عمياء في درب الهوى للكاتبه هدي
تنهدت ثم قالت بهدوء
-عمي من فضلك عاوزة اقابل جدي ياريت
قاطعها “أدهم” قائلا بغضب
-هو أنتِ مابتحرميش ولا إيه ؟ وبعدين ابويا ما هايدخلش نفسه في مشاكلك تاني
ردت بهدوء
-أستاذ أدهم لو سمحت خلينا أكمل طريقي ال جيت عشان
ثم وجهت حديثها لعمها قائلة بجدية
-وإذا كنت خايف ياعمي يحصل مشاكل من تحت راسي عرفني فين البيت وسبني مني ليهم
تنهد العم وقال بنبرة صادقة
-والله يابتي ما هي ديه المشكله
سائلته بحزن قائلة
-اومال إيه المشكله ؟
اجابها بحزن
-جدك يا بتي
-ماله ياعمي؟
-عمل عمليه في القلب وحالته لسه تعبانه أنا بجول(بقول) المبلغ ال تحتاجي من جنيه لمليون جنيه تحت أمرك
قاطعته “حياه” وهي تتحامل على نفسها لتقف من فوق المقعدة قائلة بنبرة مرتجفه يملؤها القهر والحزن
-عمي من فضلك أنا مش بشحت من حد وأنا بطلب حقي وأناهاخده وهاسيب البلد فورا عن اذنكم
كانت “غاده” تركض خلفها لتهدئ من غضبها الشديد
خيم الحزن والصمت المكان أما أدهم فكان في حالة من اللا مبالاه ابتلع المضغه التي كان يلوكها توا وهو يقول بنبرة ساخرة
– شغل حريم وأني عارفه زين
يتبع
الفصل الثامن
——————
تابع وهو يقف من فوق مقعده قائلا بجديه لأخيه
-هاروح المزراعه وهانام هناك لو حد عازني ابجى (ابقى) اتصل
رحل قبل أن يمنعه والده كعادته في الفترة الأخيرة
وضع يده على المقبض الحديدي وقبل أن يفتح باب المنزل استوقفه والده قائلا بغضب واضح في نبرته
-أدهم عاوزك تعال ورايا
تنهد بعمق قبل أن يستدار بجسده كله ثم خطى نحو والده خطوات ثابته وواثقه واقف أمامه وكأنه طالب يقف أمام معلمه في انتظار سماع توبيخه على افعاله ولكنه تفاجئ به يجلسه بجواره على الأريكه في حديقه المنزل ويعامله بلطف وقال
– أنت ليه بتعامل بت عمك اكده هي ذنبها إيه ؟
كظم غيظه وقال بجديه
-ماذنبهاش حاجه وأني بعاملها زين وعشان أريحك يا بوي مش قاعد لك في البيت واصل وهارجع بيتي
سأله بنبرة حائرة
-وديه مش بيتك يا ولدي
أجابه بنبرة مقتضبه
-لأ مش بيتي يا بوي أني اهنى ضيييف
قاطعه “زين” قائلا بحزن
-يا ابني إنت عامل في نفسك كدا ليه ؟ وليه الوش الخشب كدا على طول ؟!
أجابه بنبرة ساهرة وهو يقف من فوق الأريكه
– لا خشب ولا بلاستك أني هاسيبك البيت وماشي
أجلسه والده وهو يقبض عليه من معصم يده قائلا بحده
– أسمع يا أدهم ال عاوزك عشانه
