يوسف……………مشيره محمد

​بصيتله من فوق لتحت بكل قرف وقلتله الكلمة الأخيرة اللي هتقعد في ودنه طول عمره: “إنت قلتلي في التليفون: ‘البسي حاجة محتشمة وماتعمليش فضيحة’.. وأنا لبست محتشم اهو، ومعملتش فضيحة.. أنا جيت أوريك ‘الدليل’ إن ربنا مبيرضاش بالظلم. إنت وفريدة تستاهلوا بعض.. والنيابة مستنياكم بكره”.

​لفيت ضهري بكل كبرياء، ومشيت في الممر وأنا ضامة بنتي نور لصدرى. أستاذ رأفت مشي جنبي وهو بيبتسم، وخرجنا من القاعة وصوت خناقهم لسه جايب لآخر الممر.

​أول ما خرجت للهوا الشديد بره الفندق، أخدت نفس عميق قوي.. كان بقالي تمان شهور مش عارفة أتنفس، بس الفرحة الحقيقية والراحة دخلت قلبي أخيراً. بصيت لوش نور الصغير اللي بدأ يصحى ويبصلي بعيونها الواسعة الصافية، وبست راسها وقلت: “خلاص يا قلب ماما.. قمنا بالواجب وزيادة.. ودلوقتي نبدأ حياتنا الجديدة وإحنا رافعين راسنا لفوق”.تمت. مشيره محمد