ونس ساره مجدي

ليفتح الباب ودلف حاتم وهو يقول أنا لو بشتغل في السخره هتقدر أكتر من كده

ليبتسم أديم وهو يترك الأوراق من يده ثم وقف ودار حول المكتب ليقف أمام صديقه وإبن عمه وقال أنت بتتكلم عن قلة التقدير في مؤسسة الصواف يا حاتم يا ابني كل الموظفين متقدرين لكن أنت إبن البطه السودا أنت من عيله الصواف لازم تتمرمط يا حبيبي

ليرفع حاتم حاجبيه بأندهاش وصدمه وألتفت ينظر إلى أديم الذي جلس على الأريكه الكبيرة وأراح ذراعيه على ظهرها واضعا قدم فوق الأخرى ينظر له بأبتسامه متسليه

وضع حاتم الأوراق التى بين يديه على المكتب بقوة وقال مازحا طيب أنت ولي عهد الأمبراطوريه ولازم يطلع عينك أنا مالي

جلس على الكرسي وهو يقول آخر كلماته ليتنهد أديم وظهر الضيق على ملامحه لكن حاتم قال سريعا نفسي أعمل زيك واسيب قلعه الصواف أنا بجد تعبت من كم التجمل وعدم التعامل براحه وحريه

أستند بذراعيه على ساقيه وقال بمرح يا ابني نفسي أمشي

حافي ألبس شورت بس أدخل أخد دش ومسرحش شعري نفسي أكل فول وطعميه بالعيش البلدي وأغمس كده بأيدي مش كل حاجه لازم نعملها بالشوكه والس.کينه
ليضحك أديم بصوت عالى وهو يقول بس كده أهر.ب يوم من سالي وتعالى عندي الشقه وأنا أخليك تعمل كل إللى نفسك فيه

ليعود حاتم يريح ظهره على الكرسي وقال بضيق مصطنع وهي سالي حد يقدر يهرب منها وههرب إزاي من شاهيناز هانم السلحدار

تحولت الإبتسامه على وجه أديم إلى حزن وضيق وقال أنت هتقولي المهم أنت كنت جاي عايز أيه

ليقف حاتم سريعا وهو يقول الورق ده محتاج توقيع رئيس مجلس الإدارة إللي هو حضرتك

ليقف أديم وتوجه إلى المكتب أمسك الأوراق من حاتم وبدء يطلع عليها بتركيز شديد ثم أبتسم وقال هو أنا نفسي أفهم براجع وراك ليه

ثم أمسك القلم ووقع الأوراق ومد يده بها له وهو يقول أتفضل وسيبني أخلص إللي ورايا عطلتني

ليضحك حاتم وهو يقول أنا مظلوم في العيله دي والله الوحيد إللى بيعرف

ياخد حقه في العيله دي هو طارق والله
طارق هو فيه زي طارق مش عارف إزاي قادر ياكل بعقل شاهيناز هانم حلاوه ودماغ نرمين كمان وفي نفس الوقت بيعمل كل إللى هو عايزه

قال أديم بحيره وهو يجلس على الكرسي من جديد خلف مكتبه ليبتسم حاتم وهو يقول پحقد مصطنع أنا بقر عليه كل يوم بس القر ده مش جايب نتيجه تفتكر أحسده