بقلم زهره عصام

شادي اتصدم من اللي حصل و نزل جنبها على الأرض بسرعة و قال بخوف :-

هدير إنتِ كويسة ؟

هدير كحت و أخدت نفسها بالعافية و هي بتقول:-

مقدرتش اثبت صحه كلامي وأنا عايشة بس بإذن الله ربنا هيقف جنبي و هيثبته وأنا ميته ، هو اختارني ابقي عنده في وقت الكل اتخلي عني فيه

غمضت عيونها و استسلمت لظلام اختارت تكون فيه

شادي واقف مصدوم مش فاهم الرصاصة دي جت إزاي و أمتي و لية

انتبه لصوت التصويت من البلكونه اللي قصادهم و بص لـ هدير بحيرة

شالها و جري بيها على المستشفى في محاولة لإبقائها على قيد الحياة

…..

وصلت رساله على موبايلها مكتوب فيه كله تمام

وقفت و بقت تضحك بغباء و تقول:-

كل حاجة خلصت كل حاجة بقت تمام و مش هننكشف يا أحمد

أحمد بصلها و مش فاهم حاجة و قال:-

مش فاهم قصدك اية ؟!

أسماء بسعادة:-

قصدي إني خلاص قتـ,ـلت هدير يعني هي دلوقتي مع الأموات و مبقاش ليها وجود على الأرض

أحمد عيونه وسعت و قال:-

إنتي عملتي اية يا مجنونه ، كان فين عقلك وانتي بتعملي كدا ، مكنتش لازم تمـ,ـوت نهائي

أسماء الابتسامة اتمحت من على وشها و قالت:-

إنت بدأت تحن ولا اية يا أحمد ؟ قولتلك كانت هتفضحني زي ما عملت معاها كان لازم اتخلص منها

رد عليها بزعيق :-

مش بالطريقة دي يا متخلفة متوصلش معانا للقتـ,ـل ، هو كيد حريم وأنا اللي ورط نفسي فيه سبيني بقي أشوف زفت صرفه للموضوع دا

…….

مؤيد أول ما وصله الخبر طلع جري على المستشفى

لقي هادي واقف تايه و مش عارفه يعمل اية

جري عليه و مسكه من لياقة قميصه و قال:-

لو جرالها حاجة مش هيكفيني مـ,ـوتك إنت فاهم

هادي بصله باتهام و قال :-

و يا تري بقي إنت رقم كام في حياتها

ضر به بوكس و قال :-

هتفضل طول عمرك غبي

طلع من جيبه ظرف و قال:-

خد دي نسخة من براءة هدير عاوزك تاخدها و تغور في ستين داهية

هادي فتح الظرف لقي نفس صور هدير اللي كانت أسماء بعتها ليه لكن بوش أخته اسماء فضل يقلب في الصور بسرعة و مش مصدق اللي هو شايفة

لقي فلاشة

جري على عربيته و خرج اللاب توب و وصل الفلاشة بيه و شغلها

سمع اتفاق أسماء مع علي و كلامها مع أخوه كله و بقي مش مصدق أنهم عملوا فيه كدا

خبط الدركسيون بإيده و حط راسه عليه و انفجر في العياط

…..

مؤيد واقف قدام العمليات و بيفتكر إزاي دخل شقة أسماء و ركب فيها كاميرات عشان تكون تحت عينه