اشوف.اك الورد بقلم ميفو سلطان

صړخت جليله….. اخرس انت ايه اللي دخلك في حديت الحريم..

هتف شاكر….. يا أما حرام عليكي كل يوم اكده.. معلهش يا ورد م\اتزعليش.

صړخت جليله……. يلا من جدامي لاخلي عيشتك هباب كل شويه تنحنحن كيف النسوان يلا من اهنه واستدارت لورد يلا غوري و خلصي الوكل داهيه تاخدك من هنا ونرتاح..

نزلت ورد مقهوره ليقترب منها شاكر.. حجك عليا يا بت عمي والله ما عارف افتح خاشمي خزيان من امي..

هتفت ورد بغلب.. كتر خيرك يا شاكر والله ماليا غيرك إهنه. دانا نسيت الكلمه الحلوه الا منك يا واد عمي.

هتف شاكر بحب.. والله يا ورد لو اجدر كنت حوشت عنك كل حاجه وبعدتك عن إهنه. والنبي يا ورد م\اتعبريهم هما ماعرفش بيعملو ليه إكده وجدي ساكت ليه برضك..

هتفت.. وانت ذنبك ايه يا شاكر ابويا هو السبب.

اقترب منها.. معلهش يا ورد والله نفسي احطك جوات عيونييا حزنك يا حزين

صدح صوت جليلهعقربه الكون جت .. بتجول ايه يا محروج انت. هيا مين اللي هتحطها في عينك عشان اجي اخزجهملك.. انت اتجنيت واجف تتنحنح للمحروسه جبر يلمك.. امش غور من إهنه والا يمين بالله لاخلي ابوك يطردك برات الدار يلا غور من وشي

ليحني شاكر رأسه ويخرج وهو يشعر بالقهر..

اقتربت جليله بغل..

بقي واجفه للواد يا بت تشاغليه مانت صحيح مفضوحه ومعيوبه.. لتقترب منها وتمسك شعرها.. والله لاجتلك لو جربتي للواد تاني انت فاكره ان حد هيبصلك واصل.. ويشيل عيبتك من اساسه.. انت لو اتجوزتي هتتجوزي جوازه كلاب وتترمي خدامه انما تبقي ست دار لاه ماهيحصولش

يا بت

نعم\ات.. العيبه محوطاكي من فوج

—

لتحت.. لمي حالك ولمي شينك وعيبك بعيد عن ولدي وغوري انحبسي فوج ومهشوفكيش واصل ومالكيش وكل انهارده يلا غوري علي فوج ماعادش الا بت نعم\ات الواد يبصلها.

لتصعد ورد والقهر منغرز في قلبها لتذهب تناجي ربها وتبكي.. يا رب انجدني من اللي انا فيه.. يا رب انا صابره وانت بتجول.. يوفي الصابرون اجرهم.. يا رب ارحمني. يا رب خدني تعبت من الذل ده. عملت ايه هعيش اكده هكمل اكده.. لو طلت اطفش كت طفشت بس اروح فين.. يا رب جايه عند بابك بستنجد بيك ترحمني.. لتنزل عليها سکينه من ربها وتحس ببعض الراحه وتذهب لتنام لعلها تهرب من واقعها.. كانت ورد تنام وحيده جميله فاتنه تركت نفسها لتهرب من زمن وصمها پقهر وذل.. زمن لو ترك الناس واخرجها لهم ستنير لهم الطريق ويلهثون ليصلو اليها.. ورد عن حق ليست ورده ولكنها ورد.. جامعه لكل الجمال.. فنجدها في جمالها ليس لها شبيه من يراها تسر*ق قلبه دون عناء منها تشع جاذبيه دون اراده منها.. لو اقتربت منها ستجد الحنان والطيبه تغرقانك دون توقف تعيش لتعطي ولا تعيش لتاخذ.. تستحق كل ما هو غالي وعزيز.. ورد تستحق العزيز والاعز ليبذل من اجلها الغالي والنفيس ولكن عندما يكشف اوراقها وتظهر له من وسط العتمه لتفوح رائحتها لتلهبه ويعاني ويعافر حتي يصل لها.. نامت ورد تشكو ربها ظلم بين وسواد حالك.. تشكو ايامها وسنينها التي دعكتها وتركتها لكل نفس دنيئه تتخبطها يمينا ويسار.. كانت ورد مع كل ذلك حامده راضيه تهرب من واقعها. ولكن قدر ربنا مقدر ومكتوب واللي مقدره لورد هتشوفه عين اليقين.. بس ربنا عادل واكيد ورد هيجي يوم وقدرها هيبقي رحمه من ربنا..ربما ياتي يوم ستعلو ورد وتعلو ينذل لها كل من لاكها بالسنته حتي لو كان عزيزا في قومه.. انتظرونا وسنري..