بقلم زهرة الربيع
دنيا تمام انهارده بالليل نكتب الكتاب
مروان انتي متأكده يا بنتي
دنيا بيأس ايوه يا بابا حضرتك شفت بنفسك مفيش فرق ما بينو وبين الي كنت حتجوزو التنين زي بعض
دنيا الدموع في عنيها بصت لرامي وقالت واحد دمر حياتي وبصت بعدها لشريف وقالت والتاني بيساوم على الي باقي منها واحد خان والتاني باع
طلعت دنيا اوضتها وبباها كان بيسندها
رامي كان بيبص على اثرها پألم وحسره
شريف كان حيمو.ت من الڠضب ووقف قدام رامي وقلو
شريف عملت الي في دماغك بس وربنا محخليك تتهنى يا بن سماح ورحمتها في تربتها لاندمك
رامي اتدايق جدا لما جاب سيرت والدتو بس تماسك وقال وهو بيبصلو من فوق لتحت باستهزاء
رامي اعلى ما في خيلك اركبو
وسابو وركب عربيتو وساق بسرعه وهو بيفكر في دموعها الي بتدبحو وصل شقتو وقفل الباب بتعب قعد مكانو اتسند على الباب وكل الي بيدور في دماغو اليوم المشؤم والي حصل فيه من بدايتو بسترجع ذكرياتو واحده واحده يمكن يعرف عمل كده ازاي وووووو
رامي وصل شقته وقفل الباب وقعد مكانه ساند ضهره على الباب وبيفتكر اليوم من اوله بيقو لنفسه معقوله الي شفتها النهارده دي دنيا الي من يومين اتنين كانت ضحكتها مبتفارقهاش معقول انا ك.سرتها كده وجيه في بالو لحظة نزوله من الطياره
فلاش باك
كان رامي نازل من الطياره بهيئته الي ټخطف القلب قبل العين بيبص شمال ويمين وتستقر عينيه على حوريه تجنن بلبسها البسيط وجمالها الي يسحر مش متكلفه كأنها مش محتاجه تثبت جمالها كانت واقفه بتنفخ بملل وماسكه يافطه عليها اسمه
اتقدم رامي وقف جمبها وقال بابتسامه تسحر هو الجمال ده اصلي ولا صنع في الصين
دنيا بصت ليه بقرف ورجعت عيونها تبص على الطياره
رامي استغرب انها معبرتهوش قالها
رامي بابتسامه بتدوري على حد
دنيا بملل لا الاه الا الله وانت مالك نطع انت اما شئ بارد يا اخينا
رامي بزهول بيتمتم مع نفسه نطع بارد انا
وقال لنفسه معقول معرفتنيش ابتسم لنفيه وحتعرفني ازاي دي كانت طفله لما سافرت من تسع سنبن وانت كمان اتغيرت حتعرفك ازاي
رامي احم بعيدا عن الدبش الي بترميه بس انا قولت يمكن اققدر اساعد
بصتلو وبتسمت بتأفف وغيظ وحتساعدني
ازاي بقى اطربني
رامي مش قادر يمسك نفسه من الضحك على شكلها يعني لو تقوليلي بتدوري على مين يمكن
اقدر اساعدك
دنيا سرحت ونسيت نفسها اتنهدت وقالت بدور على ابن عمي من زمان مشفتهوش واكيد شكلو اتغير نفسي اشوفو اوي فاقت لنفسها وقالت بعصبيه وانت مالك اساسا وانا بحكيلك ليه اصلا
