بكل الحب

_داليا كنت عاوز أقولك أني كتبت كتابي أنا وريهام امبارح. قالت بصـ,ـدمه : _ اتجوزتوا؟ _ ايوه، مالك ما أنا معرفك من يوم فرحنا إني بحبها وهنتجوز ، مش مـ,ـفاجأه يعني! ابتلعت ريقها بصـ,ـعوبه وهي تشعر بنفسها يختنق : _لا مش مفاجـ,ـأه، بس متوقعتش أنكوا هتتجوزوا بسرعه كده، عمومًا مبروك ياسليم، قلت لعمي؟ زفر بضيق وقال : _بابا مش موافق أنت ِ عارفه ومضايق، مبيكلمنيش أصلاً. _يعني محضرش معاك امبارح؟ _لأ.. المهم الدور دلوقتي هيبقي عليكِ، عاوزك تبينيله أنك مش مهتمه والموضوع مش فارق معاكِ، أنا عارف أن فعلاً الموضوع مش فارق معاكِ بس قصدي تبينيله ده، لأنه فاكر أنك هتزعلي وهتخبي زعلك، رغم إني قلتله أنك عارفه من يوم جوازنا، بس هو مش مقتنع.. تمنت لو تصرخ في وجهه وتقول له أن الأمر يفرق معها بل يق”ق..تلها، ولكن لن تستطيع البوح. _حاضر ياسليم. ابتسم لها يقول : _وزي ما اتفقنا احنا صحاب ، اي حاجه تحتاجيها تجيلي علي طول، وبلاش تبقي قافله علي نفسك من ناحيتي كده أو تتعاملي بحدود، اتعاملي براحتك، أنا عن نفسي هستغل أن أخيرًا بقي ليا صاحبه بنت، عشان عمري ما جربت الموضوع ده بصراحه. ضحك بالأخيره، نظرت له بابتسامه مغتـ,ـصبه تقول : _هتستغلني ازاي؟ رد سليم بحماس: _عاوزك تيجي معايا نختار هديه لريهام بمناسبة كتب الكتاب وكده. هل هناك ألم يضاهي ألمها الآن!؟، وكأن أحد يخنقها هكذا تشعر، كيف ستتدعي اللامباله لفتره طويل، كيف ستفعل؟ _قولتي اي يا دودو؟ قطبت حاجبيها باستغراب ل اللقب الجديد الذي يناديها بهِ، وكأنه فهم استغرابها فقال.. _احنا اتفقنا نبقي صحاب ونشيل الحواجز ولا اي؟ ابتسمت بهدوء وقالت: _حاضر هاجي معاك. _______(ناهد خالد) _______ _اي رأيك في ده حلو؟ قالتها وهي تمسك بفستان أزرق اللون بدي جميلا ً حقًا.. رد عليها بأعين لامعه: _حلو اوي، بس ريهام مبتحبش الأزرق، نشوف منه الأحمر.. تركها ليبحث عن اللون، وقفت تنظر لظهرهِ بابتسامه حزينه وأثرت الصمت… _هتشتري حاجه تانيه؟ قالتها له تسأله بعد أن انتهوا من شراء الفستان، أجابها: _لا، اسبقيني بس علي العربيه وأنا جاي.. ____________(ناهد خالد) _______ أصر علي تناول العشاء بالخارج، رغم مرور أسبوع علي زواجهم إلا أنها المره الأولي التي تخرج فيها معه،.. _هتطلبِ اي؟ _اخترلي أنت… قالتها بابتسامه فبادلها إياها وأشار للنادل الذي أتي سريعًا فقال له : _اتنين بيتزا سيفود.. نظر لها يسألها: _ولا تحبيها بطعم تاني؟ _لا تمام. كيف تخبره أنها لا تأكل أي نوع من المأكولات البحريه، تعلم أنها النوع المفضل لديه، بالحقيقه هي تعلم عنه كل شئ… ______(ناهد خالد) ______ بعدما وصلوا المنزل فاجأها وهو يجلس بجوارها علي الأريكه ويعطي لها حقيبه قماشيه، كانت رأتها معه حين اشترها من المول بعد خروجها فطنت أنها شئ خاص لزوجته الأخري… _ده فستان عشانك، اعتبريه عربون الصحوبيه.. فتحت الحقيبه فوجدت فستات من اللون الأسود اللامع… الأسود.. لم تفضله يومًا ولم ترديه من قبل إلا في المناسبات الحزينه..، ولكن ابتسمت باتساع تقول : _حلو اوي يا سليم.. _عجبك لونه؟ ردت بتأكيد كاذب : _طبعًا… أنا بحب الأسود اوي… _طيب اعملي حسابك هاخدك بكره تتعرفي علي ريهام.. ربااه هل ستضطر للوقوف أمام غريمتها…! يتبع… رواية بكل الحب الحلقة الثانية -هتقعدي مع مراته الجديده!!.. أنتِ يابنتي يأما معندكيش د”م.. يأما فعلاً مبتحبيهوش ومش فارقلك، بس حتي لو أنتِ برضو مراته يعني طبيعي عالأقل تضايقي وترفضي!.. _أنتِ عارفه أني محبتش حد قده ياشهد، بس عاوزاني اقوله اي، مش هاجي ومش هشوفها، طب لما يقولي لي هقوله اي؟؟، معنديش مبرر اقوله، وعمري ما هبينله أني متضايقه أو الموضوع فارق معايا.. _ايوه لي؟ يابنتي هو مش جوزك؟ _هو أنتِ لي محسساني أنك متعرفيش الي حصل بينا واللي قالهولي يوم فرحنا.. _طيب بقلك ما تيجي ننزل نتمشي شويه.. كانت محاوله من رفيقتها لإخراج ما بها.. وافقت علي الفور وهي تقرر أنها لن تفتح حديث في الموضوع مره أخري.. اتصلت بهِ لتطلب منه الأذن بالخروج.. حتي وإن لم يكن زواجهما حقيقيًا إلا أنها يجب أن تضع له حسبان، فبالأخير هي في بيتهِ وكُتبت علي إسمهِ… وهذا حقه.. كان قلبها يدق بسرعه وهي تنتظر رده، تشعر بكل مره يكون أمامها أو تتحدث معه أن قلبها يخو”نها وتصبح دقاته مزعجه بشكل مفرط… استمعت لصوته الهادئ يقول : _السلام عليكم.. ردت بهدوء مماثل رغم ثورة مشاعرها : _وعليكم السلام. أتاه صوتهِ يهتف بنبره دافئه : _عامله اي يادودو؟ أخذت نفسها تهدأ قلبها، مجرد سماع صوته يربكها ويربك قلبها : _الحمد لله، كنت عاوزه استأذن منك أنزل مع شهد نتمشي شويه.. أما عنه، فحقًا لم يتوقع فعلتها هذه، تستأذنه للخروج!، أعطاها حريتها الكامله يوم زفافهم، لذا لم يتوقع أن ترجع له قبل فعل شئ يخصها، إذا كانت ريهام نفسها من تُعد حبيبته وزوجته الآن لا يتذكر أنها فعلتها علي مدار علاقتهما معًا، وقد حدثت بعض المشاكل بسبب الأمر.. لم يكن لنزولها مع صديقتها أو لشراء شئ ما، بل كان سفر.. يتذكر حين سافرت للغردقه ذات مره مع صديقتها ولم تخرجه، وعلم بالصدفه وهو يحادثها لتخبره بأنها ستمكث أيضًا لعدة أيام.. وحينها حدثت مشكله كبيره بينهما ولم ترمي هي بالاً للأمر… حمحم بهدوء قبل أن يسألها بفضول: _طب لي بتستأذني مني؟ تفاجأت من سؤاله، وها هو بدون قصد يخبرها بحقيقة علاقتهما بل وبدورها الهامشي في حياته، ابتلعت غصه في حلقها وهي ترد بهدوء حزين، لم ينتبها هو لها : _أنا كنت بستأذن من بابا ، بس دلوقتي أنا في بيتك أنت حتي لو علاقتنا مجرد كتابه علي ورق، بس في النهايه أنت جوزي وفي واجبات مينفعش أني اتجاوزها ومنها أني استأذنك قبل ما اطلع. ابتسامه واسعه زينت ثغره دون أن ينتبه لها، حديثها أسره لن ينكر، وكأنه ارضت غروره الذكوري!، رد بنبره دافئه : _ماشي، أخرجي بس حاولي ترجعي قبل ما أرجع، ممكن؟ ردت باستغراب : _ممكن طبعًا، بس اي السبب؟ علي الجهه الأخري ذم شـ,ـفتيهِ بتفكير لا يعرف بما يجيبها، هو من الأساس لايدري لما قال هذا، رُبما لأنه اعتاد طوال الاسبوع المنصرم علي وجودها بالمنزل حين يعود، تستقبله بابتسامتها الساحره وتدعوه ليغير ثيابه ثم يأتي لتناول الطعام معها، ومن ثم يجلسان في غرفة المعيشه تتابع هي التلفاز بينما يتابع هو أعماله علي الحاسوب.. قال بتبرير كاذب: _أصل أنتِ عارف مبحبش أكل في المكتب وبرجع جعان أوي.. قالت بتعجب: _ازاي ده عمي كان بيقول أنك مكنتش بتاكل في البيت خالص غير لما يضغط عليك تاكل معاه..! عض علي شـ,ـفتيهِ بضيق.. لما والده يحكي فيما يخصه!، رد بحده غير مقصوده ولكن من غيظه : _ياستي اعتبريني اتعودت أكل في البيت، فين المشكله يعني! توترت لحدته المفاجأه وقالت بهدوء: _طيب خلاص أنت اتضايقت؟ انتبه لحدته معها، أبعد الهاتف عن أذنيهِ وزفر بعنف، ثم عاد يضعه وهو يهتف بهدوء تام: _لا يا دودو مش متضايق من كلامك ، بس افتكرت حاجه في الشغل ضايقتني.. _علي فكره لو عندك مشكله ممكن تقولي أنت عارف أني كنت بشتغل مع بابا الله يرحمه في الشركه وأني فاهمه كويس اوي في شغلنا.. ابتسم يقول بمرح: _يا دودو يا جامد، هو حد يقدر يقول نص كلمه علي الديزاين الي بتقدميه، كل مره كنت بتبهرينا بافكارك في الديزاين الجديده.. ابتسم بخجل من إطراءه عليها وقالت : _( thanks) ، بالمناسبه لما ترجع عاوزه اتكلم معاك في موضوع الشركه. – حاضر لما ارجع نتكلم زي ما تحبي. _اوك، سلام. _سلام. أنهي حديثه معها وابتسم بهدوء ناظرًا أمامه لثوانِ ثم التفت ليكمل أعماله. __________(ناهد خالد) _______ أغلقت الهاتف معه، وجلست تفكر، أخذتها ذاكرتها لذلك اليوم منذ تسع ايام مضت، بالتحديد يوم زفافهم.. كان ارتباطهم أسرع من الطبيعي ، فكل شئ حدث بأسبوع واحد فقط!..لم يقوموا بالخطبه حتي.. فقط تم كتب الكتاب في يوم وبعدها ب ستة أيام تم الفرح.. كانت سعيده… لا بل كانت الأسعد علي الإطلاق رغم الظروف الحادثه إلا أنه وأخيرًا أصبحت زوجته… زوجة الرجل الذي أحبته وتعلقت بهِ منذ نعومة أظافرها ، تعلم أنه رُبما لا يحبها وظهر هذا في تردده الشديد من أمر زواجهم والذي بعث الحزن في نفسها، ولكن ليس من الضروري أن يحبها، ستسعي لتنال قلبه.. بالطبع ستحارب كي تحصل عليهِ.. ستحارب من أجل حبها.. دلفت معهِ الطابق الخاص بهما في فيلا والدهِ، استمعت لأغلاق الباب فاحست برعشه خفيفه تجتاحها، تُري كيف ستصمد أمامه؟، كانت تترتعش حين تنظر في عينيهِ فقط، ماذا ستفعل واليوم ستضطر لخوض ماهو أصعب من هذا، فكرت في أن تخبره برغبتها بتأجيل إتمام زواجهما حتي تعتاد عليهِ، ولكن كيف ستقولها له.. انتبهت لصوته يقول وهو يقف أمامها بثبات وملامح واجمه : _احنا محتاجين نتكلم يا داليا.. نظرت له بقلق وقالت : _اتفضل.. _تعالي اقعدي.. جلست حيث أشار لها، فكانا متقابلان.. صمت قليلاً كأنه يرتب حديثه وقال : _داليا، أنتِ عارفه أننا اتجوزنا فجأه وبسرعه، ومحدش منا كان متوقع كل الي حصل، وأعتقد محدش منا فكر أننا في يوم ممكن نتجوز، أنا طول عمري شايفك بنت صاحب بابا وبس، ولأني بعتبر باباكِ زي بابا بالضبط، ممكن اعتبرك زي أختِ الصغيره، أنا صحيح مش أكبر منك بكتير، بس برضو ال٥ سنين مش شويه يعني أنفع أخوكِ الكبير عادي، …. قال الأخيره بمرح طفيف يحاول تهدأة الوضع بينهما.. خاصًة وهو يري وجهها الجامد والشاحب في آن واحد رُبما لأنها لم تتوقع حديثه هذا في مثل هذا الوقت.. وبصراحه أنا بحب بنت من سنتين ومتفقين علي الجواز….وكان المفروض نتجوز آخر الأسبوع.. وبصراحه أنا مش هينفع أأجل لأني وعدتها … خيبة الأمل… شعور في منتهي القسوه، كانت تحلق في السماء منذ ثوانِ وهي تري حلمها يتحقق أخيرًا، أما الآن فقد سقطت علي جذور رقبتها بكل قسوه … يتبع… اكمل حديثه غير مراعيًا لقبلها الذي يتمزق ولكن ربما لديه عذره فهو لا يعلم بما يجوب قلبها : _أنتِ معايا في كلامي ولا أي؟ اعتقد أنك اتجبرتي زيي ولولا الظروف الي اتحطينا فيها مكنتيش قبلتي تتجوزي واحد كل الي تعرفيه عنه انه ابن صاحب باباكِ، وكلامك معاه يدوب ع القد، كنتِ هتدروي علي حد بتحبيه او عالاقل اعجبتي بيه او تعرفيه صح؟ تنهدت بعمق تدعم نفسها لتصمد، تصرخ بقلبها أن يتوقف عن دقاته المؤلمه فلا مجال لها الآن، لامجال للأنهيار.. يجب الصمود مؤقتًا عالأقل.. ردت بتماسك ضعيف رغم هذا خرج صوتها هادئ: _صح يا سليم.. لم تستطع أن تُطيل في الحديث أكثر.. فصمتت.. نظر لها ينتظر أن تُكمل لكنها صمتت فقال : _طيب بصي، حقيقي انا حاولت مع بابا نحل المشكله دي من غير جواز بس هو كان مصمم أن الحل الوحيد هو الجواز، وزي ما قلتلك واتكلمنا، بما إننا مجبورين ع الوضع ده فخلينا نريح بعض، يعني أنا قولتلك أني هتجوز داليا وأتمني ده ميضايقكيش.. صمت ينتظر ردها فأومأت بإيجاب وقالت بهدوء تُحسد عليه : _هضايق لي؟ إذا كان كل الي فيه غصبنا عننا، فمفيش حد فينا معتبر التاني له حق عليه، وإلا مكنش زمانك قاعد قدامي في ليلة فرحنا تقولي أنك هتتجوز واحده تانيه، ولا كان زماني بسمعك بهدوء كده، بس السؤال بقي. هنعمل اي في حياتنا الجايه؟ و…. ابتلعت ريقها وضغطت علي كف يدها في الخفاء وهي تقول: _وهننفصل امتي؟ رد سريعًا بنفي : _لا أنا مش هتكلم في انفصال.. ده بيتك يا داليا وأنا معاكِ لحد ما أنتِ الي تطلبي ده، غير كده لأ.. _والبنت الي بتحبها هتتقبل!؟ _آه. هي عارفه أنا مفهمها الوضع كله.. _ولما تتجوزها بعد كام يوم من فرحنا الناس هتقول اي؟ _أنا متفق معاها، كتب الكتاب محدش هيعرفه غيرنا، لحد ما يعدي شهرين كده ولا تلاته ونبقي نتجوز، ووقتها طبعًا الفرح لازم الكل يعرف بيه. _الصحافه مبيتخباش عنها حاجه.. _متقلقيش أنا مرتب كل حاجه.. ردت بتأنيب ضمير حقيقي : _ايوه بس هي اي ذنبها؟، يعني لي مجبره توافق علي الوضع ده! _عشان بتحبني، وعشان اقنعتها ومعندهاش حل غيره يأما ننفصل ولا عندي بصراحه… _بس أنا كمان مش هينفع أوافق بموضوع جوازك عليا بعد شهرين او حتي تلاته.. أنت عارف الناس وكلامها مبيرحموش والصحافه تكتب بقي .. صمت ولما يجيبها وكأنه يخبرها بأنه ليس لديهِ حل لمعضلتها… قالت بو”جع خفي : _مفيش حل غير قبل فرحك بفتره ننفصل وقتها كلامهم مش هيطولني زي ماكون لسه مراتك.. أومئ بهدوء وهو لايري حل آخر وقال بتعقل: _ وأنتِ تقدري تعتبري نفسك حره، أنا مليش أي تحكمات عليكِ ولا هفرض سيطره عليكِ في اي حاجه، اعتبري نفسك لسه في بيتك، ولا هعقب علي علاقتك بأي حد، وأنا أقصد أي حد بالمعني الحرفي، زي ما بعد انفصالنا انا هشوف حياتي وزي ما في وقت وجودك لسه في حياتي مش هقطع علاقتي مع ريهام، أنتِ كمان ليكِ الحق في ده، الحقيقه أن الجواز الي لمده معين مبيُعترفش بيه جواز شرعًا، فمفيش حاجه تقيدك، لو اتعرفتي علي حد وقررتي تكملي حياتك معاه بعد ما ننفصل أنا مش هعترض ولا ليا دخل، الي اديت نفسي الحق فيه مش هسحبه منك.. يا لكرم أخلاقه!، يعدل بينهما!، وأين العدل وقلبها يحتر”ق بسبب حديثه؟، يعتقد أن حديثه يريحها ولا يعلم أنه يشقيها، يعتقد أنه هكذا يسعدها بإعطاءها حريتها الكامله ولا يعلم كم يتعسها هذا…. ويومها قضت ليلتها تنتحب بحرقه، ولم تزول حر” قة قلبها للأن..، وهل ستزول من الأساس!؟، صبرًا فما آتي أصعب مما مضي.. ومن حينها وسارت حياتهما كما خطط هو لها، تشعر وكأنها ضيفه، للحق يعاملها بلطف وود، رُبما هذا ما لا تنتظره ولكن لا بأس بالقليل… ____________(بقلم ناهد خالد) _____ كانت تسير مع شهد صديقتها وهما يتناولان المثلجات أثناء سيرهما علي ضفاف النيل، كانت شهد تثرثر دون توقف وداليا ترد عليها أحيانًا وأحيانًا تكتفي بأكل المثلجات وهي تهمهم بصمت.. انتبهت لشهد تهتف باستخفاف وهي تراها تتناول المثلجات بشراهه رغم برودة الطقس وكأنها تخرج غيظها بها : _بزمتك ده شكل واحده لسه عارفه امبارح إن جوزها متجوز عليها ؟ أكلت من المثلجات التي تمسكها بيدها وقالت بهدوء: _الأيس كريم ده روعه، كان نفسي فيه اوي بجد.. _أنتِ بتوهي؟ اومال لو مكنتيش بتحبيه؟ وقفت تأخذ نفس عميق وقالت وهي تنظر أمامها : _بس هو مبيحبنيش.. ومش من حقي أعاتبه علي حاجه مش بأيده..، هو عمره ما كدب عليا، مفهمنيش مثلاً أنه بيحبني، لولا صفقة بابا مكنش فكر يتجوزني حتي.. _اتجوزتيه لي مادام أنتِ عارفه ده؟ _عشان بحبه… أنتِ مش فاهمه.. سليم طول عمره حلمي الي بتمني يتحقق.. من وقت ماكان بييجي مع باباه عشان يزور بابا، أنتِ عارفه أنهم صحاب من زمان، كان يدوب عندي ٣ سنين لما بدأت أتعلق بيه، كنا دايمًا بنلعب مع بعض واحنا صغيرين، يمكن لما كبرنا العلاقه بينا مكانتش أحسن حاجه، يعني أنا كنت بتكسف أتكلم معاه حتي ولما كنت بقف قدامه كنت بتوتر اوي ومبعرفش اقول كلمه علي بعض، كنت براقبه من بعيد، مكنتش بحاول اقرب منه، كنت مكتفيه بمراقبتي له ومبسوطه،… مبسوطه دي كلمه قليله اوي علي الي كنت بحسه، لما اتجوزنا كان نفسي نعيش حياتنا طبيعي حتي لو مش بيحبني.. هخليه يحبني واحده واحده، لكن مخدتش الفرصه حتي.. _طب هتعملي اي؟ التهمت من المثلجات ثانيةً وقالت : _هستني الشهرين وننفصل… ردت شهد باستنكار : _كده؟ من غير ما تحاولي؟ نظرت لها بنطرات متألمه : _شهد، هم بيحبوا بعض، تفتكري ينفع ادخل بينهم وابوظ حياتهم وحبهم ده، تفتكري انا وحشه كده عشان افرق اتنين عن بعض ملهمش ذنب غير اني حبيته وهو محبنيش حتي، بلاش كده… يابنتي ده عارفه من سنه ونص، يعني من قبل مانجوز بكتير اووي، ده حتي سليم مكنتش بلفت نظره، أنتِ متخيله! أنا داخله معركه خسرانه يا شهد.. ذمت شـ,ـفتيها بتفكير وقالت: _بصراحه يا داليا معاكِ حق، أنا مش عاوزاكِ برضو تعملي حاجه ضميرك يأنبك عليها بعدين، بس هتعرفي تنسي سليم؟ تنهدت وهي تدندن بصوت عذب وكانت إجابه لشهد علي سؤالها : _الناس المغرمين .. مايعملوش كدا دول مهما تألموا .. بيداروا ويكتموا ولا يوم يتكلموا .. ويشمتوا العدى الناس المغرمين .. بيكونوا حنينين .. ويخافوا ع الشعور الصبر بيخلقوه .. والبال بيطولوه .. ويشوفوا الضلما نور. صمتت قليلاً وأكملت : _أنا بحب يا شهد وعارفه إحساس البعد أو أن حبيبك ميكونش معاكِ، وعمري ما هكون السبب إن حد يحس إحساسي حتي لو عيشت عمره كله في و”جع، هيكون أحرم من و”جع ضميري.. _____________(بقلم ناهد خالد) _______ _داليا.. التفت لتجد والد سليم “محمد” يخرج من باب مكتبه الموجود بالفيلا.. ابتسمت وهي تقترب منه : _ازيك ياعمي.. _الحمد لله يابنتي..ها طمنيني الدنيا ماشيه ازاي؟ نظرت له بمغزي وقالت: _سليم مش قال لحضرتك أنه كتب كتابه امبارح؟ _ايوه قالي.. _اومال بتسألني في اي؟ خلاص الموضوع انتهي.. اتسعت عيناه بضيق يهتف: _نعم؟ من اسبوع واحد استسلمتي ياداليا؟! زفرت بضيق وقالت: _ياعمي، أنت عاوزني اعمل اي أطلقهم يعني! رد بحده : _داليا!، اتكلمي كويس، ثم اعتقد إن في بنا إتفاق ولا نستيه!؟ ابتلعت ريقها بهدوء وقالت: _لا منستوش، بس عاوزني اعمل اي ياعمي بس، عمي أنا مش هخرب علي اتنين بيحبوا بعض واتجوزوا كمان. رد بغضب : _اسمعي يابنت أنتِ، أنا معملتش كل ده عشان تيجي من أول مواجهه وتقولي مش لاعبه، لا ياحبيبتي أنا معملتش كل الافلام الي عملتها عشان تيجي تقوليلي حرام وهسيبهم لوحدهم.. طفرت الدموع من عينيها وهي تقول بقلة حيله: _عاوزني اعمل اي بس ياعمي، أنت عارف أن سليم بيحبها ازاي، مش حرام أو”جع قلبه بالشكل ده، الي بيحب حد مبيحبش يو” جعه.. _وكان فين ده قبل مانعمل كل الي عملناه؟ تمتمت بألم : _مكنتش اعرف أنه بيحبها كده، ده عارف بتحب لون اي واهتمامتها، أنا كنت مفكره أنه متعلق بيها مثلا أو… صمتت وهي تكمل بتعب : _مش عارفه أنا كنت مفكره اي… يمكن شوفتها فرصه كويسه لقلبي واتمسكت بيها.. يمكن وقتها مفكرتش غير إني أكون معاه… أنت قولتلي أنك هتخليه يعاملني ك زوجه وتبقي حياتنا طبيعيه وهنا يبدأ دوري في أني أخليه يحبني… لكن صدمني لما من اول يوم حدد علاقتي بيه، عاوزني اقرب منه ازاي واحنا بنا ألف ميل.. أقرب منه ازاي وهو قاطع اي طريق للوصال، مكنتش اعرف انه حبه ليها هيخليه ميقربش ليا ولا يحاول حتي تكون حياتنا طبيعيه.. كان واخد قراره ومش هيرجع فيه. رد محمد بهدوء: _هتسيبيه؟ هتسبيه يغرق يا داليا! قالت باستسلام: _اختياره ياعمي، ويمكن يطلع صح.. _انا واثق أنه مش صح، واثق أنه هيندم.. رفعت كتفيها بلا مباله : _مش مشكلتي، ده اختياره.. _مش هتحاربي عشان حبك! هو للدرجادي ميستهلش! قالت بزهق : _ياعمي افهمني، الفكره مش اني احارب او لأ ، الفكره اني مش هقدر اكون السبب في و”جعه.. _لو حبك قبل ما يسيبها مش هتكوني سبب في و”جعه.. _طب وهي؟ رد بضيق : _يابنتي هو أنا مش حكتلك كل حاجه! صمتت تفكر في حديثه، ولكنه قطع تفكيرها حين قال بصرامه: _اسمعي يا داليا، كان بينا اتفاق ووعد وأنتِ ملزمه تنفذيه وده آخر كلام عندي.. _________(ناهد خالد) ______ دلف للشقه وبحث بعينه عنها فوجدها تجلس أمام التلفاز… _كويس رجعتي قبلي.. التفت ترد عليه مبتسمه: _مش قولتلي ارجع قبلك.. أكيد مكنتش هتأخر.. ابتسم لها بامتنان لفعلتها وقال: _طب اي فين الأكل يابنتي أنا جعان وممكن أكلك دلوقتي… وقفت تهتف بمرح : _ياستار يارب لا وعلي اي هقوم أحط الأكل حالاً، يلا غير هدومك.. اتجه لغرفته وهو يقول : _هواا… ابتسمت واتجهت للمطبخ لتغرف الطعام وخرجت ووضعته فوق الطاوله بمنتصف الصاله، انتبهت لرنين هاتفه الموضوع فوق المنضده، اتجهت بفضول تري المتصل فوجدت اسم ” other half”، ( نصفي الآخر)… أغمضت عيناها بألم وهي تأخذ نفسها بضيق، انتبهت لوصول رسائل للهاتف، ومن حسن حظها انها ظهرت علي الشاشه الخارجيه، كانت منها علي تطبيق “الواتساب” نصها… “سيمو، حبيبي لما تشوف الفون كلمني ضروري ” انتبهت لخروجه من الغرفه فابتعدت بتوتر تقول : _تليفونك كان بيرن.. رفع حاجبه باستغراب: _بجد؟ مسمعتوش… أمسكه فوجدت الابتسامه تغزو ثغره ما إن علم هوية المتصل وهتف لها ببساطه: _دي ريهام.. وزياده علي أوجاعها قام بمهاتفها أمامها… _اي ياحبيبتي؟ كان صوته دافئ حنون بشكل جذبها بشده.. _بجد؟ بس أنتِ معرفتنيش! وجدت ملامحه تتغير للضيق قليلاً وهو يقول: _ايوه ياريري بس افرضي كان عندي حاجه مهمه يعني.. صمت يستمع لها وعاد يهتف بتنهيده: _خلاص ياستي حاضر وانا ميرضنيش ازعلك… أنهي حديثه معها وهو يقول : _ماشي ياروحي ساعه وهكون عندك.. أغلق الهاتف ونظر ل داليا بتردد وهو ينقل بصره بينها وبين الطعام المرصوص.. اغتـ,ـصبت ابتسامه رغم شعورها بالبكاء وهي تقول: _روح يا سليم، هشيل الاكل في التلاجه محصلش حاجه.. رد باعتذار حقيقي: _سوري ياداليا والله فاجئتني أن أخوها ومراته حاجزين لينا في مطعم بسبب أن كتب كتابنا كان امبارح وكده كاحتفال يعني.. رغم انها كان المفروض تعرفني بس بتحلف ان الموضوع جه صدفه.. لم يعلم لما يبرر لها ولكن لم يرغب حقًا في أن يحزنها ويتركها بعد أن أعدت الطعام وتعبت بهِ… ردت بابتسامه: _ولا يهمك يا سليم عادي بتحصل.. اتفضل عشان تلحق تغير.. دلف للداخل وأخذت هي تلم الأطباق بغضب وعتف لم تستطع التحكم بهِ، أفرغته في علب ووضعته في الثلاجه وما أن انتهت استمعت لصوته ياتي من خلفها يقول بهدوء حاني وكأنه مازال يعتذر : _داليا عاوزه حاجه أجبهالك معايا؟ ردت دون ان تنظر له هذه المره وتصنعت الإنشغال : _لا شكرًا يا سليم. خرج بعد أن القي عليها نظره أخيره.. استمعت لصوت سيارته بالخارج فعلمت أنه ذهب، وقفت تستند علي حوض الغسيل بكفيها وهي تتنفس بعنف.. نظرت للأطباق أمامها فعزمت علي غسيلهم… تتذكر انها رفضت تمامًا أن تصعد الخادمه التي تأتي طوال النهار وتذهب قبيل منتصف الليل إلي طابقهما الخاص، أرادت أن تنفرد بحياتهما تمامًا عالاقل الشهر الاول من زواجهما.. زواجهما!؟ أين هذا الزواج الذي ظلت تضع له خطط لأسبوع كاامل لم تنم بهِ؟!.. أخذت تشهق بعنف وهي تشعر بالاختناق، وفجأه وجدت نفسها تلقي بالطبق الذي كان في يدها ليتفتت لقطع صغيره بداخل الحوض بعنف.. نظرت لقطع الزجاج وفجاه انفجرت في بكاء حاد وهي تجلس فوق الارضيه البارده تستند علي الخشب من خلفها… تبكي علي الكثير… تبكي علي أبيها الذي توفي منذ أربعه اشهر وتركها وحيده… وتبكي علي حبها الذي يعذ”بها.. وتبكي علي رؤيتها لحبيبها يدلل غيرها ويهتم لأمرها أمامها بل ويتزوج عليها ولا تستطع التحدث… تبكي علي اليأس والخنقه التي تشعر بها الآن… لم تعلم كم ظلت تبكي هكذا ولكن ربما لساعه أو أكثر… انتبهت لصوت الهاتف فخرجت بثقل لتتجه له.. وجدتها شهد صديقتها فضغطت زر الإيجاب تهتف بتعب : _ايوه ياشهد.. لم تنتبه الأخري لنبرة التعب بل قالت فورًا : _داليا شوفتي الانستجرام؟ ردت بتساؤل مستغرب : _ماله؟ _كنت بقلب بالصدفه لقيت صفحه جريدة **** منزله خبر كده عاوزاكِ تشوفيه، عارفه أنه هيضايقك بس كده كده هتعرفي.. أغلقت معها ودلفت تبحث عن صفحة الجريده، شهقت بصدمه حين رأت صوره لزوجها مع زوجته الجديده في عقد القران ومكتوب أسفلها : “مهندس الديكور الشهير( سليم المنشاوي) صاحب شركات المنشاوي للديكورات يثير الجدل بعد عقده لقرانه مره أخري علي مصممة الأزياء (ريهام عز الدين) وجاء هذا بعد أسبوع واحد فقط من زواجه من مهندسة الديكور الشهيره” داليا غريب “نجلة رجل الأعمال الراحل معتز غريب، فتكاثرت التساؤلات حول الأمر وخاصًة مع حرص الأول علي عدم إعلان زواجه مره أخري في وضع مثير للجدل، فهل زوجته علي علم بالأمر؟ وماسبب زواجه بهذه السرعه!؟ وما مصير زواجهما تُري هل يستمر أم سيكون إنفصالهم هو حديث الوسط في الفتره القادمه؟ ” سقطت فوق الأريكه تنظر للهاتف بصدمه وجسدها متخشب كمن تلقي صعقه بالكهرباء، والأسئله تتردد بذهنها.. من سرب الخبر للصحافه؟ وهل سليم علي درايه بالأمر؟ يتبع… رواية بكل الحب الحلقة الرابعة _داليا أي اللي مصحيكي لحد دلوقتي؟ رفعت بصرها له بأعين حمراء ومنتفخه من كثرة البكاء وقالت بجمود : _مكنتش مضطر تكدب وتقول أنك كاتب كتابك في السر ومحدش هيعرف بيه، كنت قولي أني تاني يوم هلاقي خبر جوازك مالي النت عالاقل كنت جهزت رد اقوله لأصحابي الي عمالين يسألوني اي الي حصل وازاي جوزك يتجوز عليكِ بعد اسبوع من جوازكوا.. كان قد دلف للشقه بعد أن أنتهي من سهرته مع زوجته الأخري، توقع أن يجد داليا نائمه ولكن تفاجأ حين أبصرها تجلس فوق الأريكه ومخفضه رأسها لأسفل وواضعه إياها بين كفيها… فاقترب منها بقلق يسألها ما بها لكنها صدمته حين رأي مظهرها المزري هذا، وصدمته أكثر بحديثها.. رد بعدم فهم : _أنتِ بتقولي اي؟ ومالك عامله في نفسك كده لي؟، وخبر جوازي اي الي علي النت!!؟ رفعت هاتفها تفتحه ووضعته أمام وجهه علي الخبر المنتشر علي السوشيال ميديا والذي أصبح حديث الساعه وقالت بسخريه : _شوفت ريتش بوست الخبر عدي ال٢٠ الف في ساعتين بس.. استني للصبح وشوفه هيوصل لكام وهتلاقيه بقي تريند كمان.. مش عشان أنت سليم المنشاوي مهندس الديكور المشهور ولا عشان شركاتك أكبر شركات الديكور في مصر… بس عشان الناس مش فاهمه ازاي حد يتجوز بعد جوازه الأولاني بأسبوع.. تحب تقرأ الكومنتات.. شوفها كده شوف الناس بيتوقعوا يكون اي السبب.. اقولك أنا… بيقولوا أني اكيد فيا عيب وعيب كبير اوي الي يخليك تتجوز عليا بعد اسبوع.. والي يقول ما يمكن اتخدع فيها وبدل ما يف”ضحها وهي برضو بنت صاحب ابوه قرر يعاقبها بالطريقه دي ويقهر قلبها، وغيره وغيره.. والكل بقي مستني يشوف رد فعلي اي.. كانت تتحدث بانفعال عنيف وهي تشيح بيدها بعصبيه ودموعها تتهاوي رغمًا عنها، كان ينظر لها بضيق شديد علي حالتها هذه الذي هو السبب بها وعلي حديثها الذي أخبرته بهِ فهل أصبحت سيرتها علي كل الألسنه ويقولون فيها ما يشاءون!، اقترب منها ببطئ مُخزي وأحاط ذراعيها بكفيهِ رغم مقاومتها الواهيه لها، في الحقيقه كانت تشعر بارتخاء في جسدها وكأنه أُنهك تمامًا، وتشعر بأن حلقها يُنحر، نظر لعينيها بعمق وهو يقول بصدق حقيقي : _أقسملك أني ما اعرف حاجه عن الصور دي ولا اعرف الموضوع اتعرف ازاي، بس أوعدك أني مش هسكت لحد ما اعرف مين الي عمل كده. أزاحت يده بعنف وقالت : _ميهمنيش تعرف مين، الي يهمني هتتصرف ازاي والمفروض أنا دلوقتي أعمل اي.. أطلب الطلاق عشان ارد اعتباري قدام الناس كلها واخرص لسانهم… هز رأسه بنفي قاطع وهو يقول بتوتر : _لا، احنا متفقناش علي الانفصال دلوقتي… ردت بجمود : _برضو متفقناش ان الناس كلها تعرف بجوازك.. رد عليها بأعين مترجيه يقول: _أنتِ لي بتحاسبيني علي الي معملتوش… _هو حد غيرك الي اتجوز!؟ _بس مش أنا الي نشرت الخبر ودي مشكلتك… نظرت له بتعب وقالت منهيه الحديث : _أنا مبقتش قادره اتكلم.. شوف هتتصرف ازاي لأن ده مسؤليتك وبلغني بقرارك الصبح.. تصبح علي خير.. أمسك ذراعها يوقفها وهو يسألها بقلق : _أنتِ تعبانه شكلك مش كويسه.. حاسه بأيه؟ نفت برأسها بتعب وهي تقول بثبات : _أنا كويسه. أصر علي سؤاله وأعاده لها مره ثانيه : _داليا في اي أنتِ مش كويسه شكلك تعبانه.. وللحق، هي تشعر بحلقها يؤلمها كثيرًا وسخونه شديده تنبعث من رأسها ووجهها وجسدها بأكمله.. سخونه ليست مُحببه علي الإطلاق، وبدأ جسدها بالتراخي فهي بالكاد تقف علي قدمها.. نظرت له بإعياء واضح ولم تستطع التحدث تشعر أن حلقها جاف كصحراء قاحله.. أزداد قلقه فأحاط ظهرها بذراعيهِ وهو يسحبها للغرفه ويقول بتوتر : _طب تعالي ارتاحي أنتِ شكلك مش قادره تقفي.. جعلها تتسطح فوق الفراش ففاجئته حين أغلقت عيناها فورًا، نظر لها بقلق أكبر وخاصًة مع إحمرار وجهها الذي لاحظه الآن، قرب كفهِ يستشعر حرارة وجهها فصُدم بحرارتها المرتفعه بشكل يُفزع، اتجه للحمام الخاص ب الغرفه وبحث فيها عن مقياس الحراره فهذه غرفته وهو يحرص دومًا علي وجود بعض الأدوات الطبيه المسعفه، عاد إليها ووضعه بفمها ينتظر أن يقيس حرارتها، ورفعه حين أصد صفيرًا معلنًا الانتهاء.. جحظت عيناه وهو يري حرارتها قد وصلت ل الأربعين.. ركض سريعًا لهاتفه واتصل بطبيب يتعاملون معه وأخبره بحالتها بتوتر وخوف كبيرين.. أبلغه الطبيب بأنه سيأتي إليه لفحصها ولكن لحين إتيانه عليهِ بعمل الكمادات الممتصه للحراره.. بعد ساعه.. _خير يادكتور.. قالها سليم متسائلاً بقلق.. _لا متقلقش يابشمهندس ده التهاب حلق شديد هو الي سببلها ارتفاع الحراره، المهم أنا هديها حقنه خافظه للحراره وهعلق لها محلول واضح أنها مكالتش بقالها ساعات كتير، وكمان لأنها ممكن متعرفش تاكل بسبب الالتهاب ده لما تفوق.. _طيب ولما تفوق اعمل معاها اي؟ _ممكن لو هتقدر تشرب مشروبات سخنه، لو تعملها شوربه مثلا وتشربها، وطبعًا هكتبلك علي ادويه مضاد حيوي لازم تجيبه وتاخد الجرعه في ميعادها. أومئ بإيجاب وانتهي الطبيب من أعطاءها الإبره وكتب لها الأدويه، ثم ارسل سليم أحد الحراس الذين يحرسون الفيلا لجلبهِ… ___________(ناهد خالد) ___________ أخذ هاتفه وخرج للشرفه يتحدث بها مع ريهام… _يا سليم والله ماعرف ولا ليا علاقه بالموضوع والله مش أنا الي سربت الخبر.. رد عليها بغضب صارخ : _اومال مين!؟ لو مش أنتِ ولا حد من أهلك يبقي مين؟ أتاه ردها العصبي: _طب ما أنت كان معاك معتصم صاحبك لي ميكونش هو! هتف بحده: _أنتِ اتجننتي معتصم عمره ما يعمل كده، واي مصلحته! _وأنا اي مصلحتي! _تبوظيلي الدنيا عشان تجبريني اتجوزك في اسرع وقت وتحلصي من الحوارات التي بتحصل.. _علي فكره كان ممكن اعمل ده لو قبل كتب الكتاب لكن أنت خلاص اتجوزتني ووعدتني أنهم شهرين وهنتجوز أنا هاجي أبوظ كل حاجه بغبائي عشان اي!، كمان ماطبيعي لما انشر الخبر أنت هتعرف أني أنا اللي نشرته.. صمت يقلب حديثها في رأسه فوجدها علي حق.. حديثها منطقي ولكن إن لم تكن هي من فعلت هذا إذًا من!؟ _خلاص يا ريهام اقفلي.. أغلق الهاتف معها ودلف للداخل ليكون بجوار داليا حين تفيق… _______(ناهد خالد) ___________ علي الجهه الأخري أغلقت الهاتف وزفرت بضيق.. جاء أحدهم من خلفها وهو يقول : _طبعًا طلع زهقه عليكِ. ردت بضيق : _اسكت بقي يا حسن أنا هتجنن مش عارفه مين ممكن يكون سرب الصوره دي.. ده كده كل حاجه هتبوظ.. جلس جوارها وهو يحيطها بذراعيهِ وقال : _مين قال أن اي حاجه هتبوظ! كلها شويه وسليم هيهدي والأمور هتمشي تمام.. _ايوه بس كده في حد بيلاعبنا ولازم نعرفه.. _بصراحه أنا شاكك في معتصم.. _وأنا برضو بس هيعمل كده لي؟ _ده بقي معرفوش، بس محدش غيره هيعملها، او في حد من بره خالص.. ذمت شـ,ـفتيها بتفكير، وجدته يقول : _اتمني الموضوع يبقي لصالحنا والست زفته مراته تطلق بقي ويتجوزك بسرعه مش هيبقي في داعي للتأجيل ونخلص شغلنا أوام أوام.. _أنت عارف سليم مش سهل وهيعرف مين الي عمل كده.. بس تفتكر لما نتجوز هقدر اعمل الي احنا عاوزينه اوقات بخاف منه.. انتفض بغضب يهتف : _نعم ياختي.. بقلك اي معملناش كل ده وبقالنا ييجي سنتين طالع عينا شغل وترتيب عشان تيجي تقولي معرفش.. وقفت تقول بخوف: _ياحسن اسمعني أنت عارف سليم كويس ويمكن اكتر مني، ده انا باجي هنا متنقبه عشان اقابلك خايفه ليعرف رغم اني متأكده انه مبيراقبنيش… لو فرضنا أني عرفت أمضيه علي الورق وناخد الفلوس، تفتكر هنعرف نهرب بره البلد قبل مايوصلنا، وبعدين أنا كده بهد شغلي واسمي كله وعمري ماهعرف ارجع البلد دي تاني.. _وماله ياختي، هو اسمك ولا شغلك حتي هيجيبلك نص الفلوس الي هناخدها منه، يابنتي بقلك ٥٠ مليون دولار.. أنتِ متخيله الرقم أصلاً ..لو عشتي ٥٠ سنه عشان تجبيهم مش هتعرفي..سليم حاطط كل راس مال الشركات ومكسبها في حسابه ده، ميحتكمش علي جنيه واحد براهم، وعشان يعرف يعيش هيضطر يبيع من شركاته ولا من الفنادق… _طب هو أنت متخيل هتلاقي ٥٠ مليون دولار في بنك! عشان تلحق تاخدهم ونهرب.. _أنتِ هبله يابنتي، هو في بنك بيبقي موجود فيه رقم زي ده وقتي، الورق الي هتمضيه لسليم هو مجرد تحويل للفلوس من حسابه لحساب تاني، والموضوع مش هياخد كام ساعه ويكون المبلغ متحول من الحساب التاني ده لحساب تالت ورابع وعاشر، وتضيع الفلوس بين الحسابات ويبقي يقابلني بقي.. ياماما الي بيساعدونا ناس متخصصه في الموضوع ده.. _طب هم مش هيطلبوا انه يكون موجود.. _أنا مش قولتلك معايا ناس هيتصرفوا في كل حاجه.. _طب لي معملتهاش من غيري بأي طريفه وتقدر تعملها أنت قريب لسليم وبيثق فيك.. ضحك بسخريه وقال: _لا، بالعكس ضـ,ـربتك أنتِ بالنسبه ليا احسن من الفلوس ألف مره، يكفني الي هيحسه لما تاخدي فلوسه وتهربي بعد ما حبك، يكفيني أني أقهر قلبه واحسسه أنه خد علي قفاه.. نظرت له بتعمن تقول: _للدرجادي بتكر”هه.. التمعت عيناه بغضب دفين وهو يقول : _وأكتر. ____________(بقلم ناهد خالد) _______ استفاقت بتعب فوجدت الأبره مغروزه بكف يدها توصلها للمحلول.. نظرت أمامها فوجدت سليم يدلف من الباب، ابتسم ما إن رآها أفاقت وقال : _حمد الله على السلامة، وقعتي قلبي عليك ِ الله يسامحك.. نظرت له بتشويش وهي تهتف بصعوبه: _اي اللي حصل؟ اقترب يضع الحساء الساخن بجوارها وقال وهو يجلس أمامها علي الفراش: _أولاً متتكلميش عشان متتعبيش عندك التهاب في الحلق.. ثانيًا يلا عشان تشربي الشوربه دي.. خدي بالك أول مره ادخل المطبخ وعاملها بنفسي شغلت اكتر من ٣ فيديوهات عشان اعرف بتتعمل ازاي… ثالثًا لو طعمها وحش متقوليش… ابتسمت بهدوء وقد تناست ماحدث منذ قليل أو ربما تتناسي.. اعتدلت ببطئ فساعدها يعدل الوساده خلف ظهرها.. نظرت له وهو يجلب الحساء ويقربه منها كادت تنفي لكنه سبقها يقول بزعل مصطنع: _عالأقل قدري وقفتي في المطبخ.. تنهدت وهي تستقبل منه أول ملعقه للحساء.. أنهاه بالكامل وسط تذمرها وأعطاها الدواء، نظر لها يقول باهتمام : _أحسن دلوقتي؟ ردت بهدوء : _الحمد لله أحسن.. _بس اي الي جبلك التهاب الحلق ده؟ أنتِ خرجتِ في البرد ولا شربتي حاجه برده؟ حمحمت بحرج تقول : _لما خرجت مع شهد جبنا ايس كريم.. جحظت عيناه وهو ينظر لها مرددًا بدهشه: _ايس كريم؟! ايس كريم في التلج ده ياداليا! قضمت شـ,ـفتيها بتوتر تقول : _كان نفسي فيه.. رد عليها بحده: _وهو اي حاجه نفسك فيها تجبيها من غير ما تفكري! طبيعي تتعبي طبعًا بعد الي هببتيه ده، أنتِ طفله بتتشعلقي في الحاجه وخلاص! نظرت له بتذمر تقول بضيق : _متزعقليش.. كانت كالطفله تمامًا وهي تنظر له بأعينها التي دوماً تجذبه البراءه التي تحتلها.. زفر باستسلام يقول : _حاضر ياختي مش هزعق، بس بعد كده مفيش خروج من غيري… رفعت حاجبها باستنكار تهتف : _ده بجد! جذب الاناء الفارغ وهو يتجه للخارج يقول : _طبعًا، مهو مينفعش نسيب الأطفال يخرجوا لوحدهم.. استمع لزمجرتها وهي تهتف بصوت عالي كي يصل له : _أنا مش طفله، وهخرج لوحدي وهتشوف… ابتسم باتساع وهو يستمع لحديثها.. هز رأسه بيأس منها وهو يتجه للمطبخ.. ورغم كل مايحدث لم يغيب عن تفكير سؤال… من بعث بالصور للصحافه؟ _________(ناهد خالد) ________ _يعني ياعمي معرفتش حصل اي؟ هتف محمد بجهل: _والله يابني ماعرف حتي هم عرفوا ولا لسه… بس سمعت صوت داليا عالي من شويه فقلت يمكن عرفوا.. أتاه حديث الآخر علي الهاتف يقول: _طب تفتكر سليم هيتصرف ازاي؟ أنا خايف يحصل عكس الي عاوزينه.. رد محمد يقول بثقه : _بص يا معتصم.. سليم هيتصرف بناءً علي رغبة داليا.. لأن هي الي متضرره.. وداليا أنا هتكلم معاها بكره وافهمها تتصرف ازاي بس مش هقولها طبعًا إني أنا الي سربت الخبر .. _ايوه برضو الموضوع هيتحل ازاي؟ _بطلاق ريهام ملهاش حل تاني، وخصوصاً بعد ما يتأكد أن هي الي سربت الخبر .. _وافرض سليم مطلقهاش وقرر يعديهالها… قطب محمد حاجبيه بقلق وقال : _معتقدش.. مش عارف بس لأ.. سليم اكتر حاجه بيكرهها إن حد يستغفله او يخدعه فمش هيسامحها.. رد معتصم ساخرًا : _احلي حاجه أننا عارفين ده.. يعني سليم مبيسامحش حد يستغفله او يخدعه.. واحنا الحمد لله عملنا الاتنين.. من اول الفيلم الي عملناه عشان يتجوز داليا لحد ما صورتهم في كتب كتاب ريهام وسربنا الخبر.. يعني مش هيسامحنا عمره.. رد محمد بحزن : _أنا بعمل كل ده عشانه يابني والله.. معرفش إن كان هيسامحنا ولا لأ بس يمكن لما يعرف الحقيقه يسامحنا.. يتبع… رواية بكل الحب الحلقة الخامسة أقام مؤتمر صحفي بشركته لكي يخرص كل الألسنه التي تتحدث عن أمر زواجه للمره الثانيه بعد أسبوع واحد فقط من زواجه الأول.. كانت ملامح وجهه حاده محذره وكأنه يتعمد أني يبث الخوف بالجميع كي يلتزموا الصمت ولا يتحدثوا في الأمر مره أخري..بدأ حديثه بكل غرور و حده تبث الخوف بهم : _أنا معملتش المؤتمر ده عشان أبرر لكم أي حاجه، ولا عشان أوضحلكم موقفي.. الحقيقه أنا مش مضطر أعمل ده، لأن حياتي الشخصيه تخصني أنا وبس ومحدش له دخل فيها، أنا عملت المؤتمر ده عشان أقولكم أن اي حد اتدخل في حياتي وعين نفسه محلل وبدأ يحلل تصرفي وسبب جوازي فهو ملوش اي حق في اللي عمله..ومن اللحظه دي أنا مش هسمح إن أي حد يقول حرف واحد عني أو عن مراتي المهندسه داليا غريب، الحقيقه أنتوا ملكوش دعوه أنا عملت ده ليه ولا هي رد فعلها اي ولا هتتصرف ازاي.. ياريت كل واحد يخليه في حاله.. وبالنسبه للصحافه فأنا مش هسمح أن حد منكم يكتب عن حياتي الشخصيه مره تانيه ولو حصل أوعدكم أنها هتكون آخر مره الجريده دي تكتب فيها اي كان مركزها.. من اللحظه دي حياتي الشخصيه خط أحمر مش مسموح لحد يتدخل فيها والي هيتكلم عن مراتي أنا هقطعله لسانه.. المؤتمر انتهي… انهي حديثه وخرج من القاعه تحت همسات الصحفيين ولكن لم يجرء أحد أن يرفع صوته بما يهمس بهِ.. __________(بقلم ناهد خالد) ______ كانت تجلس تتابع ما يحدث علي التلفاز الذي كان يبث بث مباشر للمؤتمر الصحفي المنعقد لشركات المنشاوي.. استمعت لحديث زوجها وإنهاءه للأمر.. تعلم أنه الحل الوحيد الذي وجده ولم يجد حل غيره… ولكن سؤال واحد أتي بعقلها لما ذكرها هي فقط ولم يذكر زوجته الآخري ريهام.. لما حذرهم من الإتيان بسيرتها هي فقط؟ ألأن معظم الأحاديث موجهه لها!؟ ولكن هناك الكثير مما انتقضوا ريهام بأنها قبلت أن تتزوج بشخص متزوج من آخري منذ أسبوع حتي أن الأمر وصل بهم للسب.. انتبهت علي دقات فوق باب الجناح.. اتجهت تفتحه فوجدت محمد يقف أمامها هتفت مرحبه : _أهلاً ياعمي اتفضل.. دلف للداخل واتجه ليجلس بغرفة المعيشه وقال لها : _تعالي يا داليا عاوز اتكلم معاكِ… جلست أمامه تنتظر حديثه.. قال لها بتساؤل: _الأول عامله اي أحسن؟ قطبت حاجبيها باستغراب تتسائل: _حضرتك عرفت منين إني تعبانه؟ _شوفت الدكتور وهو نازل من عندكوا امبارح وسألت سليم عليكِ النهارده… _الحمد لله كويسه.. قال بمغزي : _سليم قالي أنه مكنش راضي ينزل الشركه النهارده عشان ميسبكيش لوحدك بس أنتِ الي أصريتي.. فهمت أن حديثه به مغزي ما فقالت : _حضرتك تقصد اي؟ _اقصد أن سليم بدأ يهتم بيكِ… تسائلت بهدوء : _وده معناه اي؟ ابتسم بهدوء يقول : _لا يمكن إخفاء الحب مهما حاولنا فالمرأة تفضحها الغيرة والرجل يفضحه الاهتمام. قطبت حاجبيها برفض وهي تقول : _حضرتك تقصد أن سليم بيحبني! أكيد لأ.. _مقولتش بيحبك.. بس الأكيد أنه بدأ في أول خطوه للحب.. الحب موجوده في سلمه قبلها سلالم كتير عشان توصليله.. وسليم بقي في الدرجه السادسه … تسائلت بفضول وحماس : _وهي اي الدرجات دي؟ _بصي أول درجه من درجات السلم الي بيوصل للحب .. (الاستلطاف) .. أنك تستلطفي الشخصيه الي قدامك تستلطفي طريقتها.. أو اسلوبها في الكلام.. والدرجه التانيه..( الإنجذاب).. أنك تبقي منجذبه له وبتحبي تسمعيه وتتابعيه بعينك في كل حاجه بيعملها..والدرجة الثالثه ( المراقبه) إنك تراقبيه في كل تصرفاته وحركاته….. . والدرجه الرابعه ( الإعجاب).. الإعجاب الي بيكون نتيجه لمرقابتك له فتعجبي بيه.. والدرجه الخامسه ( التعود).. تتعودي تشوفيه وتتابعيه وتعرفي عنه كل حاجه حتي لو من بعيد وتحسي بالنقص لو بعد عنك… والدرجه السادسه ( الخوف).. أنه يخافك عليكِ من كلام الناس أو من تعب أو لو غبتي ومعرفش يوصلك ويبدأ عقله يصورله اي الي ممكن يكون حصلك.. والدرجه السابعه ( الاهتمام) الي برضو نتيجه للخوف… لما أخاف عليكِ ههتم بيكِ من خوفي هبقي عاوز أعرف عنك كل حاجه وأتابعك عشان ابقي مطمن.. والدرجه الثامنه ( الغيره).. ودي مش محتاجه شرح.. والدرجه التاسعه بقي ( التملك).. بس طبعًا بحدود.. يعني أني ابقي عاوزك معايا معظم الوقت وأتضايق لو لاقيت حد بيشغلك عني.. بس كل ده بحدود ميكنش تملك مرضي يقضي علي اي حاجه حلوه بينا… وبعدها توصلي للدرجه العاشره وهي أهم درجه… تسائلت باهتمام وهي تستمع بحديثه: _هي اي؟ -( الاكتفاء) أنك تكتفي بالشخص ده وعينك متشوفش غيره ولا قلبك ينجذب لغيره.. متشوفيش حد اجمل منه ولايشغلك اي حد مهما كان جماله او مركزه.. تكتفي بيه هو وبس… بعدها توصلي للدرجه الأخيره ( الحب).. ومن الحب فيه بعده ٧ درجات تانيين أخرهم الهيام.. ( ملحوظه : لو في درجه ناقصه او درجه قبل التانيه من وجهه نظركم قولولي.. لان كل الدرجات دي من وجهه نظري برضو، والانسان بيخطئ عادي) ذمت شـ,ـفتيها بإعجاب وقالت: _كلامك حلو اوي ياعمي… واضح أنك كنت بتحب طنط اوي.. ابتسم بحزن يقول : _كنت!؟، الي بيحب يابنتي عمره ما يقول علي حبه كان.. الي بيحب بيفضل حبه في المضارع حتي لو حبيبه بقي ذكري.. أرادت تغيير الموضوع وقالت : _يعني عاوز تفهمني أن سليم بقي في الدرجه السادسه من اسبوع واحد!؟ _يابنتي طلوع الدرجات دي بيكون اسرع مما تتخيلي… ممكن شخص مشاعره تطلع درجتين او تلاته في لمح البصر.. وبعدين سليم ميعرفكيش من اسبوع.. سليم عارفك من يوم ما اتولدتي.. ويمكن اول درجتين عداهم من زمان.. وفي الاسبوع الي عشتوه طلع باقي الدرجات.. لو مكنش الي عمله النهارده خوف عليكِ تفسري بأي أنه مذكرش ريهام في المؤتمر.. رغم أن الكلام طالها… ذمت شـ,ـفتيها وقالت : _مش عارفه.. بس فعلاً الناس بتشتم فيها كمان، يعني هم مبيشتمونيش هم بس بيعيبوا فيا مثلا وفيهم الي متعاطف معايا وفيهم الي مستني رد فعلي.. لكن هي كلهم بيشتموها.. حتي الفلورز بتوعها قلوا.. _شوفتي… وكمان سليم بقي بيرجع البيت بدري وبقي ملتزم اوي بأنه ياكل معاكِ.. لوت فهما بضيق تقول: _لا امبارح راح لها وساب العشا بعد ما جهزته… نظر لها بضيق وقال: _يعني سبتي كل الأيام ومسكتِ في امبارح! متشلنيش.. ردت بتوتر : _هو بصراحه كان مضايق وقعد يعتذرلي.. ابتسم باتساع يقول: _شوفتي.. وكمان النهارده كان قلقان عليكِ اوي وهو سايبك وماشي… داليا سليم فاضله ٤ درجات بس وحبك يسكن قلبه.. وأنا عارف ابني لما يحب. عشان كده بقولك هو مستحيل يكون بيحب ريهام هو واهم نفسه أنه بيحبها.. افتكري الكلام الي قولتهولك يومها.. فلاش باك:: منذُ شهر مضي… _عمي أنت بتقول اي؟ قالتها داليا بتوتر وصدمه في نفس الوقت وهي تستمع لحديث محمد… _بقلك أنا عارف أنك بتحبي سليم… ردت بتوتر وخجل في آنٍ واحد : _لا… اا… _داليا أنا مش مستني ردك.. بقلك أنا متأكد من الي بقوله.. وحين وجدت نفسها مُحاصره قالت بخجل: _حضرتك عرفت منين؟ _والدك الله يرحمه.. قالي ده قبل ما يمـ,ـوت.. من حوالي سنه كده لما اتقدملك زميلك في الجامعه ورفضتيه وقتها هو قالي عن مشاعرك.. ومتفكريش أنه كده حرجك قدامي.. أبدًا.. أنا الي كنت عطول بقوله نفسي سليم وداليا يكونوا من نصيب بعض.. ووالدك كان عنده نفس الأمنيه عشان يطمن عليكِ، بس اتفاجات بعد مـ,ـوت والدك بشهر لما جه سليم يقولي أنه بيحب بنت وعاوز يتجوزها بس هيستني شهرين علي ماتعدي ظروف الوفاه…وقتها حسيت أني عجزت ومش عارف اتصرف.. أنا بعد مـ,ـوت والدك صممت أكتر علي أنكوا تكونوا لبعض عشان يرتاح في قبره، بس سليم حطم كل آمالي.. المهم سكت وقررت أني مش هينفع أغضب علي ابني وكمان هو بيحبها ومش هينفع أكسر قلبه، لحد ما جالي معتصم صاحبه بعد كلامي مع سليم باسبوعين لما عرف ان سليم كلمني وأنا وافقت… تذكر يوم أن اتي له معتصم يخبره أنه يريده في أمر هام.. _خير يا معتصم يابني..؟ تململ معتصم في جلسته وقال : _بصراحه ياعمي هو مش خير.. وأنا مش عارف أبدأ ازاي؟ رد محمد بتوتر : _ماتقول يابني قلقتني.. _بصراحه كده الموضوع يخص ريهام… رد محمد بضيق : _ماتخلص يا معتصم أنت هتنقطني!؟ رد بتوتر : _حاضر ياعمي.. ريهام علي علاقه بواحد تاني غير سليم، وأصلا كان ليها علاقات كتير قبل كده وأخلاقها مش تمام.. اتسعت عيناه بصدمه يقول : _أنت بتقول اي؟ معتصم أنت اتجننت! بقي سليم هيقع في واحده أخلاقها بالشكل ده! رد معتصم بحزن : _عمي سليم ميعرفش اي حاجه عنها ولا اي حد، كل حاجه بتعملها في الدري ومحدش يعرف عنها حاجه والكل مفكرها بنت الذوات المحترمه. _وأنت عرفت منين؟ _صحبتها الأنتيم كان في بينا علاقة كده لفتره بس انفصلنا لأنها مطلعتش احسن منها كتير.. اسلوبها ولبسها وخروجتها كل ده منفعش معايا.. _هي زيها؟ _عمي ريهام كل حياتها خروجات وسفر وسهر في النايت كلب وليها علاقات كتير شبابيه وسليم عارف بس هي مفهماه أن ده عادي وشغلها بيحتم عليها تكون علاقات كتير عشان تشتغل وتتشهر ولازم تكون لطيفه مع كل الناس… ردد باشمئزاز : -لطيفه! هو ازاي سليم سامح بكل ده!؟ _والله ياعمي مش عارف، بس عمري ما توقعت ان سليم هيبقي open mind كده بطريقه غريبه، ده مش سليم خالص.. يعني لبسها وطريقتها معرفش ازاي مستحملهم ومكمل.. _وأنت لي مقلتلوش ع اللي تعرفه عنها؟ _خايف، خايف ميصدقنيش ولو ده حصل، علاقتنا هتنتهي وخصوصًا أنا معنديش دليل.. رد محمد بحذر: _معتصم أنت متأكد أنك مش ظالم البنت؟ رد معتصم بثقه: _أقسملك أني متأكد، بس للاسف معنديش إثبات مادي.. أنتهي من سرد حديث معتصم علي مسامعها، جحظت عيناها بصدمه تردد: _عمي، هو يعني علاقتها بيهم واصله لفين؟ رد بجهل: _لا معرفش، ومعرفش معتصم يعرف ولا لأ، بس حتي لو مجرد كلام ومقابلات، دي خيا”نه، وسليم ميستاهلش واحده زيها… بعدين أنا جبت كل معلوماتها، وفعلاً لبسها أوفر وعلاقتها كتير ده الي معروف بس وطريقة حياتها متناسبش سليم بس هو السـ,ـكينه سـ,ـارقاه.. _طب وحضرتك عاوزني اعمل اي؟ _أنتِ وسليم لازم تتجوزوا وفي أقرب وقت.. اتسعت عيناها بصدمه وهي تقول بذهول: _حضرتك بتقول اي اا…. قاطعها بصرامه يقول : _اسمعي يا داليا، إن كنت صرفت نظر عشان ابني بيحبها، فبعد الي عرفته من معتصم مستحيل اسيب ابني يقع في واحده زي دي حتي لو كنت هكــسر قلبه، أنا من وقتها وأنا عمال أأجل موضوع أننا نتقدم لها بس سليم مش هيسكت أكتر من كده ولازم نتصرف… ثانيًا أنا كنت شايل هم علي قلبي عشانك وعشان صاحبي الي مقدرتش انفذله أمنيته، لكن دلوقتي أنا مش هيهدالي بال غير لما تتجوزوا ومن بعدها ييجي دورك في أنك تحافظي عليه وتخليه يحبك.. -حضرتك قلت أنه بيحبها هيحبني ازاي بقي؟ نفي بثقه : _لأ، سليم واهم نفسه أنه بيحبها، يمكن انجذب لها، يمكن اعجب بيها، لكن حب!، مستحيل.. سليم عمره ما كان هيسمحلها بلبسها ده لو كان بيحبها، وعمره ما كان هيسمح يكون ليها علاقه براجل حتي لو في حدود شغل، وعمره ما كان هيسمح بخروجتها وسهرها.. سليم مبيحبهاش وأنا واثق… ودي فرصتك تثبتيله أنه مبيحبهاش.. ردت بعدم فهم: _ازاي؟ _لم ينجذبلك ويلاقي نفسه اتعلق بيكِ وشغلتيه، ساعاتها هيعرف أنه مبيحبش ريهام… الي بيحب حد مبيشوفش غيره يا داليا وسليم عارف كده كويس.. أنا الي مربيه وأنا برضو الي فهمه كل الي بقوله دلوقتي.. _وافرض منجذبليش ولا اتعلق بيا؟ افرض فشلت… قالتها بتوتر ملحوظ فرد بثقه: _أنتِ بتحبيه وحبك هو الي هيجذبه حتي لو مبينتهوش، الحب سلاح قوي وأنتِ هتفوزي بيه، كمان لازم تقـ,ـاتلي وكأنها آخر معاركك.. وكأنه بث طاقه جباره بداخلها فقالت بعزيمه: _هتخليه يتجوزني ازاي؟ _هطلع وصيه من عندي واقول أن المحامي جبهالي من يومين وهوريها لسليم وهيكون مكتوب فيها أن والدك بيوصيني أجوزك له، وطبعًا سليم عارف أن والدك كان أكتر من أخويا… وأنا هصمم أنه لازم ينفذ الوصيه ويتجوزك… ردت بقلق : _بس ممكن يرفض.. ابتسم يقول : _لا ده أكيد هيرفض… وعندي الي يجبره يوافق.. تسائلت بفضول: _اي هو؟ صمت وهو يبتسم بهدوء… _______(ناهد خالد) _____- بعد يومان كان يقف سليم في مواجهه أبيه الذي تعنت وأصر علي ضروره إتمام الوصيه…. هتف سليم بغضب : _يابابا.. حضرتك عارف أنا كنت بحب عمي الله يرحمه قد اي بس ده مش معناه أني أقبل أبوظ حياتي وأتجوز واحده مبحبهاش وأسيب الي بحبها! رد محمد بتعب وغضب في نفس الوقت برع في رسمهما علي وجهه: _آخر كلام عندي يا سليم يا تتجوز داليا وتعمل بالوصيه وتريح صاحبي في قبره.. يا تعتبرني أنا كمان مت زيه.. انتفض بعصبيه يقول : _يابابا حضرتك بتصعبها عليا وبتلوي دراعي وأنت عارف أني دي أكتر حاجه بكـ,ـرهها بلاش كده أرجوك.. ضـ,ـرب محمد بقبضـ,ـته علي المكتب يقول : _أنا قلت الي عندي وأنت ليك الأختيار.. دلف معتصم في هذه اللحظه يقول : _اي يا جماعه صوتكوا عالي والشركه كلها سمعته.. رد سليم بضيق : _تعالي شوف الي بابا بيعمله فيا… قال معتصم : _أنا عرفت الموضوع، كنت مع عمي لما المحامي جاب الوصيه وحاولت أرجعه عن قراره بس مصمم… قال سليم لأبيه بنبره قاطعه: _أنا آسف يابابا مش هعمل الي حضرتك عاوزه، وياريت بلاش تصعبها عليا وعليك… قال حديثه وخرج بغضب يشتعل بهِ… _وبعدين ياعمي؟ ابتسم محمد بهدوء وقال: _كنت متأكد انه هيعمل كده، عملت الي قولتلك عليه؟ أومئ برأسه موافقًا، فقال محمد وهو ينظر لساعته: _ربع ساعه بالضبط وتتصل عليه تبلغه.. _تمام ياعمي… ابتسم محمد بهدوء يقول: _يا أنا يا أنت يابن المنشاوي.. يتبع… رواية بكل الحب الحلقة السادسة – في اي يا معتصم أنا مش رايقلك دلوقتي ! رد معتصم بصوت لاهث مصطنع : – سليم , حصلني علي مستشفي *****. رد بقلق : – في اي يا معتصم مستشفي لي ؟ قال بحزن : – عمي تعب جامد وأنا واخده علي المستشفي . جحظت عيناه بصدمه وهو يردد بخوف : – بابا !. ______ – عمي أنت واثق أن الحوار ده هينفع أصله اتهرش في مية فيلم عربي قبل كده … – هو مش سليم ده ابني ! أنا بقولك عمره ما هيتوقع أن الحوار لعبه متقلقش , المهم فهمت الدكتور هيقول اي .. دلف الطبيب مقاطعًا حديثهما : – طبعًا يا محمد بيه فهمت كل حاجه ومتقلقش هبهرك . ابتسم محمد برضا وقال : – عال اوي . ______ – بابا .. قالها سليم وهو يركض لوالده المُسطح فوق الفراش مغمض العينان ومتصل بهِ جهاز قياس ضرـ,ـبات القلب , التف لمعتصم يقول بخوف : – حصله اي ؟ رد الأخير بحزن أجاده : – تعب بعد ما مشيت ووقع مني جبته هنا . – هو عنده اي يا دكتور ؟ قالها سليم موجهًا حديثه للطبيب الذي قال بعمليه : – الحقيقه الوضع ميطمنش وبرضو مش خطير , يعني هو كان عنده انخفاض في ضرـ,ـبات القلب ولقدر الله لو مكنتوش لحقتوه كان داخل علي ذبحه , بس الحمد لله هو حاليًا تمام . وصمت الطبيب ! ..نظر معتصم له ينتظر أن يُكمل حديثه لكنه لم يفعل ! قال بغيظ وهو ينظر له : – سليم الدكتور قال أنه ممنوع عنه أي إجهاد أو زعل الفتره الجايه لاحسن ممكن الحاله تتدهور …ولا اي يا دكتور !؟ تنحنح بارتباك يقول : -آه آه طبعًا . أخذه معتصم من كتفه يقول بخنقه وابتسامه صفراء : – اتفضل حضرتك عشان تشوف شغلك متشكرين . أومئ الطبيب سريعًا وهو يخرج من الغرفه , تمتم معتصم بضيق : – هي ناقصه أمك ! قال هبهرك قال !. عاد ينظر لسليم واقترب منه يقول بحزن : – هتعمل اي سليم ؟ رد وهو ما زال ينظر لوالده : – هعمل الي هو عاوزه أنا مش هستني لما أخسره . ابتسم معتصم بخبث من خلفه وهو يري نجاح خطتهم كما أرادوا تمامًا . عادوا من شرودهم بالماضي القريب وقالت داليا بقلق : – عمي أنا خايفه اوي لو سليم عرف كل الي حصل ده .. تنهد محمد بحزن يقول : – سليم لو عرف أننا كل ده بنخدعه وعاملينه زي اللعبه في أيدنا مش هيسامحنا وإن سامحني أنا عشان أبوه , هيبقي مسامحه ظاهريه وهيبقي شايل مني , لكن أنتِ ومعتصم …. عشان كده مش لازم سليم يعرف حاجه . نظرت له وهو تومئ بصمت فليس هناك حل سوي دفن الماضي …. _______( ناهد خالد ) ______ – اي يا سليم اللي قولته ده ! أنت كده محلتش الموضوع .. – ملهاش حل تاني يا حسن , فكرت كتير ومعنديش حلول , يبقي مفيش غير أني أخرص لسانهم وأنهي اي كلام في الموضوع ده . – وأنت اي الي يضمنلك أنهم يسكتوا ؟ – يابني أنا سليم المنشاوي , مفيش ولا جريده هتقدر تكتب حرف عن الموضوع تاني ,….( قالها بكل غرور وثقه في آنً واحد ) وأكمل …. وبالنسبه للسوشيال ميديا كلها كام يوم وهيتلهوا في حكايه جديده أنت عارف الناس مورهاش غير الكلام . رد حسن بسخريه مُبطنه بحـــقد خفي : – خف غرور شويه يا عم , أحسن الشركه تــولع بينا . رفع سليم حاجبه باستنكار وقال بمرح : – جرا اي يا ابو علي أنت مش عارف صاحبك ولا اي , مش غرور بس واثق في نفسي وواثق أن محدش هيحب يعاديني . ” حسن ” رفيق سليم منذ عشر سنوات , تعرف عليهِ سليم في العام الأول الجامعي , ” معتصم وسليم و حسن ” ( مثلث الصحاب ) كما اتفقوا أن يطلقوا عليهِ ,معتصم وسليم تعرفوا علي بعضهما في المدرسه الثانويه أي منذ ثلاثة عشر سنه , وعندما دلفوا للجامعه تقابلوا مع حسن , وحينما تخرج سليم أخذهما معهِ للعمل في شركة والده , ولكن بدلاً من أن يحمل له حسن جميل صنعته , أخذ يحقد عليهِ لامتلاكه ما لا يمتلكه هو , هناك بعض البشر إن أعطتهم قطعه من الكعكه يطمعون بالباقيه ولا يكفيهم ما أخذوه … دلف معتصم عليهم في هذه اللحظه يقول : – والله قولت سليم هيطلع يقول الي محدش يتوقعوا . ابتسم سليم بغرور وقال : – طبعًا يابني أنا محدش يتوقعني , المهم عملت اللي قولتلك عليه ؟ غمز بآخر جملته ليهتف حسن بفضول : – هو اي ؟ رد معتصم : – تمام يا سيمو كله جاهز . وقف يلملم أشيائه واتجه للخروج قائلاً : – طب يلا ياشباب تعالوا معايا . ردد حسن بتساؤل وهو يسير مع معتصم بالخلف : – هو في اي يابني ؟ ربت علي كتفه يقول: – اصبر علي رزقك . _____( ناهد خالد ) _____________ وصلوا أمام المكان المنشود ترجل سليم ومعتصم وحسن الذي هتف : – اي ده ؟ ده النادي الي كنا بنلعب فيه كوره أيام الجامعه …. ابتسم سليم بحنين لتلك الذكريات وقال : – معتصم أشتراه النهارده … رد معتصم بتصحيح : – قصدك أشتريته ليك .. نفي برأسه يقول : – لا , النادي ده أنا اشتريته عشان بيجمع ذكريتنا احنا التلاته , يعني بتاعنا احنا التلاته , وأصلاً اي حد هيلعب فيه متاخدوش مقابل خليه for fun ( للمتعه ) , أنا مش واخده استثمار . أومؤا بصمت فنظر لهم سليم بمكر وقال : – بقلكوا أي تعالوا جوه أنا عامل مفاجأه هتعجبكم . رد معتصم بصدمه : – أنت لحقت ده أنا لسه مخلص عقد الشراء . دلف للداخل وهم معه وهو يقول : – دي كلها شكليات يا روني ( أسم لاعب كورة قدم انجيلزي مشهور ) . ابتسم معتصم بحنين يقول بشجن : – ياااه , فكرتني الأسم ده مسمعتوش من ييجي خمس سنين يا دونا ( اسم لاعب آخر يُدعي مارادونا ) . ابتسم سليم بمرح يقول : – أدينا جينا نسترجع الذكريات , ولا اي يا بيليه ( اسم لاعب برازيلي ) كانت تلك عادتهم منذ أن تعرفوا علي بعضهما وبدأوا بلعب كرة القدم سويًا , فلقبوا بعضهما بألقاب نسبةً إلي درجة تقارب لعب كل منهم بلعب اللاعب الملقب بهِ , وقد كانوا الثلاثي الأكثر احترافًا لكورة القدم في الجامعه . أبدلوا ثيابهم لثياب رياضيه ملائمه , ونزلوا أرضية الملعب يلعبون مع الفريقان اللذان كانوا يحجزون أرضية الملعب للعب بالفعل ورحبوا بهم كثيرًا , وبدأوا اللعب , كان أروع وقت قضوه بمرح وشغف وحماس , حتي أنتهت المباراه بفوز الفريق الذي يلعبون بهِ بالطبع …. – بقلكوا اي تيجوا سباق يلا ؟ قالها سليم مقترحًا عليهم , فرد معتصم بضيق : – أنت ياعم مبتتهدش , ده أنا مش قادر أرفع رجلي , وأوعدك أن بكره هنصحي كلنا شد عضلي إنما أي عنب . رد حسن بتأكيد : – فعلاً ده احنا بقالنا ييجي أربع سنين أو خمسه ملعبناش , بس أنا معاك في السبق علي فكره . قال سليم لمعتصم : – ها معانا ؟ رد معتصم باستسلام : – يلا منكم لله , شد عضل ب شد عضل بقي كده كده أنا أوت من الشغل بكره . هتف سليم بسخريه : – ابقي استغطي كويس وأنت نايم يلا . تمتم معتصم بضيق : – حسبي الله . – يلا . قالها سليم باستعداد فاستعدوا مثله وبدأ الركض , كانت ضحكتهم تتعالي ك أطفال صغار انطلقوا يستقبلون الحياه , كان معتصم يمسك بذراع سليم تاره وبذراع حسن تاره أخري حتي يوقفهما أو يسـ,ـحبوه معهما وهما يضحكان بانطـ,ـلاق , حتي أنتهت الجوله بفوز سليم .. هتف حسن بغضـ,ـب وهو يضـ,ـرب معتصم الذي يضحك بصراخ : – الجحـ,ـــش ده الي خسرني , عمال يمسك دراعي يلا يا غشاش . رد سليم بضحك : – خلاص يا ابو علي أعتبر أنك كسبت أنا وأنت واحد يا جدع , يلا بقي عشان نغير ونمشي . وانتهوا من تبديل ثيابهم وخرجوا من بوابة النادي … معتصم علي اليمين وحسن علي اليسار وسليم بالمنتصف يتمازحون بالأيدي وضحاكتهم تتعالي كفتاه ترقص علي أنغام مبهجه …..ولكن هكذا تبدو الصوره من الخارج , والحقيقه أن عزيزي سليم هو الدميه التي يتلابعان بها الأثنان الأخران , باختلاف النوايا وباختلاف المقصد , ولكن تبقي النهايه أن الأثنان يتلاعبان بهِ وهو …هو الأحمق البرئ بينهما … ( وياريت محدش يقول يستاهل أو…. , كفايه ظوولم بقي الراجل معملش حاجه وعمال ياخد علي قفاه ) _________( ناهد خالد )____ عاد لمنزله ليبحث عنها بعينيهِ لكن لم يجدها , استمع لصوت يأتي من المطبخ دلف ليجدها تقوم بالطبخ , استند علي باب المطبخ يتابعها بابتسامه وهو يستمع لها تندن بصوت ناعم تسلل لأذنه فاستمتع بهِ….. كل واحد عنده سر جوه منه ومداريه ميت حقيقه ومداريها عن اقرب الناس ليه وانت اقرب حد ليا يا حبيبى لو عليا كنت اقولك بس خايف ايوه خايف واعمل ايه كل ماجى عشان اصرحك فجاه انا بيمنعنى شوقى ده اللى انا بنيته فى ليالى كل ده يتهد فوقى كل ما اتقدمت خطوه فى لحظه برجع خطوتين خايف احكيلك حقيقتى تيجى تسالنى انت مين نفسى اشوف نفسى فى عينيك ان انا صعبان عليك واللى فات من عمرى مات واتولدت انا بين ايديك تنهدن بعمق وهي تنتهي من كلمات أغنيتها , التفت بفزع علي صوت تصفيق يأتي من خلفها , وضعت يدها علي صدرها تهدأ أنفاسها وهي تقول بعتاب : – حرام عليك يا سليم كنت هتمـ,ـوتني من الخضه …. اقترب حتي وصل أمامها فقال بابتسامه : – بعد الشر عليكِ يا دودو . أخفضت بصرها بحرج وهي تري نظراته مسلطه عليها وجاء سؤال أحمق في عقلها فتمتمت تقول : – خوف ….هو الخوف كان الدرجه الكام ! تسائل سليم وهو يعقد حاجبه : – بتقولي اي ؟ رفعت نظرها له وقالت بنفي سريع : – مبقولش , تاكل , أنا بعمل أكل اهو … – آه ياريت أصل جعان جدًا كمان الجري جوعني أكتر . عقدت حاجبها تقول بقلق : – جري ! كنت بتجري من مين ؟ ضحك بشده وهو يقول لها : – بجري من مين بس يادود ! يعني لو بتخانق مع حد هجري ! اعملي بس الأكل وأنا هغير وهقعد احكيلك كان يوم لطيف اوي ….. عن اي لطف يتحدث هو ! , تقسم أنها لم تري ألطف من ضحكاته التي تستمع لها وتراها للمره الأولي , ذهب من أمامها وهي مازالت في هيمها …استفاقت فجأه تقول : – اي ده هو قال اي ؟ حقًا لم تستمع سوي لآخر جمله قالها , جذبتها ضحكته ورمت بها في بئر عميق وللعجب أنها كانت أكثر من مرحبه فليت كل الآبار مثل بئر حبهِ … _____( بقلم ناهد خالد )______ – يخربيتك ياحسن عيل مسطول . هتف بها معتصم بضجر وهو يتجه بسيارته لمنزل حسن فقد نسي الآخر مفاتيح منزله في سيارة معتصم التي أخذوها بعد أن استندل سليم ورفض توصليهم في طريقه , فاكتفي بإيصالهم للشركه لكي يأخذ معتصم سيارته , ونظرًا لتعطل سيارة حسن وذهابها للتوكيل أخذه معتصم بطريقه , هاتفه أكثر من مره لكن هاتفه مغلق فقرر الذهاب له فلم يكن قد ابتعد سوي شارع واحد فقط حتي اكتشف أمر المفاتيح … علي صعيد آخر وصلت ريهام أمام منزل حسن بسيارتها , خرج لها حسن وهو يسب بضيق وقال بغضب : – أنتِ اللي جابك هنا ؟ أنتِ اتجننتي مش في زفت شقه بنتقابل فيها ! ترجلت من السياره تقف أمامه تهتف بغضب : – سيادتك تلفونك مقفول بقاله 3 ساعات اعملك اي ؟ – تليفوني متزفت فاصل شحن , وعربيتي في التوكيل عطلت مني الصبح , وعشان اليوم يكمل نسيت مفاتيح الشقه في عربية معتصم وكنت هاخد شاحن من البواب اشحن الفون عشان اكلمه يجبهالي , أنتِ بقي اي الحاجه الرهيبه الي متسنتاش ! – شوفت الي سليم قاله في المؤتمر , ده مجابش سيرتي ! زفر بضيق يقول : – أنا مبقتش فاهمه , بس أكيد مش هنتكلم هنا , يلا … سحبها من ذراعها وأدخلها السياره واستقل هو القياده … وعلي بُعد بضع مترات قليله , أنزل هاتفه الذي أخرجه سريعًا يصور ما يحدث تحت فجعته مما يحدث , أنزل الهاتف بأعين جاحظه وهو يردد : – ريهام وحسن ! أي علاقتهم ببعض ! ؟ انتبه لتحرك سيارتهما , فتحرك ورائهم دون أن يلاحظوه , توقفت السياره بعد فتره أمام مبني سكني , وترجلا منها , وصعدوا المبني . هز رأسه بصدمه وهو ينفي بذعر : – لا , مستحيل يكون حسن هو الي ناديه ( صاحبه ريهام ) كانت تقصده .. مستحيل . ترجل سريعًا واتجه لحارس العقار وبعد محاولات وإغراءه ببعض الأموال قال له : – بص يابيه دي شقه لا مؤاخذه كل الي بيسكنوها مش تمام , والبيه الي طلع ده أجرها من حوالي سنتين والست دي عطوال بتجيله بس أول مره ييجوا مع بعض دايمًا هو بييجي قبلها , وأول مره تيجي من غير نقاب . ردد باستغراب : – نقاب ! – آه يابيه شكلها كانت بتداري فيه من حد والله أعلم . – وأنت عرفت منين أن هي نفس الست ؟ – كانوا بيطلبوا مني حاجات من السوبر ماركت أو لما كنت بطلع عشان اخد فلوس الكهربا كانت بتبقي قاعده من غيره . – يعني مش أول مره ؟ – لا يابيه دول بقالهم كتير اووي بييجوا بقول لسعادتك أكتر من سنتين . عاد لسيارته وجلس بها وعقله يكاد ينفجر , حسن ؟ مستحيل …..ولماذا ؟ أيعقل أن يكون علي علاقه غير شرعيه بها وهو يعلم أنها زوجة صديقه ! ومن قبل حبيبته ! , عامان ! لم يكن قد عرفها سليم بعد ! إذًا علاقتهما سابقه …ما معني كل هذا ! ؟ يتبع… رواية بكل الحب الحلقة السابعة أنتهوا من الطعام وجلسا فوق الأريكه أمام التلفاز , أمسك سليم جهاز التحكم وقام بأغلاقه فنظرت له داليا باستغراب , هتف لها موضحًا : – أنا بقولك هحكيلك عن اليوم مش هنتفرج علي التلفزيون . أنهي حديثه وهو يتمدد فوق الأريكه واضعًا رأسه فوق فخذها , شهقت بتفاجئ وكادت تبتعد إلي أن استمعت لصوته يقول : – جسمي مكسـر والله ومش قادره أناهد ف أهمدي ,.. صمت قليلاً ثم قال بتحسر …الواد معتصم كان معاه حق لما قال أننا ناخد بكره أوت من الشغل . ابتلعت ريقها بتوتر تقول : – طيب ابعد هقوم اقعد علي الكرسي . رفع حاجبه باستهجان وهو ينظر لها : – وأنا أنام علي اي ؟ ذمت شـ,ـفتيها بغيظ تقول : – هو أنا مخده يعني ؟ ابتسم بسماجه يهتف : – هو الصاحب له عند صاحبه اي يا دودو … رفعت حاجبيها باستنكار تقول بحده : – والله ! ده علي أساس أني لو صحبتك هتنام علي رجلي عادي ؟ – شوفي أنا فاهم قصدك , بس حظي الحلو أنك مراتي كمان فيجوز أنام علي رجلك عادي . لوت فمها في ضيق تقول : – وكأن مراتي دي هتستغلها للطوارئ بس ! أصدر صوت اعتراضي وهو يقول بضيق : – بطل رغي في الفاضي بقي , عاوز أحكي . ضـ,ـربت ذراعه بقبضة يدها وهي تقول : – وأنا مش عاوزه أسمع , قوم يلا , قوم . مسك كفها وهو ينظر لها باستعطاف يقول : – يعني أحكي لمين أنا بقي وأنا لا ليا حبيب ولا قريب ولا غريب . ضيقت عيناها بمكر تقول : – لي ما تتصل بريهام تحكيلها ! صمت قليلاً ثم ذم شـ,ـفتيهِ برفض يقول : – وأنا أتصل وأتكلم في الفون وأتعب نفسي لي وأنا ممكن أتكلم معاكِ , ده حتي الصداقه بتحتم عليكِ تسمعيني . – طب قول يلا أمري لله …..قالتها باستسلام مصطنع . أخذ كفها الذي مازال ممسكًا بهِ ووضعه فوق صدره وكفه محاوطًا إياه وكاد يبدأ حديثه حتي قاطعته هي تصيح بعد أن شعرت بجسدها ينتفض من قربه المُهلك : – اي ده ! أنت هتاخد ايدي كمان , سيب ايدي واحترم نفسك كده . نظر لها بجانب عيناه : – احترم نفسي ! , تصدقي بالله أنتِ فصيله , قومي ياداليا قومي . قالها وهو يزيحها بعد أن رفع رأسه من عليها , ضحكت تقول : – طب خلاص , خلاص بقي هسكت . زفر بضيق وعاد يلقي برأسه علي فخذها مره أخري , تنهد بعمق وهو يجذب كفها عنوه وكأنه يعاندها , اكتفت بالابتسام رغم دقاتها التي تتعالي بصخب , شرع في الحديث يقول وهو ينظر أمامه وهي تطل عليهِ برأسها : – معرفش إذا كان كلامي في المؤتمر رضاكِ ولا لا , بس صدقيني ملقتش حل تاني قدامي , معرفتش اتصرف ومعرفتش المفروض اعمل اي . تسائلت بهدوء : – عرفت مين الي سرب الخبر ؟ – لا بس كلفت معتصم يجيبلي الخبر , بكره بالكتير وهنعرف . ترددت وهي تسأله : – لو ريهام هتعمل اي معاها ؟ – هطلقها .. اتسعت عيناها بصدمه لرده السريع القاطع , تسائلت بذهول : – علي طول كده ؟ من غير ماتديها فرصه !؟ تنهد يقول : – ريهام لو عملت ده تبقي خدعتني , لما أكون متفق معاها علي حاجه وتوافق ويبقي في دماغها تغدر يبقي ملهاش آمان , لو كانت من الأول رفضت كنت هحترم رغبتها لكن توافق وتلف من ورايا وتعمل الي هي عايزه , مش هقبل بده . وكأنه يؤكد لها دون أن يقصد أنه لا يسامح , ضغطت علي شـ,ـفتيها تهدأ توترها وهي تقول : – بس أنت بتحبها , والي بيحب بيسامح . رد بنفي : – مش دايمًا , أوقات بيبقي المساحه كبيره أوي أكبر من الحب حتي . صمت لثوانِ وعاد يقول بحيره حقيقيه : – بعدين أنا مبقتش عارف أحدد مشاعري ناحية ريهام , يمكن من كام شهر كنت عارف أني بحبها وعاوز أكمل معاها حياتي , لكن دلوقتي قلقان ومبقتش عارف هي مناسبه ليا ولا لأ . تسائلت بلهفه غير مقصوده ولحظها أنه لم ينتبه لها : -أنت قصدك بطلت تحبها ؟ نفي يقول : – لا , بس مبقتش عارف أحدد مقدار حبي ليها , وكمان اي الفايده إني أحبها بس متكونش مناسبه ليا , الحب لوحده مش كفايه . تسائلت بإحباط : – لي بتقول أنها مش مناسبه ؟ – لما اتخانقنا امبارح مفكرتش تكلمني تشوف هعمل اي , حتي بعد المؤتمر مكلمتنيش برضو , وكأن الموضوع ميخصهاش , وامبارح وأنا قاعد مع عيلتها حسيتها بتتمنظر بيا , أنا مبحبش أن القاعده تبقي عليا أو حد يفضل يمدح فيا , وهي طول القاعده مورهاش غير انجازاتي وسفرياتي وخطط هي حطاها للمستقبل احنا مخططنهاش مع بعض , يعني فضلت تقول احنا هنقضي شهر العسل في المالديف و كل ايفنتات عروض الأزياء الي في لندن وباريس وروما هنحضرهم , بتتكلم وكأني فاضي مثلاً , وكمان موضوع شهر العسل الي في المالديف ده أنا معرفش عنه حاجه ! , ولا لما اتكلمت عن الفرح وخططها له , هي قررت وخطت وأنا آخر من يعلم , تخيلي لاقيتها حاجزه شاليه في الساحل من غير ما اعرف ولسه فاكره تقول امبارح بالصدفه في العشاء , أنا اتفاجأت زيهم , لأ وكمان حجزاه عشان تعمل فيه party الحنه هي وأصحابها ! والأغرب أنها بعد العشاء قالتلي أن أنا الي هدفع الحجز وكمان عاوزاني ابعت حد من الشركه يعمل ديكورات الحفله .. منكرش أني انجذبت لريهام وشوفتها مناسبه ليا في الأول وده الي خلاني أدخل معاها في ارتباط , بنت من عيله ومعروفه ولطيفه , منكرش أنها جذبتني ليها ومعرفش امتي وازاي ارتباطنا , بس أوقات بحس إن كل ده مش كفايه , عارفه أنا كنت بسكت علي خروجتها ولبسها وعلاقتها بالشباب الي بيشتغلوا معاها عشان كنت كل ما اكلمها تقولي احنا مفيش بينا رابط ولا متجوزين عشان تتحكم فيا , كنت بضطر اسكت لأن فعلاً كانت علاقه من غير اي رابط رسمي , بس دلوقتي بعد ما بقت مراتي , أنا أكيد مش هسكت علي طريقة حياتها دي ومش هقدر اتقبلها , بس عارف أن هي كمان هتعاند وهيحصل بينا مشاكل كتير . سألته مباشرةً : – اتجوزتها لي يا سليم لما أنت شايف كل العيوب دي ؟ صمت هذه المره فتره أطول رُبما تجاوزت الدقيقه ومن ثم قال : – بسبب بابا . قطبت حاجبيها باستغراب تقول : – مش فاهمه ! زفر بضيق وهو يعتدل في جلسته , يعلم أن ما سيقوله لن تتقبله هي , ما بال هذه الجلسه اتخذت مسار أخر غير الذي أراده ! – مش وقته هفهمك بعدين . ردت برفض : – بعدين اي يا سليم أنت لغبط دماغي خالص ومبقتش فاهمه حاجه . رد بحماس قاصدًا تغيير الحديث : – بقولك اي ما تقومي تعملي فشار وهجيب فيلم حلو نتفرج عليه . أمسك جهاز التحكم ووجه بصره للتلفاز , نظرت له بحيره ومازال حديثه يتردد بذهنها , تُري ما قصده بأن أبيه ِ هو السبب ! وهل مازال يحب ريهام أم لا ! …. __________( ناهد خالد )________ – يعني هو مذكرش اسمي لي ؟ قالتها ريهام باستفسار فرد حسن : – مش عارف , بس يمكن مرضيش يتكلم عنك عشان ميثبتش حقيقة جوازكم , ويمكن عشان معظم الكلام عليها هي . – ايوه بس الناس بتشتمني ! – مش عارف ياريهام , طب لي مكلمتهوش تسأليه ؟ – مبيردش , أصل اتخانقنا امبارح لما شك أني سربت الخبر شديت معاه وكده . -خلاص اصبري يومين وكلميه او روحيله الشركه . – طب ما اروحله بكره . – لأ , غالبًا محدش منا هيروح بكره . – لي ؟ سرد لها ماحدث منذ قليل وما فعله سليم وأكمل : – فاكر أنه بكده بيعيد ذكريات حلوه بينا , ميعرفش أنه كده بيشعلل النار جوايا أكتر , حتي ذكريتنا قدر يشتريها بفلوسه , لا وبيتفضل علينا ويقولنا النادي بتاعنا احنا التلاته . ضحكت ريهام تقول : – والله سليم لو اتنازلك عن أملاكه ما هيعجبك برضو . أشاح بيده وقال : – المهم حاولي تنجزي ياريهام وتزني علي سليم علشان يعمل الفرح. – طب بقلك اي ما أعمل الي أنا عوزاه من غير الفرح والحوارات دي . – ياسلام ! ده علي أساس أنك هتعمليها ازاي مش فاهم , ده أنا نفسي معرفش اعملها سليم مبيعديش ورقه من تحت ايده من غير ما يقرأها , وده دورك لما تتجوزوا , تخليه يمضي علي الورق من غير ما يقرأه لاغيه يعني , اتنططي قدامه المهم تخليه يمضي من غير ما ينتبه للي بيمضيه , وزي ما قولتلك فهميه أنه ورق شاليه عاوزه تشتريه او اي حاجه وشطارتك أنه ميقرأش الورق , وده مش هتعرفي تعملي ده غير لما تتجوزوا . – أنا زهقت , بقالنا سنتين ونص في حوارات وتخطيط . – اعتقد ال 50 مليون دولار يستاهلوا , كمان سليم مش سهل ومكنش ينفع نتصرف بغشوميه . – طيب همشي أنا . – ماشي وآخر مره تجيلي البيت يا ريهام . ردت بعجله : – ماشي , ماشي . ____________( ناهد خالد ) _______ في اليوم التالي … استفاق سليم من نومه علي صوت كركبه بالخارج , زفر بضيق وخرج من الغرفه وهو يسب في سره , وقعت عيناه عليها وهي ترتدي وشاح فوق رأسها عقدته بطريقه غريبه ,لحظه ! أنه مفرش الطربيذه ! , كانت تنفض الكراسي من الأتربه مصدره ضجه مزعجه , صرخ من خلفها بضيق : – بس يا ست الحجه أنتِ . التف بخضه وما إن رأته بشعره المشعث ووجه الذي يظهر عليهِ آثار النوم , قالت بضيق : – هو أنت شغلتك في البيت ده تخضني ! ؟ رفع حاجبه بغيظ يقول : – وأنتِ شغلتك تزعجيني ! رفعت أصبعها في وجهه تقول بتحذير : – بقلك اي يا سليم أنا علي أخري وطالع عيني في التنضيف من الصبح سبني في حالي أو تيجي تساعدني . اتسعت عيناه بصدمه : – أساعدك! أنتِ اتجننتِ ؟ وضعت يدها في خصرها تهتف باستنكار : – وفيها اي لما تساعدني ولا ده مش بيتك ! – وأنتِ بتعملي لي أصلاً , ماتطلبي حد من الي تحت يطلع ينضفلك . لوت فمها تقول : – لا يابابا أنا بحب أعمل حاجتي بنفسي .. أشاح بيده وهو يجلس فوق الأريكه : – يبقي اعملي أنتِ بقي , المهم اعمليلي فطار يلا . شهقت بجذع تهتف : – اي اعمليلي فطار دي هو أنا خادمه وبتتشرط عليا ! أسبل عيناه وهو يقول ببراءه : – لا بس أنتِ أكلك جامد ومحدش بيعرف يطبخ أكل حلو زيك . حمحمت بتوتر تقول بابتسامه سخيفه : – بجد!؟ أومئ بخبث خفي , ابتسمت بخفه تقول : – ماشي بس هتساعدني . رد بمرح : – حاضر يا أبلتشي . ضحكت بشده عليهِ , لا تصدق أن هذا سليم المنشاوي الذي يراه الجميع صارم حاد دومًا يلتزم الجديه , وللحق هي أيضًا كانت تراه هكذا … ابتسم بدون وعي منهِ يقول : – ضحكتك حلوه . اختفت ضحكاتها فجأه وهي تنظر له ببلاهه , انتبه لما قاله , فحمحم بتوتر وقال وهو يتجه للمطبخ : – يلا بقي لأحسن كده هيبقي غدا مش فطار . تنهدت بعمق قبل أن تتجه خلفه . ______( ناهد خالد )_______ بعد يومان …… – ها هنتغدي اي ؟ قالها حسن وهو يجلس أمام معتصم الذي طلب أن يتناولوا الطعام سويًا … – هاخد استيك مشوي وأنت؟ رد حسن بحيره : – مش عارفه , هطلب زيك وخلاص . بعد دقائق بدأوا يتحدثوا بمواضيع مختلفه حتي هتف معتصم فجأه : – أنت عارف أن سليم هيطلق داليا كمان يومين . قطب حسن حاجبيهِ بتفاجئ وقال : – أنت بتتكلم جد ؟ أنا عارف أن سليم هينفصل عنها بس هو قال بعد كام شهر وهيعمل فرحه مع ريهام . مضغ معتصم الطعام بهدوء وقال : – سليم مقالش لحد , داليا نفسها متعرفش بس هو قالي أنا , عاوز يخلص من الوش الي حاصل ده بقي . نظر حسن أمامه بشرود ولم يتحدث . أنهوا الطعام وذهب كلاً منه في طريقه . ________( ناهد خالد )__________ أخرج هاتفه يتحدث بهِ : – ريهام قابليني كمان ساعه في الشقه . – في حاجه حصلت ؟ – لما أشوفك هقولك . – تمام هكون موجوده . – تمام . ____________ جلس بشقته واضعًا جهاز صغير أمامه يستمع لما يحدث عبرهِ . استمع لمكالمته مع ريهام , فابتسم برضا فيبدو أن الأمر سيسير كما يريد , تذكر ما فعله حين كان مع حسن في المطعم وكان الهدف من ذلك اللقاء هو ما خطط له … استغل فرصة ذهاب حسن للحمام ليغسل يده , وجلب هاتفه الموضوع علي الطاوله , قلبه في يده حتي جاءته فكره ف زال الغطاء الإضافي للهاتف ( الجراب ) , ووضع شريحه سميكه قليلاً , واطمئن أنها لا تظهر من أسفل الغطاء , ووضع الهاتف مكانه سريعًا … كانت تلك الشريحه مسجل دقيق جلبه صباحًا من مهندس صديقه يعمل بشركة تكنولوجيه كبيره , أوصاه أن يجلب له مسجل صغير جدًا كي لا يظهر . _______( ناهد خالد )_______ – ها في اي ؟ – سليم هيطلق داليا بعد يومين . شهقت ريهام بصدمه : – بجد!!! فجأه كده , بعدين أنت اي الي عرفك ؟ولي هيطلقها بسرعه كده ؟ – كل ده مش مهم أصلاً , المهم أن دي فرصتك , تروحي بكره لسليم وتصالحيه , والأهم أول ما يطلق داليا تطلبي منه أن يعلن جوازكوا وتعلنوا الفرح وتزني علي دماغه لحد ماده يحصل . – وأنت هتعمل اي ؟ – أول ما هتتجوزوا هبدأ أجهز جوازات السفر , وأنتِ معاكِ اسبوع واحد ياداليا وتكوني ممضيه علي الورق عشان هبعته للناس الي تبعنا ويبدأوا في إجراءتهم . – هياخدوا قد اي ؟ – يومين اتنين والفلوس كلها هتكون اتحولت من حساب سليم للحساب المزيف , وفي سريه تامه من غير سليم نفسه ما يعرف. – أنت متأكد أن البنك مش هيكلمه . – قولتلك متقلقيش بقي , الناس دي عارفه شغلها كويس. – وهنلحق نسافر قبل الموضوع ما يتعرف. – يابنتي في نفس اليوم الي هيخلصوا فيه التحويل احنا هنسافر فيه . ——–( ناهد خالد )_____ ابتسم معتصم بظفر ورفع هاتفه يتصل ب سليم …الذي رد بعد ثواني … – سليم عاوزك ضروري أنا جايلك . يتبع… رواية بكل الحب الحلقة الثامنة – أنت جاي تقولي أن صاحب عمري ومراتي بيخـ,ـونوني و بيخططوا يسـ,ـرقوني ! ده أنا في أسوء كوابيسى مكنتش أتوقع ده . كانت لهجته ساخره من يسمعها يظن أنه لا يصدق حديث رفيقه , لكن الحقيقه ليست هكذا , الحقيقه أن عقله هو ما يرفض التصديق , نبره ساخره لكنها مُحمله بالألم والصدمه , بعد أن استمع للمسجل الصوتي الذي جلبه معتصم , وبعض أن رأي الصور التي تجمعهما وسرد له معتصم التفاصيل , صمت لقليل من الوقت ثم بدأ حديثه بما قاله الآن , نظر له معتصم بشفقه , إن كان هو نفسه مازال مصدومًا مما فعله حسن فما بال سليم .. قال معتصم بحزن : – سليم ناديه كانت قايلالي أن ريهام لها علاقات بشباب بس هي مفسرتش وأناا فهمت أنها صحوبيه يعني بتروح معاهم حفلات وسهرات وأحيانًا سفر وهكذا , بس معرفتش أجاي أقولك اي , عرفت وقتها أنها متنفعكش بس مكنش عندي دليل علي اي حاجه هاجي أقولها , كمان كنت ممكن تفكر أنها علاقات شغل زي ماهي بدايمًا كانت بتبررلك بكده لما تشوف شاب بيكلمها , بس كلام ناديه وطريقتها كانت بتقول أن في حاجه غلط , والحقيقه أنا مكنتش أعرف علاقاتها دي واصله لفين , بس قررت أني أتابع أخبارها عشان لو قدرت أمسك عليها أي حاجه وأواجهك بيها , لما شوفتها مع حسن مصدقتش عيني , محبتش أجاي أقولك عشان لو كنت واجهتهم مكناش هنستفيد حاجه , هم عمرهم ما هيعترفوا باللي بينهم , وأنا كنت حاسس أن الموضوع مش مجرد علاقه أي كان نوعها , عشان كده قررت أسجلهم , وفعلاً طلع معايا حق , والموضوع مش مجرد علاقه , كمان الي زاد شكِ أن معرفتهم ببعض سابقه معرفتك بيها , أنا من أول ما عرفت كنت عاوز اقولك بس كنت متكتف , معنديش معلومات أكيده ولا عندي دليل ولا حتي فاهم طبيعة العلاقات الي ناديه قالت عليها , سليم أنت سامعني ؟ نظر له سليم بأعين شارده تجمعت فيها سحابات الحزن وقال : – سيبني لوحدي يا معتصم . نظر له معتصم بقلق ورد : – سليم اا….. صمت حين نظر له نظره صارمه جعله يبتلع باقي حديثه وينسحب من المكتب بهدوء . _____( بقلم ناهد خالد )____ وصل لجناحه الخاص ودلف بخطوات بطيئه متثقاله , رفع بصره حين استمع لصوتها تقول وهي خارجه من الغرفه : – سليم , كويس أنك جيت بدري كنت لسه هكلمك . اغتـ,ـصب الإبتسام ونظر لها بهدوء ولكن لم يستطع أن يجعل عيناه تبتسم وقال بمرح : – ده أنا قلبي بيحس بيكِ بقي ! ابتسمت بخجل حاولت مدارته وهي تقول : – طيب ممكن بقي تغير هدومك علي ما طلع الأكل. – تطلعي فين ؟ – أصل اتخنقت من القعده هنا فقلت نطلع ناكل علي الروف الهواء النهارده حلو اوي والقعده فوق تجنن . صمت يفكر ثم قال : – طب اي رأيك ماتيجي أعزمك علي العشا بره . رفعت حاجبيها بذهول : – بجد!؟ – آه , مستغربه لي ؟ – أصل يعني أول مره تعملها , حتي لما خرجنا قبل كده كان عشان تجيب هديه لريهام . تنهد بعمق ونظر لها بابتسامه يقول : – يعني أرجع في كلامي ؟ انتفضت بذعر تردف سريعًا : – ترجع اي ياباشا , 5 دقايق وهكون جاهزه . أنهت حديثها وركضت لغرفتها , ابتسم بخفه علي فعلتها واتجه للأريكه يجلس فوقها بإرهاق يضـ,ـرب جميع أجزاء جسـ,ـده , أغمض عيناه يدعو أن يحصل علي بعض السلام النفسي الذي أهدره في الساعات السابقه . ___________( ناهد خالد )________ – بقلك باين عليه أنه مرهق وتعبان بس بيحاول ميبينش وكمان أنا حاولت أخرجه من المود فقلت أعمل قعده لطيفه ع الروف بس لاقيته بيقولي عازمك علي العشاء بره ! – هو الواضح أنه مش عاوز يفكر في اللي حصل فسبيه براحته وحاولي تساعديه أنه فعلاً ميفكرش في الموضوع. سألته بتوتر : – معتصم هو يعني مقالكش ناوي علي اي مع ريهام وحسن؟ – لا مقالش حاجه , ربنا يستر . – طب أنت قولتله أنك كنت معرف عمي؟ – لا مقولتش ومش ناوي أقول كفايه الي هو فيه . – ماشي , سلام. أغلقت معه وأخذت تفكر تُري كيف سيتصرف سليم وماذا سيفعل .؟ بعد خمسة عشر دقيقه … أنتهت من ارتداء ملابسها والتي كانت عباره عن فستان أسود اللون لامع بلمعه طفيفه , مُجسم قليلاً تتخلله بعد الزهور الصغيره التي زينته باحترافيه , كان يصل لأسفل ركبتيها تمامًا , بأكمام نصفيه وفتحه رقبه دائريه أظهرت رقبتها بأكملها حتي أسفل عظمتي الترقوه بقليل , وتركت شعرها حرًا وارتدت حذاء ذو كعب عالٍ أحمر اللون يشبه لون الزهور وحقيبه من نفس اللون ولم تنسي أحمر الشفاه المماثل …. خرجت لتجد سليم مغمض العينان وهو مستند لظهر الأريكه , اتجهت له وقبل أن تصله كان قد افتح عيناه علي صوت حذائها , رفع نظره لها لتثبت عيناه عليها بفاه مطبق , عيناه تتجول علي جسدها بحريه وكأنه يراها للمره الأولي وبها انبهارًا لم يُخفي , تذكر الفستان علي الفور فهذا الفستان الذي جلبه لها سابقًا , توترت من نظراته فقالت بخفوت : – لو مرهق ممكن نتعشي هنا بلاش نخرج . حمحم بقوه يستعيد نفسه وهو يقف ومن ثم قال : – لا , أنا تمام …. نظر لها قليلاً ثم أكمل : – علي فكره الفستان ده هيبردك . قطبت حاجبيها باستغراب تردد : – هيبردني ؟ أومئ بثبات وأكمل : – آه , أنتِ مش لسه قايله أن في هوا بره . – ايوه بس مش لدرجة أنه يبردني . – لا أنا لسه جاي من بره وعارف أنا بقولك اي , وكمان الروج ده أوفر شويه شكله مش حلو , ده مجرد عشا مش فرح يعني . – فرح! رددتها بذهول وهي تنظر له , ماله يتحدث هكذا ! , عن أي برد يتحدث في شهر مايو الحار ! , حتي وإن كان هناك بعد الرياح فهي رياح دافئه , وما دخله إن كانت حمرة الشفاه زائده أم لا ! . وكأن روح الأنثي العنيده التي بداخلها ثارت علي حديثه الفج من وجهة نظرها , ألم يقل سابقًا أن لا يتدخل أحد في شأن الآخر ! عقدت ذراعيها أمام صدرها ببرود وقالت : – لا الروج مش أوفر ده الي بحطه في العادي , وكمان أكيد مش هبرد في الصيف يعني ! وشكرًا لإهتمامك ممكن نمشي . تنهد بغيظ قبل أن يومئ بصمت متوعد , استقلوا سيارته وسار بها حتي وصلوا أمام أحد المطاعم , ترجل سريعًا وكادت تفتح هي الأخري بابها لتترجل حين وجدت يده تغلق الباب وهو يقول بابتسامه صفراء : – لحظه أشوف في مكان جوه ولا لأ , المطعم ده دايمًا زحمه . نظرت للمطعم ثم قالت : – المطعم ده بالحجز أصلاً أنت حاجز ؟ – لا , بس لو في مكان هنقعد. – طب ماتيجي نقعد في مكان تاني ! ابتسم ببرود يقول : – مبرتاحش غيرهنا . تركها واتجه للداخل , غاب لأكثر من نصف ساعه , حقًا أنتابها الملل كثيرًا , وكلما دقت له علي الهاتف يفصل الخط , رأته يأتي وبيده حقائب كرتونيه عليها إشعار المطعم , دلف للسياره ووضع الحقائب بالمقعد الخلفي وقال : – فعلاً المكان زحمه , قلت أجيب دليفري وخلاص .. كاذب , المكان لم يكن ممتلئ بل هو من تعمد هذا , ربما لن يقدر علي جعلها تغير ثيابها أو تقلل زينتها , يعلم ردها عليهِ إن أصر علي هذا , ومن الأساس لا يرغب في أن يبين له حنقه علي ما ترتديه , فتصرف بذكاء ماكر كي يصل لمبتغاه . شهقت بصدمه تقول : – يعني ملبسني ومنزلني عشان نجيب دليفري ونرجع ! هو مفيش غير المطعم ده! – قلتلك مبرتاحش غير فيه , كمان مين قالك أننا هنروح ده أنا هاخدك مكان عظمه دلوقتِ . نظرت له بجانب عيناها تقول : – بجد ؟ أومئ بتأكيد فابتسمت بحماس تقول : – طب يلا بقي عشان نلحق ناكل قبل الاكل ما يبرد . أومئ مبتسمًا واتجهوا للمكان المنشود … بعد دقائق كان يقف بالسياره أعلي جبل المقطم .. ترجل وجعلها تترجل معه وأطفئ مصابيح السياره , جلب أكياس الطعام واتجه لها حيث ثقف أمام السياره , أتكأ علي مقدمة سيارته وأخرج الطعام يضعه فوقها علي ضوء الإناره الخفيفه الآتيه من بعيد ومن أسفل الجبل .. استمع لتذمرها وهي تقول : – بقي ده المكان العظمه! جايبني الجبل يا سليم! لا وكمان مختار مكان بعيد حتي عن الأماكن الي فيها الناس , هو أنت خاطفني !؟ ابتسم وهو يسحبها من يدها ناحية مقدمة السياره , وبغتةً رفعها لتجلس عليها , شهقت بخضه وهي تنظر له بفاه مفتوح , في حين عاد هو كما كان وتمتم ببرود : – أكيد مش هتعرفي تقفي بالكعب ده . أشار لكعب حذائها العالي والرفيع في آنٍ واحد , الذي لا يتناسب مع طبيعة الأرض الصخريه للجبل . استمعت له يكمل وهو يعطيها ساندوتش ( البرغر ) الملفوف بعنايه : – مفيش أحسن من الهدوء , شايفه الجمال وشكل المباني حلو ازاي و …. قاطعته بغيظ تقول : – أنت لي محسسني أني أجنبيه وأول مره أجي هنا ! علي فكره جيت هنا كتير جدًا مع بابا الله يرحمه ومع صحباتي . – عارفه بيقولك أنك ممكن تروحي المكان أكتر من مره ومتستمعيش بجماله , في حين ممكن تروحيه مره وتحسي أنك أول مره تشوفيه . قطبت حاجبيها تقول : – مش فاهمه يعني اي الفرق ؟ ما المكان هو هو . ابتسم بغرور وهو يقضم قطعه من الساندوتيش وقال : – بس الأشخاص مش نفسها , وده بيفرق جدًا , عشان كده بقولك دي هتحسي أنك أول مره تشوفِ فيها المكان . ضحكت بعدم تصديق وهي تقول : – تبًا لتواضعكم والله ! . لأكثر من ثلاث ساعات قضوها في الحديث والضحك , ولم يكن سليم مُخفق حين قال أنها ستشعر وكأنها لأول مره تري المكان , وبالفعل لم تشعر بحلاوة المكان وجماله كما شعرت بهِ الآن , وللعجب لم يتطرق لأي حديث عن ريهام وحسن وكأنه يهرب من تذكر الأمر أو التفكير فيه .. ________( بقلم ناهد خالد )_________ شهر كامل مرَ بين استغراب حسن وريهام من عدم إتمام سليم للطلاق كما أخبره معتصم …وبين خطط سريه تنفذ بين معتصم وسليم , وبين تقارب ملحوظ في علاقة سليم ب داليا …….وابتعاد محمد عن الصوره تمامًا بعد أن علم بأن ابنه أصبح علي درايه بكل شئ … ( بقلم ناهد خالد )____________ كان يجلس بمكتبه حين دلفت ريهام بعنف وتحاول السكرتاريه الخاصه ب سليم أن تمنعها , وقفت أمامه وهي تشتعل من الغضب تصرخ بهِ : – ممكن تفهمني اي الي حصل ده يا سليم؟ هتفت السكرتاريه الخاصه بهِ : – والله يا فندم حاولت أمنعها لكن….. صرخت الأولي مره أخري : – وكمان ازاي الحيوانه دي تمنعني أدخلك ؟! أشار سليم للفتاه كي تذهب , وما إن خرجت وقف ببرود يهتف بهدوء يُحسد عليه : – اي اللي حصل لكل ده ؟ مالك عامله كده لي؟ هوت علي الكرسي بضعف وهي تقول له : – أنا اتنصب عليا يا سليم . قطب حاجبيهِ بتساؤل : – ازاي ؟ تساقطت دموعها وهي تشرح له ما حدث : – من اسبوعين قابلت واحد اسمه *** قالي أنه تاجر معروف وبيستورد القماش من بره وكلمني عن الأقمشه الي بيستوردها من بيوت الأزياء العالميه وكمان أنه بيعمل منها فساتين الفنانات وفضل يكلمني عن جودة القماش وإن الفستان الواحد منها مبيتباعش بأقل من 200ألف جنيه ك قماش غير الشغل اليدوي , وقالي أنه لما بيعمل فساتين الفنانات دول أقل فستان بيعمله ليهم بيعدي 500 ألف ومكسبه بيوصل 200 ألف في الفستان الواحد , وأنت عارف أني مهووسه بالاقمشه ودايمًا بدور علي الجوده الأعلي عشان أكون متميزه في السوق وكمان اتشهر أكتر , اتفقت معاه أني عاوزه صفقه للأتيليه بتاعي , قالي أن أقل صفقه يقدر يشتريها من الأقمشه دي مش أقل من 400 ألف دولار , حاولت أقلل المبلغ بس هو قال أن ده أقل كميه بتخرجها بيوت الأقمشه , جمعت كل الفلوس الي معايا وأخدت من بابا كمان 250 ألف دولار وأنت عارف أن بابا معظم فلوسه في السوق وإن كل شركات الاستراد والتصدير بتبقي كده , واديته الفلوس والمفروض كان يسلمني الشحنه من 3 أيام , اختفي فجأه وفضلت اكلمه تلفونه مقفول , ومش عارفه اعمل اي ؟ أنا هتجنن لو الفلوس دي ضاعت مني , ومش بعيد بابا يقتـ’لني . رد ببرود : – وأنتِ جيالي أعملك اي ؟ هو أنا أعرف مين الشخص ده ؟ – لا , بس معتصم هو الي عرفني عليه …. – بجد ؟ – ايوه في اليوم ده معتصم كان معه ولما روحت أسلم عليه , عرفني علي الراجل ده . ضغط سليم علي زر هاتف الشركه برقم مكتب معتصم …. – معتصم تعالي عاوزك . بعد قليل وصل معتصم فسرد له سليم ماقالته ريهام المنهاره من البكاء وجسدها يرتعش من فكرة أن تكون قد خسرت أموالها وأموال أبيها …… رد معتصم بانكار : – أنا لا قابلتك ولا اعرف الراجل الي بتقولي عليه .. جحظت عيناها بصدمه تقول : – أنت ! أنت بتقول اي ؟ معتصم أنت …. رد معتصم بمقاطعه : – روحي شوفي مين ضحك عليكِ بعيد عني . استدرات لسليم تهتف بجـ,ـنون : – لا ياسليم , لا والله العظيم كداب , أنا عرفته عن طريقه . رجع بظهره يستند براحه علي الكرسي وقال : – اعتبريه مش فاكر , عاوزاني أعملك اي ؟ تسارعت أنفاسها وهي تقول : – أنت لازم تلاقيه , لازم فلوسي ترجع . – هدور علي حد ما عرفوش . – معتصم عارفه . صرخت بها في جنون , فرد معتصم : – أنا يابنتي الله يسامحك .. وقفت تدور حول نفسها بعصبيـ,ـه حتي قالت : – طب بص سلفني ال 250 الف دولار أديهم لبابي ولما الراجل يرجع هرجعهملك . ضحك سليم بقوه وتبعه معتصم , قال سليم بضحك : – أنا مبشتريش سمك في مايه ياريري . هتفت ببكاء : – سليم أنا مراتك أرجوك ساعدني بابا ممكن يمو,تني فيها . ذم شـ,ـفتيهِ وهو يضـ,ـرب علي المكتب بيده : – اووه , اي ده أنا نسيت أقولك صحيح .. – نسيت اي ؟ ابتسم ببرود يقول : – أنتِ طالق ياريري . يتبع…