رواية بقلم خلود ناجى

ابتسمت… اخيرا حسيت الحياة بدأت تضحكلي فعلا …. نوح اغلب الوقت عندي ومعايا …تعرفوا اني الدكتورة قالتلي الحقيقة وأني رؤي مش عايزة تخلف اصلا…. اتصدمت بس محبتش اتكلم….بس الحقيقة انا مستغربة … ليه رؤي تعمل كدا بجد !!!! معقولة حبها للشغل وصلها لكدا …. مر ٥ شهور وعلاقتي بنوح بقيت قوية الي حد ما …بقيت حاسة اني عندي حياة فعلا …كنت مبسوطة اوي اني اخيرا ملكت اللي بحبه

هنية: كلي دي عشان خاطري
” يا ماما انا بقيت بطيخة ماشية علي الارض ”
هنية : برضوا قمر

حطيت راسي علي رجلها وهي بدات تلعب في شعري ….

” تعرف يا ماما انا مبسوطة اوي ، اني هخلف اخيرا ، انا حياتي كلها منتظرة اللحظة دي …منتظرة اللحظة دي بصعوبة ، تعرفي رغم اني سني كبير والكل قال صعب اخلف بس ربنا كرمني و دلوقتي اهو حامل…. هربيه حلو اوي وهعيش عشانه وبس….عارفة انا بحب نوح اوي اوي يا ماما ، بحبه من قبل ما نتجوز ، نوح بالنسبالي بطل احلامي كلها …لو تعرفي بشوفه ازاي وهو غالي عندي ازاي…. قلبي مش بيعمل حاجة غير أنه يحبه وبس ….،.(ضحكت ).. بس دلوقتى بقي هحب ابني اكتر ….اتمني بقي يكون شبه أبوه …. ابقي اديني صورة لابنك بقي
ضحكت’ وليه صورة والأصل عندك ‘
ضحكت” اقولك سر ….والله بتكسف منه شوية وخصوصا لما يركز معايا”

ضحكت ‘ طيب قومي اقعدي كويس عشان تأكلي ‘
” ياماما كفاية بقي ”
ـ بنت اسمعي الكلام

نوح ‘ ابتسمت معرفش ليه لما سمعت كلامهم ، طلعت الشقة علطول … شقتها دلوقتي بقيت ملاذي … نمت وانا علي وشي ابتسامة مستغرب وجودها بس عارف انها مصدرها ودا كافية عندي ‘……

——
هنية : ايه الصوت العالي دا ؟!
بخوف” مش عارفة ….دا صوت نوح ”

اتفاجنا لما لاقينا نوح ماسك رؤي وبيتخانقوا وهما جايين من برا …..

نوح بعصبية: مفيش شغل تاني ولو فكرتي تعاندي اقسم بالله اط.لقك وارتاح انا جيت اخري

هنية ” بهدوء: اهدوا… اطلعي شقتك يا رؤي وانت يا نوح تعال… حصل ايه لدا كله
رؤي بعصبية: انت إنسان متخـ.لف حقيقي ودقة قديمة … انا بكر.هك

نوح : طيب اطلعي شقتك يا محترمة يا بنت الاصول وانا كلامي مع ابوكِ
هنية: اطلعي يا رؤي….تعال يا نوح
رؤي : انا طالعة…عيشة تقرف

نوح ‘ اتعصبت جامد واتخانقت مع رؤي وصوتنا علي كمان …. هي متمسكة بالشغل ،واتا خلاص جبت اخري ، علاقتها كترت ومع رجالة غريبة ونظرات وضحك وانا مش هقبل كدا علي نفسي د،… شغلي ايه اللي فيه مكالمـ,,ــات ضحك بالساعات…. ازاي هي تعمل كدا … ازاي استغفلتني بالشكل دا وانا وثقت فيها …. ليه رؤي بقيت كدا ‘