رواية بقلم خلود ناجى

اخدت كل الالقاب …عانس ….زوجة تانية….مطلقة … الحقيقة مكنتش هقدر اكمل مع نوح ، تعبت وفقدت الامل هو لسه مطلـ.قنيش بس انا مصرة علي الطلا.ق ، انا خلاص مش فارق معايا كلام الناس ولا نظرتهم ليا ….المهم انا وبس …جمل محنة بتحصل معانا بيكون معاها هدية …وانا هديتي كانت ماما هنية …. نوح مش موافق علي الطلا.ق بس وافق اني ابعد عنه فترة ارتاح …وماما هنية قررت تاخدني بلدها تعرفني علي أهل نوح ….. رؤي سافرت وعايشة قصة حب … غريبة أمتي لحقت دول كلهم وازاي عملت دا في العدة بتاعتها مش فاهمة الحقيقة…..

” ياماما بجد عايزة واحد ”
هنية : استني طيب …. يا واد يا حلو انت ، زرع مين دا ؟!
ــــ” زرع عم رفاعي ….”
ـ رفاعي بن عم جوزي ، واحد يعتبر ….استني اشوف حد فيهم استاذنه…
” اشطا يا هنون”
ـ يا بت انا حمـ,,ــاتك احترمي نفسك
” ولو برضوا….”
عزيز: خالتي ام نوح ازيك ؟؟ يعني واقفة هنا ؟!
ـ عزيز ؟! كبرت يا ولدي …مفيش كنت عايزة اشوف حد فيكم عشان عايزة عود قصب
” عودين بالله يا ماما ”
عزيز بابتسامة: اللي أنتِ عايزاه
هنية بمكر : .تسلم يا ولدي…. يلا يا عاليا يا بنتي … عايزين بس عودين عشان خاطرها
عزيز: حاضر يا خالتي اللي تطلبوها ارجعوا انتوا البيت وانا هخلي حد يجبلكم ….
ـ شكرا يا ولدي ابقي سلملي علي امك لحد ما اشوفها …قولي شكرا للراجل يا بنتي
عاليا ببراءة: شكرا بجد لحضرتك تعبناك معانا
عزيز بثبات وابتسامة: العفو علي ايه ….
هنية: يلا يا عاليا

-ــ——

نوح : ياماما حرام عليك ….
” هو انا بهزر معاك يا واد”
ـ يا امي يعني ايه أط.لق مراتي عشان واحد متقدملها ، حرام عليكِ بقي ، وبعدين هو تعبان في دماغه التاني دا اقسم بالله اجي البلد اكـ.سر دماغه دي ، انتو عالم مجا.نين كلكم …ازاي هو يتقدملها وهي مراتي
” قولت للكل أنكم اتطلقتوا وهي في فترة العدة ”
ـ يا امي حرام عليك…دي مراتي ، انا ذنبي ايه في اللي حصل دا كله …. شهور وانا بعتذر …هو انا  ابني يعني
” لا ابنك بس طول الفترة دي بقولك اتقي الله في مراتك انما انت لا … مكنتش شايف غير واحدة …وبتيجي علي التانية ..
وانا قولتلك هجوزها بنفسي لواحد يحبها ويستاهلها
” يا امي بقي …. والله العظيم انزل البلد عزيز دا ….انا جاي البلد اخد مراتي واقولك حاجة انا هتجوزها تاني في البلد….ماشي يا امي ولو انتو مجا.نين هوريكم جناني بقي ”