زهره اصلان ٣٠ بقلم يسر
زهرة من
تعليمها و لا إيه ؟! … على فكرة
أهلها مش هيسكتوا لو عرفوا .
– الجد بصوت حاد :
يعنى إيه مش هتروح … أنت إتجننت فى
عقلك إياك ؟!
– أصلان بوحشية موجهة لرائد و بغض
له أكثر لتدخله بما يخص قطته :
متجيبش اسمها على لسانك ….
أنت فاهم .
– الجد بصوت جامد :
بوسى … سوما … هموا على فوج حالا .
انصرفت الفتاتان بسرعة بعد أن جمعوا حقائبهم و انطلقتا لغرفة السيدة نعمة التى تقبع بها زهرة حاليا تاركتين صراخ الكبار لهم .
– الجد بصرامة :
أيوه يا سى أصلان …. بتجول إيه بقى
…. سمعنا تانى ؟!
– أصلان ببرود :
بقول لأ مش هتروح الكلية .
– رائد بثورة :
أنت بت ……………………………
” راااااااااااااااائد ”
الصرخة ما كانت إلا للحج قدرى الذى اتبعها
بنظرة صارمة لرائد حتى لا يتفاقم الوضع .
– الجد بنفس الصرامة لحفيده الأكبر :
و أنا قولت زهرة هتكمل تعليمها زى ما
اتفجت مع أهلها …. إسراء هتكمل كليتها
مع أخوها و هى هتكمل كليتها هنا ….
أنا أديت كلمة لأبوها و الرجالة اللى حضروا
المجلس و مش هرجع فيها لو انطبجت
السما على الأرض …. فهمت .
– أصلان بصرامة :
و أنا مش راضى على مرواحها الجامعة
…. و أظن هى مراتى و أنا اللى أقول
إذا كانت تروح و لا لأ … و محدش
يقدر يدخل .
و كانت كلمته الأخيرة موجهة بالأخص لرائد .
– الجد بعصبية :
أصلااااااااااااااااااااااان .
استمر أصلان فى صمته و لم يرد إصرارا على موقفه … و لم يتدخل
أسامة لتأكده من قدرة جده على حل الأمر ولكن لم يفته أيضا موقف رائد …. كما تعجبت السيدة نعمة من أمر ابنها إلا أنها حاولت تلطيف الأجواء لتهدئة ابنها الذى يبدو أن غضبه الفترة الماضية أعماه
– السيدة نعمة بنبرة هادئة :
صلى على النبى يا بنى …. و أنت يا عمى
بلاش العصبية عشان صحتك … أكيد
هو ميجصدش .
– الجد ببرود :
و لا يجصد …. المهم إللى أن قولته
يتنفذ .
لم يرد أصلان و انطلق غاضبا إلى جناحه … بينما ألقت السيدة نعمة التحية على الحج قدرى و انطلقت لغرفتها هى الأخرى … تبعها أسامة هو الآخر بعد أن شعر بنظرات جده الموجهة فقط لابن عمه …. و ترك الجد صاحب النظرات النارية و رائد الذى بدأ يتملل
من عينين جده إلا أنه استمر فى الحفاظ على صمته على عكس الآخر الذى فشل فى ذلك .
– الجد بنظرات نارية :
طبعا مش محتاج أجولك إن أنت فى
هنا فى بيتك … لكن تدخل فى أمور ملكش
فيها ده اللى مش مجبول …. ركز فى
شغلك يا بنى و سيبك من غيرك …
فاهمنى يا رائد .
” أراد الجد الحد من التصرفات الهوجاء
لحفيده دون الخوض فى الموضوع نفسه
أو توضيح كلامه خوفا من سماع أى أحد
آخر لحديثه … كذلك كل هدفه كان تقويم
إعوجاج حفيده فقط و ليس إثارة الضغائن
بينه و بين أى فرد من العائلة … فلا فائدة
من اللوم و العتاب و إلقاء الاتهامات فما
حدث قد مر و استقرت الأمور أخيرا و ليس
من العقل إثارة المشاكل ثانية ” .
– تحمحم رائد :
يا جدى أنا مش قصدى أتدخل بين أصلان
و زهرة بس كل اللى قولته إن حرام يحرمها
من تعليمها …. البنت صعبت عليا شكلها
مجتهدة خسارة تعد فى البيت عشان
سيادته مش عاوز كده … ااااا كمان آه
الاتفاق اللى تم فى المجلس يلزمنا إن
هيا تكمل تعليمها زى ما إسراء هتكمل
تعليمها و ……………………………….
