عمياء في درب الهوى للكاتبه هدي
أما هي كانت تشعر بالسعادة بداخلها لاجتيازها نصف الطريق في الصُلح بينه وبين الجدة
مدت جسدها على الأريكه وذهبت في سبات عميق في ذات اللحظه التي غط فيها “أدهم” للنوم
وفي مساء اليوم
كانت عائلته بأكملها في بهو منزله أما هو مازال في يغط في النوم كانت “حياه” تتحدث وتمزح مع الجميع كعادتها وضعت “غاده” كوب العصير متسائلة بفضول قائلة
-اومال فين أدهم ؟
رد عليها وهو ينزل الدرج بخطوات ثابته
-أني أهو بشحمي ولحمي خير يا ست البنات ؟
لاتعرف”حياه” مالذي يحدث لها عندما يصل إلى مسامعها صوته الرجولي الخشن تشعر بسعاده ودقات قلبها تتصارع كلما تسمع صوته
جلس بجانب “حياه” بعد أن صافح الجميع بود وترحاب شديد فهذه أول مرة لزوجة أبيه أن تقوم بزيارته سألته شقيقته قائلة بمزاح
– إيه هو ال بيتجوزا بيختفوا كدا ؟
رد بذات النبرة
-مستعجله ليه كلها سبوع و تعرفي
سألته زوجة أبيه بصوتها الحنون
-عامل إيه يا ولدي ؟
أجابها بجديه
-الحمد لله وإنتوا عاملين إيه ؟
رد الجميع في آن واحد
-الحمد لله
نظر في ساعه معصمه ثم قال بخفوت لـ حياه
-عندي جلسه عرفيه واحتمال أتاخر هاسيبك معاهم أهو كُلي عشان ماتجوليش (ماتقوليش) استنيتك
ردت بذات النبرة قائلة
– مهمه قوي الجلسه دي ؟
رد بجديه
-لأ، بس لازم أحضرها عشان فيها كل صحابي عاوز أشوفهم
ردت بصوتٍ خفيض ونبرة تملؤها اللوم والعتاب
-طب ينفع تسيب أهلك عشان صحابك ؟!!
رد بإقتضاب
– ايوا ينفع
ردت بعناد قائلة
-لأ ماينفعش
كظم غيظه وقال من بين أسنانه
-وأنتِ مالك يا ست أنتِ ؟!!
ردت بجديه
– مالي ونص أنا مراتك وشكلك من شكلي وال هاتعمله دا عيب
قاطع مشاجرتهم الهامسه زوجة “زين” قائلة بغيظ
-ماتعرفيش ياسمينا مابتردش ليه على تليفونها ؟
ردت “حياه” بنبرة متعجبه قائلة
-ياسمينا كلمتني من شويه، وقالت إنها في المعبد والتليفون قرب يفصل شحن منها، ليه ؟
مصمصت “سلمى ” شفتيها بسخريه ثم نظرت إلى “غادة ” قائلة بغيظ
-بتقول لك هايفصل شحن
سألتها “حياه” بعدم فهم
-هو في إيه يا جماعه ؟
أجابتها “غاده” بتلعثم
-مافيش حاجه ما أنتِ عارفه سلمى
وقف “أدهم” من فوق الأريكه متجه نحو حديقه منزله رفع هاتفه على أذنه وقال بهدوء
-إنت فين يا زين، طب أدخل مستنيك سلام
عاد “أدهم” وجلس بجانب “حياه” وقال بهمس
-أختك كانت مع أخويا طول النهار ومراته بتغير لمي أختك عنه لتعمل زي أمها
