م ليلي فضلت قاعدة جوه
ليلى كانت قاعدة جوه عربية الشرطة متكتفة بس عقلها مش ساكت لحظة واحدة
كل ثانية كانت بتشوف وش آدم وهو بينسحب من إيديها جوه المستشفى وبتسمع جملة كارما وهي بتقولها إن البنات زيها عمرهم ما بينقذوا حد
العربية ماشية في شوارع القاهرة والليل بدأ ينزل تقيل
بس جوا ليلى كان في نار أكبر من أي ظلام بره
كانت بتشد نفسها لورا كأنها عايزة تهرب من القيود وتروح تجري تاني للمستشفى
في نفس الوقت جوه مستشفى الصفوة
آدم اتنقل بسرعة على غرفة الطوارئ
الدكاترة بيجروا أجهزة وبيتكلموا بصوت عالي
في دكتور اسمه دكتور سامي واقف قدام الطفل وبيركز في كل نفس بيطلع منه
بيقول بصوت متوتر الطفل ده اتسـ,ـمم مش حـ,ـادث عادي
الممرضة ترد سم ايه يا دكتور
يرد مش واضح بس فيه حاجة دخلت جسمه بسرعة جدا
حسن الهلالي واقف برة الاوضة بيخبط على الزجاج
سيبوني أشوف ابني
أنا عايز أطمن عليه
كارما واقفة جنبه بتعيط بس عينيها بتلف في المكان كأنها بتدور على مخرج
جوا دماغها صوت واحد بس لازم البنت دي تختفي خالص
في اللحظة دي دكتور سامي خرج وقال
الحالة خطيرة جدا لو متلحقش خلال ساعة هنفقده
حسن وقع على الكرسي كأن رجليه اتكسرت
أنا ابني مالوش ذنب في حاجة
الدكتور بص له وقال في حاجة غريبة
في كاميرات في الحديقة اللي حصل فيها الموضوع ده
حسن قال هاتوا التسجيلات حالا
في نفس الوقت ليلى وصلت قسم الشرطة
اتنزعت من العربية ودخلت زنزانة صغيرة
مفيش فيها غير نور ضعيف وجدران باردة
قعدت في الركن وضمّت نفسها وقالت بصوت واطي
أنا وصلت بيك يا آدم
مش كفاية كده
دموعها كانت بتنزل بس مفيش صوت
كأنها قررت من جواها إنها مش هتستسلم
في المستشفى
فني الكاميرات بدأ يشغل التسجيل قدام حسن والدكتور
الصورة كانت واضحة
آدم واقف في الحديقة
كارما ماسكة إيده وبعدين بتبعد عنه ثواني
بترن في الموبايل
وبعدين بتسيبه يمشي ناحية النافورة لوحده
الطفل وقع فجأة
مش مجرد وقعة
كان بيترعش كأنه اتخنق بحاجة من جواه
حسن بص بصدمة وقال دي كانت معاه
الدكتور سامي قال ده مش إهمال ده جـ,ـريمة واضحة
كارما اتلخبطت أول مرة
وقالت ده مونتاج
ده مش حقيقي
بس الموظف قال الكاميرا دي مباشرة مفيهاش تعديل
حسن لف وشه ليها لأول مرة نظرة غير نظرة الحب
نظرة شك
إنتي كنتي فين وقتها بالظبط
كارما سكتت ثواني طويلة
وبعدين قالت كنت بجيب مياه
