عمياء في درب الهوى للكاتبه هدي
قاطعته بسعاده غامرة
-والله العظيم هو دا الحق يا جدي
هز رأسه بالايجاب وقال بهدرء
-خلاص هاتي الورق وسراج يشوفوا وبعدها اخلي بدران يعمل لك تنازل عن الأرض
قاطعه “بدران ” بغضبٍ شديد قائلا
– مش هتنازل عن حاجه هي عاوزها عشان تديها لـ أدهم ببلاش
ردت مقاطعه بنبرة صادقه
-لأ والله ماحصل
ثم تابعت بكذب
-أدهم قالي إن مستعد يديني تمن الأرض وإن ابعد عن المشاكل بس أنا رفضت
سألها “بدران” بغضب قائلا
-وهو هايعمل اكده ليه ؟
أجابته بتردد
-عشان عشان بنت عمه
ثم تابعت وهي تستعطف جدها بنبرتها قائلة
-ولا يمكن بيتصدق عليا الله اعلم يرضيك يا جدو حد يتصدق عليا
رد مقاطعا بنبرة حانيه
-لأ يا بتي ماعاش ولاكان
اشتعلت النار بصدر “بدران ” بعد أن شعر أن بدء البساط ينسحب من تحت قدميه فوضعت شرطا حتى يعيد لها ميراثها
فقال بجديه
-أني مش هارجع حاجه ولوزي ما بتجولي (بتقولي) مش هاتديها لأدهم يبجى(يبقى) تتجوزني وأعمل لك العمليه بتمن الأرض ساعتها هاتثبت حُسن نيتك
صمت الجد وانتظر رد حفيدته على عرض “بدران”
سألته “حياه” بنبرة متوجسه قائلة
-ساكت ليه يا جدو ؟
رد قائلا
-عاوز أرعف رأيك في عرض إبن خالك ؟
-بس هو متجوز تلاته غيري ؟
رد “بدران” قائلا
– والشرع قال مثنى وثلاث ورباع
ردت مقاطعه بحده
-ماتكمل سكت ليه ولا إنت ماتعرفش حاجه في الدين غير الأيه دي دا من ساعه ما دخلت هنا وإنت بتأمر وتزعق وكأنك أنت السلطان والستات ال متجوزها جواري عندك وأنا مقبلش على نفسي أكون جاريه
ومين جال (قال) إنك جاريه أنتِ
قاطعته قائلة بكذب
-أنا مش هاقدر اتجوزك لأن ببساطه شديدة أنا متجوزة
قطب الجد مابين حاجبيه وراح يقول بدهشه قائلا
-متجوزة ؟! إمتى ومين؟
بلعت ريقها وقالت بكذب
-إمتى من حاولي 3 شهور
سألها “بدران” وكأنه يتوقع إجابتها قائلا
-وياترى مين سعيد الحظ ديه ؟ من هنا ولا من مصر
صمت برهه لتفكر في كذبه جديدة ولكن عقلها لم يسعفها فهي لم تعتاد على الكذب فقالت بتردد
-من من هنا
سألها الجد بفضول
-مين دا يا حياه
أجابته بكذب
-أدهم إبن عمي
كيف ديه وهو اهني وماجلش (قلش) لحد ابدا إنه اتجوز وعايش وحده في المزراعه
أجابته بتلعثم
-ماهو ينزلي مصر كل فترة يشوفني ويرجع تاني عشان شغله وجابني هنا عشان أخته هاتتجوز ويعلن للبلد جوازنا يوم فرحها
صدح صوت “بدران” معارضا حديث “حياه” متهما إياها بالكذب حاول “سراج” تهدئه الوضع ولكنه فشل فقد أصبح أخيه ثور هائج يريد قتل من يقف أمامه
