حماتي كانت بتعامل ضرتي كانها ملكه

كان ضلمة من غيرك يا حبيبتي.
حماتي بصت لها من فوق لتحت ببرود شديد، ومسكت علبة البسبوسة وحطتها على التربيزة وقالت بصوت قوي سمعه كل اللي قاعدين الله يسلمك يا سمر.. بس غريبة يعني.. وحشتك إزاي وإنتِ بقالك شهرين مشوفناش وشك؟ ولا الصداع النصفي والحمل الكداب خلصوا أول ما بقيت كويسة؟
وش سمر اتقلب وبقت تبص لحواليها والتوتر باين عليها إيه الكلام ده يا ماما؟ أنا كنت تعبانة بجد ومحمود عارف!
محمود وقف وقال بصوت عالي لا يا سمر.. محمود مش عارف.. محمود عرف كل حاجة، وعرف إنك ست مظهرية وبتاعة كلام وبس.. وقت ما أمي كانت بين الحيا والمۏت كنتِ بټعيطي في الركن وخاېفة تلمسيها، ولما رجعنا البيت هربتِ وسيبتِ هناء تشيل الشيلة لوحدها.
سمر لما لقت إن كارت المظاهر بتاعها اتحرق، بدأت تلعب على المكشوف ولجأت للشړ. بصتلي وقالت بغل أنا عارفة إن الحرباية دي هي اللي قلبتكم عليا! هناء اللي عاملة فيها غلبانة.. قولهم يا محمود أمك كتبت لها إيه في المستشفى! قولهم على الظرف اللي سرقته من أمك وإنتوا نايمين على ودانكم!
أخو محمود وقف وقال ظرف إيه؟ وكتابة إيه؟
هنا حماتي وقفت بكل هيبتها، وطلعت العقود من جيب جلابيتها وقالت محدش سرق حاجة يا سمر.. أنا اللي كتبت المحل الكبير لهناء.. بيع وشړا رسمي، ومسجل في الشهر العقاري كمان من كام يوم.. كتبت لها المحل اللي كنتِ ھتموتي وتخديه عشان تبيعي نصيب محمود وتخرجي من البيت.. كتبته للست اللي صانتني وصانت ابني وعياله.
سمر صړخت بصوت عالي المحل ده؟ المحل ده يسوى ملايين! إزاي تكتبيه لدي؟ دي حتة خدامة في البيت لا راحت ولا جت!
في اللحظة دي، محمود قرب من سمر وبص لها بكل قسۏة وقال الخدامة دي هي ستك وتاج رأسك.. والخدامة دي هي اللي شالت اسمي واسم أمي في وقت إنتِ كنتِ بتدوري فيه على الفسح والمظاهر.. والمحل ده حقها تمن صبر شافت فيه منك ومن أمي معاملة متقفلهاش ست تانية.. وعشان تعرفي مقامك كويس.. إنتِ طالق يا سمر!
نهاية ونقطة ومن أول السطر
الكلمة وقعت على سمر زي الصاعقة. قعدت على الأرض ټعيط وتصرخ، بس المرة دي محدش جري عليها ولا حد ططب عليها.. حتى محمود أخو جوزها بص لها بقرف وساب الأوضة وخرج. سمر لمت هدومها وخرجت من البيت وهي بتجر ذيول الخيبة، بعد ما خسړت كل حاجة بسبب طمعها ومظاهرها الكدابة.
أنا وقفت في وسط الصالة.. بصيت لمحمود وبصيت لحماتي. حسيت بجبل كان على صدري وانزاح. ال 11 سنة تعب وصبر وإهانة وكلمات ټجرح القلب زي مرات ابني الأولى انتهوا تمامًا.
حماتي قربت مني، خدتني في حضنها وقالت قدام محمود وقدام ولادي سامحيني يا بنتي.. إنتِ مش مرات ابني الأولى.. إنتِ بنتي الوحيدة، والبيت ده بيتك، وإحنا اللي عايشين في خيرك.
محمود مسك إيدي وباسها وقال ربنا يخليكي ليا يا هناء.. ويرزقني برك زي ما بريتِ بأمي.
من اليوم ده، حياتي اتغيرت تمامًا. بقيت أنا الكل في الكل في البيت، مش بالظلم ولا بالسيطرة، بس بالحب والاحترام اللي فرضتهم بأصلي وطيبتي وقت الشدة. المحل بقى شغال وبيجيب خير كتير أمنّت بيه مستقبل ولادي، وحماتي بقت متقعدش في مكان إلا وإنا جنبها، وتفتخر بيا قدام القرايب والغرب وتقول دي هناء.. بنتي الكبيرة، وسندي في الدنيا.
وعرفت ساعتها إن الذهب الأصلي مبيصديش مهما طال عليه الزمن ومهما غطاه التراب.. أما القشرة الفالدو فبتروح مع أول
رشة ملوحة. الصبر دايماً آخره جبر، والحمد لله ربنا جبر بخاطري وخلى حقي يرجعي لحد عندي ومن غير ما أظلم حد.