كبرياء وفراق وحب

عندها ذكاء مش طبيعي وفي يوم دخل عليها عمار صاحب يوسف الانتيم وده كان عكسه تماما طيب وبيضحك على طول قال لها انتي بقى فداء اللي مجننة يوسف ده اول مرة اشوف حد بيرد عليه وما بيخافش منه ضحكت فداء وقالت له هو اللي مستفز اوي عمار قال لها بس خلي بالك يوسف من جواه طيب اوي بس هو اتربى من صغره على القسوة ابوه كان شديد عليه ومات وسابه بدري وهو شال حمل كبير اوي فبقى فاكر ان القسوة هي اللي بتحميه فداء ابتدت تشوف يوسف بنظرة تانية مرة لقت سعيد المحامي بيقول ليوسف يا يوسف يا ابني حرام عليك البنت دي شاطرة وبتساعد امها المريضة ياسمين دي كانت زميلتنا زمان وكانت ست محترمة اوي يوسف سكت وما ردش بس من ساعتها بقى يعامل فداء اهدى شوية يبص لها كتير وهي مش واخدة بالها وفي مرة فداء تعبت في الشغل واغمى عليها من قلة الاكل عشان كانت بتوفر فلوسها لامها يوسف اتخض جدا وشالها بنفسه وداها المستشفى وفضل قاعد جنبها لحد ما فاقت لما فاقت لقت ياسمين امها قاعدة بتعيط وندى صاحبتها ويوسف واقف بعيد قال لها انتي مجنونة مش بتاكلي ليه قالت له وانا هاكل منين ما انا لازم اوفر لعلاج ماما قال لها وانا مش موجود ليه ما طلبتيش مني قالت له اطلب منك انت انت اللي كنت بتذلني كل يوم قال لها انا عمري ما ذليتك انا كنت بحاول اخليكي قوية زيي فداء عيطت وقالت له انا مش عايزة ابقى قوية انا عايزة ابقى مرتاحة بس يوسف قرب منها وقال لها انا اسف اول مرة في حياتي اقولها لحد بعد الموقف ده يوسف اتغير خالص بقى يجيب لها فطار كل يوم الصبح ويوصلها لحد شبرا بالعربية بتاعته رغم انها كانت بترفض في الاول ويقول لها يا فداء يا عنيدة بطلي عند بقى ابتدت قصة حب تتولد بينهم من غير ما يحسوا كانوا بيتخانقوا الصبح ويتصالحوا اخر النهار وكان فؤاد وندى وسعيد وعمار بيتفرجوا عليهم ويضحكوا ويقولوا دول زي القط والفار بس بيحبوا بعض اوي وفي يوم يوسف قرر يعمل مفاجأة لفداء خدها معاه حفلة كبيرة فيها كل رجال الاعمال وقدمها للناس كلها وقال دي فداء مديرة مكتبي واهم واحدة في الشركة كلها فداء كانت طايرة من الفرح ولبست فستان جميل جابته لها ندى وفي الحفلة شافتهم بنت كانت بتحب يوسف زمان راحت قالت لفداء بقولك ايه انتي فاكرة يوسف بيحبك بجد ده بيتسلى بيكي شوية وهيرميكي زي ما رمى غيرك فداء وشها اتقلب ودموعها نزلت وجريت بره الحفلة يوسف جري وراها قال لها مالك يا فداء قالت له انت بتتسلى بيا صح زي ما هي قالت قال لها مين دي قالت له واحدة هناك قالت لي انك عمرك ما هتحب واحدة فقيرة من شبرا يوسف اتعصب وراح للبنت وطردها من الحفلة قدام الناس كلها ورجع لفداء وقال لها اسمعي يا فداء انا يوسف السيوفي اللي عمري ما حبيت حد في حياتي ولا عمري احتاجت حد بس من ساعة ما دخلتي حياتي وانا مش عارف انام ولا عارف اشتغل بفكر فيكي طول الوقت بفكر في عندك وضحكتك اللي بتنور الشركة كلها انا بحبك يا فداء فداء اتصدمت وقالت له بتحبني انا قال لها ايوه بحبك وعايز اتجوزك فداء قالت له تتجوزني انا ده انت ملياردير وانا بنت بسيطة من شبرا الناس هتقول ايه قال لها الناس تقول اللي تقوله انا ما يهمنيش غيرك انتي بس فداء خافت من كلام الناس ومن فرق المستوى وسكتت وقالت له سبني افكر يا يوسف انا مش قد العالم بتاعك ده انت عايش في قصر وانا عايشة فوق سطوح انت بتاكل في مطاعم غالية وانا بعمل كشري في البيت مع امي ياسمين ازاي هنبقى لبعض يوسف قال لها الفلوس عمرها ما كانت مقياس للحب انا طول عمري غني بس عمري ما حسيت بالدفا غير لما شفتك انتي وامك فداء روحت البيت وهي محتارة وحكت لياسمين امها قالت لها يا ماما يوسف بيحبني وعايز يتجوزني ياسمين قالت لها يا بنتي الحب مش كفاية لازم يكون فيه تكافؤ ولازم تثبتي نفسك قدامه مش تبقي ضعيفة فداء قررت تبعد شوية عشان تختبر قلبه وقلبها وقدمت استقالتها من مملكة الاسد فؤاد اتصدم وندى عيطت وسعيد قال لها يا بنتي انتي بتعملي ايه ده يوسف هيتجنن وعمار راح ليوسف قال له فداء مشيت يوسف قام زي المجنون ودور عليها في كل حتة راح شبرا وخبط على بابهم ياسمين فتحت وقالت له فداء مش عايزة تشوفك دلوقتي يا ابني سيبها تهدى يوسف حس لاول مرة في حياته بوجع الفراق وانه ضعيف قدام بنت عنيدة من شبرا قعد اسبوعين مش بيروح الشركة ولا بيكلم حد وعمار وندى وفؤاد وسعيد كلهم بيحاولوا يصلحوا بينهم ندى راحت لفداء في شبرا وقالت لها يا فداء انتي بتحبيه وهو بيحبك ليه العناد ده كله الكبرياء هيضيعكم قالت لها انا خايفة يا ندى