رواية بقلم خلود ناجى
من اليوم دا وغصب عني قلبي اتعلق بيه ، ٣١ سنة عمري ما رفعت عنيا علي راجل ولا فكرت احب أو ارتبط بجد او حتي افكر في حد ولما احب حد يكون جوز صحبتي ، يارب خدني وارتاح من نفسي ، انا قرفانة من نفسي لدرجة اني عايزة ان&تحر ، انا مش وحشة ، انا مش قادرة ابطل تفكير فيه ، دموعي ووجعي كل يوم بيزيدوا وعشان كدا بعدت خالص عن رؤي ، شغلت نفسي في شغلي وبيتي ، قررت ارجع للرسم والخياطة واصمم لبسي لنفسي ، بعدت خالص ، بعدت وطلعت صدقات كتير اني ابطل تفكير فيه واني ربنا يبارك فيهم ويحفظهم لبعض ، كل دعواتي في القيام اني ربنا يحفظهم لبعض … كرهت نفسي واحتقرتها لأول مرة ….ليه بجد … انا عارفة اني دي وسواس شيطان واني مستحيل احبه….. انا مش وحشة عشان اعمل كدا في صحبتي ، انا مش كدا … مر ٤ شهور متواصلين وانا بتجنب رؤي تجنب تام … انشغلت في حياتي و معنديش دقيقة حتي اني اكل …بس … عندي العمر كله عشان افكر فيه ….طيب ليه؟! يارب ….يارب ارحمني يارب ، يارب طول عمري صابرة والله وعمري ما قولت حاجة ، بس ليه يارب قلبي يتعلق بيه هو ، يارب انا عارفة اني متعلقة بيه لمجرد موقف جدعنة ، طول عمري بقابل ناس كتير وافضل منه بس المرادي فعلا قلبي اتعلق بيه ….يارب القلوب بين ايديك …يارب ارحمني وانزع حبه من قلبي…لا دا مش حب …دا مجرد وسواس شيطان وبس مجرد تفكير فيه عشان أنا وحيدة….انا بكدب علي نفسي انا مش عيلة صغيرة …انا مش بكدب علي نفسي طول عمري صريحة ، ومستعدة اكتفي بنفسي ولا اني اخد اي واحد وخلاص …. يارب اعمل ايه طيب …يارب ارشدني……
” رؤي!!!!؟؟”
اتخضيت لما لقيت رؤي عند بيتي…. كانت متغيرة شوية ، لبسها بقي أضيق وغيرت الحجاب لتربون …وكمان هي نفسها اتغيرت …. بس هي بتعمل ايه عندي
ـ اه رؤي يا اخت عاليا ، رؤي اللي حرفيا رميتيه ولا بتسألي فيها من شهور…. خاسة اوي وتعبانة كدا فيه يا عاليا
اتوترت ” لا عادي الشغل بس ”
ـ شغل ايه ؟! انت مش محتاجة شغل وكمان واضح علي عنيكِ انك معيطة…أنتِ كويسة ؟!
” اه الحمد لله انا كويسة ، انت اخبارك ايه ؟!”
ـ انا هكون كويسة لو وافقتي علي طلبي
” دقيقة طيب اعملك عصير وعنيا ليكِ ”
ـ يعني هتوافقي ؟؟
” طول ما في أيدي دا واقدر اعمله انا موافقة…. ”
ابتسمت ‘ أنتِ الوحيدة اللي تقدري تعملي كدا … وخصوصا أنك هتنقذي جوازي وحياتي كلها ‘
استغربت ‘ في ايه يا رؤي؟!
” انا جاية اطلب ايدك لجوزي نوح ”
