تردها هي وتوامها
صرخ وهو بيرمي الورق على الترابيزة مستحيل… أكيد ياسمين زورت المستندات دي.
المحامي رد بهدوء تام لو عندك أي اعتراض تقدر تقدمه للمحكمة لكن لحد ما المحكمة تقول كلمتها إحنا هننفذ القرارات.
ناهـد هانم اتقدمت بعصبية وقالت أنا صاحبة البيت ده بقالنا سنين.
ابتسم المحامي وقال للأسف يا فندم حضرتك مجرد مقيمة فيه بعقد انتفاع صادر من المالكة.
الكلمة وقعت عليها كأنها صاعقة.
في اللحظة دي دخل مدير الأمن الداخلي ومعاه بطاقة كريم.
اتفضل يا فندم… دي بطاقة دخول الشركة بقت ملغية.
كريم خطفها من إيده وقال إنت اترفدت أول ما أرجع.
رد الراجل بإحراج أنا آسف يا فندم… أنا دلوقتي بنفذ تعليمات رئيسة مجلس الإدارة.
كريم وقف مذهول وهو بيحاول يستوعب الكلام.
في نفس الوقت كانت ياسمين قاعدة في عربية سوداء فخمة والتوأم نايمين جنبها في مقاعدهم الصغيرة. المحامي سامح كان قاعد قدامها وبيسلمها ملف كبير.
قال كل الإجراءات تمت يا فندم. الحسابات اتجمدت ومجلس الإدارة وافق بالإجماع على عزل كريم من منصبه والتحقيق في كل العقود اللي وقعها آخر سنتين.
ياسمين فتحت الملف بهدوء وقالت أي تحويلات تمت من حسابات الشركة لحساباته الخاصة؟
سامح هز رأسه وقال أكتر مما كنا متوقعين… فيه ملايين اتسحبت بأوراق مزورة وتوقيعات هتوديه في ق\ضية كبيرة.
أغمضت ياسمين عينيها للحظة وهي بتفتكر كل مرة اتهمها فيها بالطمع وهو في الحقيقة كان بيسرق من وراها.
قالت بصوت هادي ابدأوا الإجراءات القانونية كلها… محدش فوق القانون.
وفجأة رن موبايل سامح.
رد بسرعة وبعد ثواني بص لياسمين وقال في خبر لازم تعرفيه حالًا.
رفعت عينيها باستغراب.
قال الشخص اللي كان بيشتغل مع كريم في الإدارة المالية طلب يقابلنا فورًا… وبيقول إن معاه تسجيلات ومستندات تثبت إن اللي حصل معاكي ماكانش مجرد طرد من البيت… دي كانت خطة متخططلها من شهور علشان يخلصوا منك ومن ولادك.
ياسمين اتغيرت ملامحها لأول مرة.
همست وهي ضامة التوأم لصدرها يبقى لسه الحساب الحقيقي ما بدأش…
ياسمين ما استنتش دقيقة واحدة وقالت لسامح خليه يجي حالًا على المكتب الرئيسي ومحدش يعرف إنه هيتقابل معانا.
بعد أقل من ساعة دخل راجل في أواخر الأربعينات وشه كله خوف وكان بيبص حواليه كل شوية.
قال بصوت واطي اسمي محسن وكنت المدير المالي للشركة. أنا عارف إني غلطت لما سكت لكن اللي حصل أكبر من اللي تتخيليه.
