رواية بقلم خلود ناجى
رؤي : احلفي … أنا مبسوطة اوي
فرحت أن عاليا حامل عشان ارتاح من زن نوح …الحقيقة انا اتعالجت من سنة ، اني فعلا كان عندي مشكلة في الخلفة بس مع الأدوية بقيت كويسة ، بس مش عايزة اخلف وباخد حبوب منع الحمل من ورا نوح …. انا مش وحشة بس حياتي اهم ومش عايزة اهد دا كله ، انا قبلت واحدة تشاركني فيه رغم اني بحبه عشان بس تجييله عيل وارتاح من الصداع والذنب دا ….انا دلوقتي مبسوطة … النهاردة اخيرا مسكت منصب المدير التنفيذي….اصغر مديرة … انا مبسوطة اوي
هنية بفرحة : تعال يا نوح في خبر حلو
رؤي : وانا عندي خبر حلو
ـ خير يا جمـ,,ــــاعة …. مش مرتاح
هنية: عاليا حامل
رؤي : وانا بقيت المديرة التنفيذية اخيرا …. حلمي اتحقق
عاليا ” لاحظت أنه فضل ساكت ، الحقيقة نوح بيصعب عليا اوقات …. انا ورؤي وطنط هنية حققنا اللي عايزينه طيب هو ؟!….. هو عايز ايه ؟! ، بس حياة بسيطة مع حب حياته وطفل منها …. نظرات عنيه كانت بتقول أنه مش عارف ولا قادر يفرح…. معرفش حقيقي ازاي قربت منه وح*ضنته كدا لفترة طويلة….فترة طويلة وانا بحاول بس اطمنه اني فعلا حاسة بيه ولو عليا مستعدة اعمل اي حاجة عشان يكون مبسوط …انا فعلا بحبه، دي حقيقة …بحب نوح لانه فعلا يستحق كل الحب اللي في الدنيا ، حنين ونضيف وكريم وبيتقي ربنا وراجل….. نوح بالنسبالي حاجة كبيرة اوي ….
نوح ‘ مبسوط!! كنت اتمني اني رؤي هي اللي تكون حامل …. لاحظت نظرات عاليا … بحس بذنب كبير اوي كل ماألمح عينيها …هي ملهاش ذنب برضوا … هي مراتي برضوا …. معرفش حقيقي ازاي هي حضتني كدا بس لأول مرة أقرر انسي رؤي والكل ….وارتاح …. انا بستغرب الراحة اللي بلاقيها في وجود عاليا …. حسيت اني اخيرا فاهمة شعوري وعينيها مش بتلومني …
رؤي ‘ مش عارفة ليه مرة واحدة اتضايقت خصوصا اني نوح كانت نظراته بس علي عاليا …كمان لما ح*ضنته كان مرتاح …. قطع تفكيري رنة تليفوني ، هروح احتفل مع ماما ومش هضيع فرحتي عشان حاجة تافهة ‘
هنية’ عرفت اني ابني اخيرا لقي راحته ، هو بيحب رؤي من زمان بس هو اللي متمسك بالعلاقة بس…. انما عاليا عاقلة وبتحبه و بتعرف تفهمه …وهو كمان بيحبها ومحتاجها رغم أنه بينكر …يارب قرب بينهم وابنهم يكون سبب في كدا ‘
” بقيت كويس ؟؟”
ـ نفسي اكون كويس بجد يا عاليا
” هترجع افضل من الاول كمان يا نوح …بس دلوقتي انت محتاج تركز في شغلك بقي ”
ـ اه والله …هطلع انام وصحيني بعد ساعة
“حاضر و هعملك اكل حلو ”
ـ شكرا يا عاليا …اهم حاجة بلاش تتعبي نفسك وبكرا نروح نتابع مع دكتورة اعرفها
” تمام حاضر ”
