عمياء في درب الهوى للكاتبه هدي
-أصل الرقه مبتجبش معايا نتيجه
سألتها “حياه ” بعدم فهم قائله
-اومال عاوزه إيه ؟
أجابتها مازحه
-عاوزة واحد يجرجرني من شعري ويقولي الصلاة خيرا من النوم
رفعت “حياه ” كفها إلى السماء وقالت
-ربنا يبعت لك إبن الحلال ال يريح قلبك
-اميييين ياااااارب
تنهدت ثم قالت بجديه
-ضحكنا وهزرنا ودعينا إن إبن الحلال يجي ولسه مجاش نعمل إيه بقى ؟
سألتها بعدم فهم
-إيه ؟
أجابتها بجديه
-نتصل بعمك عبدالعظيم
قاطعها قائله
-تاااااني يا ياسمينا ؟!!
ردت نافيه
-لأ أولني ال كلمنا دا كان راجل بارد اسمه أدهم إنما دا يبقى الحاج عبد العظيم الزيات بنفسه
سألتها بتوجس
-تفتكري مش هايعمل معايا زي ما أدهم عمل ؟
أحابتها بنبرة حائرة
-والله يا حياه مش عارفه بس زي مابيقوله الدم عمره ما يبقى مياه وعمك
قاطعتها “حياه” بفضول
-هو أنتِ ليه بتقولي عمك إبن عمك ماهو يبقوا عمك ولاد عمك بردو
أجابتها بحزن
-لأ ياحياه أنا بنت ساميه الست ال خطفت راجل من على مراته وبنته ال مكملتش سنه وال كانت سبب في مشكله كبير بين الاخوات وبعضها وال بردو كانت سبب طرد بابا من البلد
قاطعتها “حياه” بجديه
-بس ماحدش طرد بابا ماما كانت بتقول إن بعد ما بابا خلف فريد جه هنا بمزاجه وإن ماكنش في مشكله اساسا
صمت “ياسمينا ” بعد أن سمعت من شقيقتها نصف الحقيقه ثم نظرت إلى الورقه لتقرأ ما دون فيها من أرقام وبيانات عمها حدثت نفسها بصدمه ودهشه
(حياه ماتعرفش الحقيقه كلها طب ليه طنط ما قلتش الحقيقه؟ )
انتشلتها “حياه ” بئر أفكارها وعادت تتحدث بجديه في إقناع “حياه” بأن تتحدث مع عمها الآن وبعد محاولات شديدة وافقت على ذالك وتراقصت أنامل “ياسمينا ” أزرار الهاتف ثم رفعت الهاتف في انتظار الرد عليه
مرت ثوانٍ ورد عليها وبعد أن القت التحيه في الهاتف تحدثت “حياه” بتوسل ونبرة تشوبه الرجاء
-عمي أنا حياه عمران بنت أخوك ياعمي ارجوك متقفلش زي ابنك ارجوك ياعمي
تسمر “الحاج عبد العظيم ” مكانه ليستوعب ما يحدث الآن تنحنح وراح يقول
-خير يابنتي فينك وفين والدتك
قاطعته قائله بأسى
-ماما تعيش إنت عمي من سنتين
رد بحزن واضح في نبرته
-لا إله إلاالله وأنتِ عامله إيه يا بنتي ؟
أجابته بقهر
-من ال حصل ياعمي وأنا حالي اتبدل أنا واقعه في عرضك وطالبه منك الحمايه من ابويا يا عمي
اعتدل في جلسته وراح يقول بهدوء
