زهره اصلان ٣٠ بقلم يسر
لم يجد رائد المزيد من الأسباب ليقنع بها جده
بسبب تدخله من أجل الجنية الصغيرة فصمت
متوتر ينتظر رد جده …. بينما ترك الحج قدرى
مساحة لرائد ليفرغ ما فى جبعته كما يقولون
حتى انتهى حفيده و مازال الجد لم يحد بعينيه عن عينى حفيده .
– الحج قدرى بوجه فارغ لا يظهر على صفحته شىء :
خلصت ؟!
– رائد بارتباك :
ااااا خلصت إيه ؟!
– الحج قدرى بجمود :
حججك .
– رائد بتوتر :
دى مش حجج … دى الحقيقة و الاتفاق
اللى تم بين العيلتين و ………………..
– الحج قدرى مقاطعا كلام حفيده ببرود :
كل اللى قلته ده ميخصكش .
– رائد بثورة :
لأ طبعا … ما هو لما أصلان بيه يخالف
إتفاق العيل …………
– الحج قدرى بصرامة و شدة :
برده ميخصكش …. يخالف ميخالفش
ميخصكش …. فى الأول و الآخر دى
مراته و هو حر فيها …. يعنى لو قال لأ
متكملش تعليمها محدش يقدر يغلطه أو
يقول عكس كده …. و لو حد اتكلم و الله
يبقى هو اللى غلط و هو اللى يصلح غلطه
أدام الناس اللى اتعاهدنا قدمها لأنها برده
مراته و أمرها ليه هو …. مع إنى ما أظنش
حد يقدر يخالفه فى البلد …. و عشان كده
بقولك الحكاية دى متخصكش …. أنا مردتش
أجولك قدام مرات عمك و ولاد عمك عشان
متحصلش مشاكل و تتحسسوا من بعض …
بس أنا بقولك للمرة الأخيرة يا رائد مع إنك
مش صغير دا أنت دكتور أد الدنيا كلاتها
خليك فى مصالحك اللى جاى فيها و لو
عاوز رأيى لو تجدر ترجع اسكندرية فى أجرب
وجت يبجى أحسن بلاش منها المشاكل يا
ولدى الله يرضى عليك .
أطرق رائد رأسه أرضا بعد أن صدمه كلام الجد و هزه و لم يستطع مجابهة جده الرجل المحنك الذى كشف أمره ببساطة …. كما وجد
الجد نفسه أفرغ ما فى جبعته و كله أمل أن يقوم كلامه إعوجاج حفيده … بعد أن حاول
جاهدا ألا يجرحه أو يحرجه بحديثه بل عمد إلى إفهامه خطأه فقط و هم بالذهاب لغرفته
و لكن استوقفته جملة رائد و التى خرجت من فاهه بحسرة :
لو كنت أنا مكانه كنت خلتها تكمل تعليمها .
– رد الجد الذى مازال يواليه ظهره و هو يقبض على عصاه حزنا على حال حفيديه :
فعلا لو كنت مكانه …. بس أنت
مش مكانه …. أنا خيرتك الأول
و أنت اللى رفضت و هو وافق …
يبقى تتحمل نتيجة إختيارك .
و ترك الجد حفيده يعيد حساباته و انطلق الى غرفته و ترك رائد بمفرده بصالة المنزل .
