مترو اخر الليل بقلم انجي الخطيب
بصيتله بخوف.
أنا آسفة ماكنش قصدي أجيب مشاكل لحد.
لف ناحيتي فورًا، ولأول مرة صوته شد شوية إنتِ مش مشكلة.
الكلمة ضـ,ـربتني من جوا.
لأن كريم طول الوقت كان بيقنعني إني عبء.
إن أي حد يقرب مني هيتأذي بسببي.
إن وجودي تقيل.
لكن الراجل ده قالها ببساطة كأنه بيقول
حقيقة واضحة إنتِ مش المشكلة.
قعدت على طرف الكنبة وأنا جسمي كله بيرتعش.
هو هيطلع هنا همست.
لا.
قالها سليم بمنتهى الثقة.
النوع ده من الرجالة شجاع بس على الستات اللي أضعف منه.
بصيتله وسألته بصوت واطي إنت تعرف النوع ده كويس أوي صح؟
سكت شوية.
وبعدين قعد على الكرسي اللي قدامي، وسند كوعه على ركبته.
أبويا كان واحد منهم.
الصمت نزل تقيل.
كان بيضـ,ـرب والدتي كل ليلة تقريبًا. ولما الناس كانت تسألها عن الكدمات تقول وقعت.
نفسي اتقطع.
وأنت كنت بتعمل إيه؟
ضحك ضحكة قصيرة كلها مرارة.
ولا حاجة. كنت طفل.
عينيه اسودّت وهو بيكمل وفي يوم ضـ,ـربها جامد زيادة عن اللزوم.
فهمت الباقي بدون ما يقول.
أول مرة أحس إن الراجل ده شايل مقبرة كاملة جواه.
وفجأة، صوت موبايلي رن تاني.
كريم.
إيدي اترعشت.
سليم مد إيده هاتيه.
لا لو رديت هيجن.
هو مجنون بالفعل.
فضلت باصة للشاشة لحد ما المكالمة قفلت.
ثانية بعدها رسالة وصلت
شايف العربية اللي واقفة قدام الفيلا؟ انزلي لوحدك بدل ما أطلعلك.
الدم اتجمد في عروقي.
يا نهار أبيض
مراد اتحرك فورًا ناحية الباب، لكن سليم رفع إيده يوقفه.
ثم بصلي عايزاني أتعامل؟
السؤال كان غريب.
لأنه لأول مرة حد يسألني أنا عايزة إيه.
مش ياخد القرار بدالي.
بلعت ريقي بصعوبة أنا خايفة.
عارف.
ولو نزلتله هيضـ,ـربني.
عارف.
ولو ما نزلتش
سليم كمل الجملة مكاني هيحاول يكسر الباب ويحسسك إن كل ده غلطتك.
الدموع
نزلت غصب عني.
إنت إزاي فاهم كده؟
لأن الناس دي نسخة واحدة.
وقف بعدها بهدوء، وعدل ساعة إيده.
خليكي هنا.
انتفضت رايح فين؟!
أقابل ضيفنا.
قمت بسرعة ومسكت إيده لا أرجوك كريم مش طبيعي لما يغضب.
عينه نزلت على إيدي اللي ماسكاه.
وللحظة حسيت إني اتخطيت حدودي، فبعدت فورًا.
لكنه قال بهدوء ولا أنا.
واتحرك.
جريت وراه لحد آخر الطرقة، لكن مراد وقف قدامي خليكي هنا يا آنسة.
هيحصله إيه؟
مراد بصلي بنظرة غريبة الأستاذ سليم مش بيحب يشوف ست متأذية.
صوت الباب الخارجي اتفتح.
ثم الصمت.
بعدها صوت كريم.
