكلمي بيه أهلك ومتطلعيش من البيت الا ورجلي على رجلك …ها قولتي أيه ؟!!! والرد كان كوباية ماية ساقعة اتدلقت على وشي!!! يتبع #لوجينا #سولييه_نصارالجزء التاني♥️شكرا علي تفاعلكم السكر♥️بقلم سولييه نصار♥️ -أنتي اتجـ ننتي ؟!!! صرخت فيها فبصتلي ورفعت راسها وقالت: -أطلع برا يا مخـ تل أنت أنا مستحيل أوافق عليك …يالا برا …برا … جات امي وامها فقالت طنط شهد : -ايه مالك يا لوجينا ايه اللي حصل وازاي تعملي كده؟! كانت لوجينا بتبصلي بكره وقالت: -عارفة لو المخـ تل ده آخر واحد في العالم مش هتجوزه ..ده غير متز ن نفسيا وأنا مستحيل أقبل بيه … -ايه اللي حصل يا مؤيد … قالتها أمي. هي بتبصلي …بس كان باين من نظراتها انها عارفة أنا عملت ايه …بلعت ريقي وقولت: -مفيش حاجة يا أمي ..أنا بتكلم معاها عادي وبقولها شروطي هي قلت أدبها عليا ..كان ممكن ترفض بكل أدب …بس ازاي لازم تقل ادبها عشان تبقى روشة وكده… -مؤيد احترم نفسك .. صرخت أمي فيا …كان باين انها متعصبة فقالت لوجينا بهدوء: -ابنك المحترم يا طنط عايزني اسيب الكلية واقعد في البيت ولا يكون ليا فيس ولا واتس ومطلعش الا معاه ….ببساطة ابنك عايز واحدة يستـ عبدها …عايزني مكملش تعليمي !!!… حطت امي ايديها على وشها فقالت طنط شهد: -رويدا احنا هنفضل دايما أصحاب وحبايب بس اعذريني مقدرش اجوز بنتي لإبنك أنا مش لقياها في الشارع وابنك شكله معقد …,فبلاها الجوازة دي …أنا بنتي في كلية صيدلة…كلية حلمت بيها وتعبت عشان تدخلها وصرفنا كتير عليها مش يجي ابنك على آخر الزمان يقولها سيبي حلمك واقعدي في البيت ان شالله عنها ما أتجوزت خليها جمبي احسن … كنت ببص لطنط شهد وانا متضايق بس مقدرتش اتكلم …اتكلمت لوجينا وهي بتبصلي وقالت: -اسفة يا دكتور طلبك مرفوض مش أنت الاب اللي عايزاه لأولادي …أنا لو جبت بنات ممكن تحر.مهم من حقهم في التعليم وانا مستحيل أظـ.لم بناتي بالشكل ده …انت انسان مو سوس فاكر البنات كلهم زي اللي شوفتهم فاكر يعني لما تتجوز اللي هتقعد في البيت أربعة وعشرين ساعة مش هتخو نك ..اللي عايز يعمل الغلط يا أستاذ هيعمله مهما حصل…وحتى لو كان مقفول عليه ميت باب …اللي بيخلينا منعملش الغلط ديننا وتربيتنا والحمدلله أنا واثقة في ديني وتربيتي ومش هتجوز واحد بيشكـ ك فيا ..مع السلامة… ضميت كفي وانا متعصب منها …فجأة مسكت كف أمي وخرجت من بيتهم والشياطين بتلعب بعقلي …. ….. في البيت .. كان جحـ يم من نوع تاني … أمي خر بت الدنيا عليا ……فضلت تتخانق معايا … -خلاص يا امي كفاية .مش كفاية اتها نت هناك !!! صرخت بعصبية فقالت هي : -تستاهل …تستاهل …عشان أنت انسان مش متز.ن نفسياً….عايز تحـ بس بنات الناس …عايز تد.مر مستقبل البنت …هو ده الجواز بالنسبالك. .. -هو ده الصح. ..البنت اللي تدخل كلية تبقى شما.ل من الآخر ….. -مؤيد اخرس … -لا مش هخر س يا امي هي دي الحقيقي البنت المحترمة واللي عارفة ربها تبقى في البيت وتخد.م اسرتها… وأختي مش هتدخل كلية ده قراري النهائي .. -لا مش هخليك تد مر حياة بنتي ..اطلع من بيتي يا مؤيد…روح عيش مع ابوك .. ………….. بعد ساعة … كنت قدام بيت ابويا وأنا ماسك شنطتي …كنت حزين عشان بعدت عن أمي بس هي مش قادرة تفهمني ….. ….. دخلت بيت أبويا -أخيراً عرفت ان العيشة مع امك تقـ صر العمر … قال ابويا الكلمة دي وهو بياكل… فاتنهدت وقولت : -انا عايز أتجوز واحدة بمعاييري أنا هو ممنوع يا بابا يعني … -لا يا حبيبي مش ممنوع بالعكس أنت صح يا مؤيد البنات المتعلمة هتقر فك في حياتك وتقول حقوقها ومش حقوقها ومش هتقدر تشكمها لكن اللي متعلمتش هتبقى تحت رجليك ومهما عملت فيها مش هتقول كلمة …وأنا يا سيدي عندي العروسة اللي هتبقى تحت رجليك …بس أنت قول أمين .. -أنا موافق بس الحقني بيها . ابتسم ابويا وقال: -على بركة الله يا حبيبي …هجوزك بس بشرط .. -ايه هو ؟! -أمك متحضرش الفرح !!! يتبع #لوجينا #سولييه_نصارالجزء الأخير♥️ شكرا على تفاعلكم السكر♥️بقلم سولييه نصار♥️ -أنا مش قادرة اصدق ان ابن طنط رويدا بيفكر بالشكل ده يا ماما …أنا شفقانة على اللي هتبقى من نصيبه وشفقانة على بناته في المستقبل ده انسان مر يض … كانت لوجينا بتتكلم بعصـ بية ومامتها كانت بتحاول تهديها … -خلاص يا حبيبتي الحمدلله أننا ر فضناه الحمدلله وأنتِ ربنا يكرمك باللي احسن منه إن شاء الله … -يارب يا ماما ..أنا بقيت خايفة لأحسن يكون ده تفكير الشباب كلهم… -لا يا حبيبتي صوابعك كلها مش زي بعضها …ربنا يرزقك بالسوي نفسياً دايماً … وبعدين حضنت شهد بنتها وهي بتحمد ربنا انهم شافوا حقيقة مؤيد من الأول .. ……….. بعد أسبوع …. كان يوم كتب كتابي…يدوب ابويا وراني البنت اللي عينه عليها وعجبتني ووافقت ..بنت سابت المدرسة بعد الابتدائية …لسه نقية …..يعني النوع اللي بحبه تماماً ….. كنت بلبس البدلة قررت اعمل كتب كتاب وبعدين حفلة بسيطة للعيلة واخدها معايا البيت وطبعا العيلة اللي قصدي عليها هي عيلة ابويا …لا امي ولا عيلتها تحضر …وده كان شرط ابويا اللي أنا وافقت عليه … -بارك الله لكما وبارك عليكما وجمع بينكما في خير … وبكده اتكتب كتابنا …كنا في بيت ابويا أنا ومنى عروستي الجديدة لما الباب خبط ففتحت عمتي …بهت وانا بشوف امي داخلة عليا هي واختي .. كانت بتبصلي بخـ يبة أمل وقالت: -يا خسا رة تربيتي فيك يا مؤيد …يا خسا.رة …بتتجوز من ورايا !!!ابوك قدر يسيطر عليك …يا خسا رة …مبروك يا عريس … اتهني باللي اتجوزتها من ورايا ومن النهاردة انسى ان عندك أم !!!سلام !!! وبعدين أمي سابتني ومشيت …كنت ببصلها وانا مصدوم …بصيت على الأرض بكسوف وهي مشيت من قدامي بعد ما بصت لأبويا بقرف …. أبويا كان بيبتسم بإنتصار …عاجبه أووي اللي شايفه …. ….. حاولت بقية اليوم انسى امي وانبسط…خلصت الحفلة وروحت للبيت اللي وضبه ليا أبويا … … -مش يالا بقا يا عروسة … قولتها وانا بقرب من منى اللي بعدت عني وقالت؛ -معلش مينفعش …عندي ظروف … -نعم يا اختي … -اللي سمعته .. قالت ببرود وبعدين سابتني وراحت تنام بكل بساطة …كنت مصدوم من تصرفها …مش هي خالص البنت الخجولة اللي اتكلمت معاها قبل الجواز …. … مر أسبوع على جوازنا ومنى بتخترع حجج عشان مقربش منها … .كانت دايما بتبعد عني ومعاملتها جافة …لحد ما فقدت اعصابي وضر بتها عشان اخد حقي منها. ..وعرفت وقتها هي بتبعد عني ليه …. ….. كانت لابسة الروب بتاعها وهي بتبكي وبتبوس رجلي وتقول: -أبوس ايديك استر عليا …استر عليا يا مؤيد ابويا لو عرف هيمو تني …. ز.قيتها وصرخت في وشها: -لا يا أختي هقوله…هقوله عشان يعرف يدبسني ازاي في واحدة *****زيك …أنا اللي غلطان اللي اتسرعت في الجوازة دي ولبست … ولسه هقوم واطلع لقيت حاجة اتكـ سرت…بصيت لقيتها كـ سرت المرايا ومسكت القزاز وهي بتقول: -همو ت نفسي …لو قولتله همو ت نفسي يا مؤيد !!…همو ت نفسي بجد!!!! …… سكت ..اضطريت.اسكت….مكنتش هحمل ضميري اني افضـ ح واحدة واوصلها للإنت*حا.ر واضطريت اعيش معاها فترة وبعدين أطلقها عشان محدش يتكلم عليها…جه في بالي كلام لوجينا لما قالت اللي عايز يعمل الغـ لط هيعمله …عرفت أن المشكلة بتكون في العقلية …الإنسان النضيف هيفضل نضيف مهما كان قدامه مغريات …عرفت أن اللي بيحكم الإنسان هو دينه وتربيته مش الدخول والخروج …التجربة دي خلتني اعيد تفكير في كل حاجة بشكل تاني ..فضلت افكر في اللي وصلتله…سمعت كلام ابويا ولبست في واحدة مش كويسة ..واحدة كانت خارباها قبلي … … روحت لامي وانا حزين ويائس …بوست ايديها ورجلها وأنا بعيط….قولتلها على اللي حصل وقولتلها اني اتخانقت مع ابويا بسبب منى …قولتلها اني اضطريت اسكت واداري عليها وهنفضل متجوزين سنة لحد ما أطلقها عشان محدش يتكلم عليها …. وأمي قبلتني تاني …سامحتني رغم كل اللي عملته … …. فضلت قاعد عند أمي اسبوعين وكنت مطنش.منى خالص .. في يوم كنا بنفطر فقولت: -ماما أنا عايز أخطب لوجينا ..أنا خلاص اتعلمت الدرس ومش هجر حها تاني ولا أقول كلامي الفاضي ده … بصتلي أمي بحزن وقالت: -لوجينا اتخطبت يا بني لابن عمها الدكتور وباين عليها مبسوطة … بصيت على الأكل وانا مكـ سور …فعلا استاهل اللي أنا فيه …كانت أفكاري كلها غلـ ط …ولما صححتها كان فات الأوان ..ودلوقتي مش قدامي الا حلين أما أقبل بمنى أو أطلقها بس وقتها مش هتجوز تاني …مش هغامر بقلبي كفاية اللي حصل …لأن البنت الوحيدة اللي كنت عايزها راحت مني … …… بعد أربع شهور … كانت لوجينا بترقص مع جوزها يونس في فرحهما وهي مبتسمة ..مش مصدقة أن ربنا كرمها بواحد زيه ..راجل يحترم طموحها مش يحاول …يونس احترم طموحها ….كانت بتنور وهي معاه …..وشكرت ربنا ميت مرة أنها متجوزتش مؤيد حتى لو في مرة قلبها مال ليه لكن معرفتش الحب الحقيقي الا مع يونس … -بحبك يا دكتور … -وأنا بحبك يا دكتورة ♡ قالها بإبتسامة وباس رأسها … تمت #لوجينا #سولييه_نصار.. الهدف من الاسكريبت مش أبين أن المتعلمة محترمة والغير متعلمة لا الغرض منه أن التعميم لغة الجهلا ء ..الإنسان سواء متعلم أو لا دينه وتربيته بيحكموا عليه أنه يكون محترم ولا لا الاسكريبت ده استلهمته من واحد كان منزل بوست طويل بيقول أنه مش هيعلم بناته .. تخيلوا اب يحرم بناته من حقهم في التعليم وشايف أن ده الصح وأن ده من الدين للاسف الناس دي بيكون معملولها غسيل مخ من ناس اقل حاجة تقال ليهم أنها أعد اء الدين ..أول آيه نزلت في القرآن هي أقرأ ..الاسلام دايما بيحثنا أننا نتعلم سواء ذكر او انثى فبلاش حد يقنعكم أن التطر ف اللي بالشكل ده من ديننا السمح ♥️..وأخيراً سامحوني عشان التأخير♥️