عمياء في درب الهوى للكاتبه هدي
تنهدت بعمق ثم ختمت حديثها قائله
-وهي دي كل حكايتي ياعمي
اومأ عمها برأسه بالإيجاب قائله
-خلاص يابنتي ارتاحي وبعدين نشوف حل للموضوع ديه
ردت “حياه” بنبرة مترجيه
-عمي أرجوك ياعمي خليني أشوف جدي
قاطعها عمها قائلا
-مش هاكدب عليكي واجول الموضوع سهل لأ الموضوع صعب بس سبيني أشوفهم بكرا ولا بعده وأعرض عليهم الأمر والله المستعان
ردت قائله بامتنان
-أنا عارفه ياعمي إن هاتقل على حضرتك بس مافيش غيرك ينقذني من ال وقعت في
مرات ابويا مبترحمش وأنا زي ما حضرتك شايف كدا كفيفه
ماتجوليش اكده بابتي نورتي الصعيد كلها
دا انتي بنت الغاليه ال مافيش حد هايعوض ضوفرها
تسلم ياعمي ربنا يخليك
إنما يعني كيف تعملي شغل البيت وأنتي عميا اكده
وجزه والده في كتفه وقال بغضبٍ واضح قائلا
-اوزن كلامك يا أدهم وأعرف بتتكلم ازاي
استوقفته “حياة” وهي تبتلع مرارة حلقها بصعوبه بالغه لم تكن تعلم أن “أدهم الزيات ” يمتلك كل هذه الغلظه كانت تتذكر حديث والدتها عنه وعن شهامته ولم تتحدث يوما عن غلظة لسانه
منعت “حياة ” بصعوبه بالغه دمعة حزن وقهر على زهرة شبابها وقالت بنبرة تشوبه السخرية على حالها
-أهو بنحسس يا إبن عمي والحمد لله ربك بيسترها
نظر عمها إلى ابنه الذي فتك بقلبه قبل قلب ابنة اخيه
تنحنح وقال بنبرة تملؤها الخجل من فعلة ابنه
-متزعليش يا حياة يابتي أدهم ما
ردت “حياة” مقاطعه
-أدهم ماقلش حاجه تزعل ياعمي دي الحقيقه
وقف “أدهم ” من فوق مقعده ثم رفع عبائته على كتفه وقال بنبرة ساخرة
-اهو مش زعلانه يا بوي متكبرش الموضوع اكده هي مش حساسه جوي اكده
-اسيبكم أنا بجى (بقى) عشان عندي جلسه عرفيه
سلام عليكم
وقفت شقيقته وقالت معاتبه
-يااخي بطل الدبش ال بترمي دا إيه مافيش في قلبك رحمه
مازحها بحديثه وهو يغمز لها بطرف عينه
-ولاحتى حياة سلام يا أخرة صبري
حركت رأسها على يمينا ويسارا وهي تتمتم بخفوت
.- مش هاتتغير ياأدهم دبش طول عمرك
ثم هتفت بصوت مرتفع قائلة
-متنساش البطاطه ياأدهم واللب وأعمل حساب حياة معاك
قاطعتها “حياة” قائلة
-لأ ربنا يخليكي يا غاده ملوش لازم تتعبي
وقف على باب المنزل وتحدث دون أن يستدار قائلا بصوت أجش
-من وفر شئ كأنه جابه وعموما ماكنتش هاعمل حسابك معايا في حاجه أساسا
لم تستطع “حياة”هذه المرة منع شلل دموعها الذي سقطت ما أن صفع ذاك الأخير باب المنزل بقوة شديدة
