داليا

داليا دخلت الريسيبشن وهي بتنهج. البنت اللي قاعدة قالت لها اسمك ايه. قالت لها داليا احمد جاية للانترفيو بتاع قسم التسويق. البنت قالت لها ثانية واحدة. داليا دخلت الحمام بسرعة تحاول تظبط نفسها. كانت بتبص لنفسها في المراية وبتقول يا رب عدي اليوم ده على خير. انا مش عارفة انا اتخانقت مع واحد غريب ليه انا اصلا مش كده. خرجت قعدت في الانتظار. كان في بنت قاعدة جنبها عرفت بعد كده انها فرح. فرح بنت رقيقة جدا وبتتكلم بهدوء. قالت لداليا انتي معانا في انترفيو التسويق برضه. داليا قالت لها اه. فرح قالت لها انا مرعوبة. داليا ضحكت وقالت لها متخافيش. شوية والباب اتفتح ودخل واحد شيك جدا لابس بدلة. كل الناس افتكرت ان هو صاحب الشركة. بس ده كان ريان مدير الاتش ار. ريان قال يا جماعة هنبدأ الانترفيوهات حالا. الاستاذ عمر صاحب الشركة هيحضر الانترفيو بنفسه النهاردة. داليا بلعت ريقها. مرة واحدة الباب التاني اتفتح ودخل عمر. بس المرادي لابس قميص ابيض نضيف وشكله مختلف تماما. مهندم وشيك جدا. داليا اول ما شافته اتصدمت. ده نفس الشاب بتاع الاسانسير. نفس الشاب بتاع القهوة. حست ان الدنيا بتلف بيها. قالت في سرها يا نهار اسود ده صاحب الشركة. انا ضعت. عمر اول ما دخل عينه جت على داليا وابتسم ابتسامة خبيثة. عرفها على طول. قال في سره اهلا اهلا باللي دلقت عليا القهوة. ريان بدأ ينادي الاسامي. داليا كانت اخر واحدة. كل بنت بتدخل وتخرج. فرح خرجت وهي مبسوطة وقالت لداليا ان شاء الله خير الناس ذوق جدا. جه دور داليا. دخلت وهي ماشية بالعافية. اول ما دخلت لقت عمر قاعد في النص وجنبه يوسف وريان. عمر بص لها وقال لها اهلا يا داليا. داليا اتكسفت جدا وقالت اهلا. يوسف كان بيحاول يكتم ضحكته لانه عرف الحكاية. ريان قال لها احكيلنا عن نفسك. داليا بدأت تتكلم وهي متوترة جدا في الاول بس بعد كده نسيت الخناقة وبدأت تتكلم بثقة عن شغلها وعن افكارها. عمر كان قاعد مركز معاها جدا. مش مركز في كلامها بس مركز في طريقتها وهي بتتكلم وحماسها وعينيها بتلمع ازاي. حس انها مختلفة عن اي بنت شافها. ذكية وجدية وعندها كبرياء. بعد ما خلصت ريان قال لها هنرد عليكي قريب. داليا قامت وقالت شكرا. وهي خارجة عمر قال لها على فكرة القهوة كانت سخنة بس مقبولة. داليا وشها احمر وقالت له انا اسفة مرة تانية بجد مكنتش اقصد. وخرجت جري.